<p>កាលពីថ្ងៃទី ១៦ឧសភា អតីតប្រធានាធិបតិបារាំង លោក Sarkozy បានរត់ហាត់ប្រាណនៅឯឧទ្យាន<br />មួយរួមជាមួយនឹងក្រុមអង្គរក្ស បន្ទាប់ពីគាត់បានក្លាយជា "ប្រជាពលរដ្ឋសាមញ្ញ"។</p>
<p class="pBody">កាលពីមុននេះ លោក Sarkozy ធ្លាប់បានប្រកាសថា ប្រសិនមិនបានធ្វើជាកំពូលអ្នកដឹកនាំប្រទេស<br />បារាំង លោកនឹងចំណាយពេលវេលាច្រើនដើម្បីថែទាំគ្រួសារ។ ទំព័រ France24 បានបញ្ចេញមតិថា<br />៖ "បំណងរបស់លោក Sarkozy បានក្លាយជាការពិត"។</p>
<p class="pBody"><a class="thickbox" title="" href="/FileManager/Commons/2012/5/17/image-17-05-2012--10-03-46.jpg"><img src="/FileManager/Articles/mce/2012/5/17/image-17-05-2012--10-03-46.jpg" alt="" /></a></p>
<p class="pBody">ពិធីផ្ទេរតំណែងរវាងលោក Sarkozy និងប្រធានាធិបតិថ្មី លោក Hollande ត្រូវបានធ្វើឡើងនៅប៉ារីស<br />និងបានបញ្ជប់នៅវេលាថ្ងៃត្រង់ ថ្ងៃទី ១៥ឧសភា(ម៉ោងក្នុងស្រុក)។ ក្រោយពីពិធីដ៏សាមញ្ញ(ពុំមានមេ<br />ដឹកនាំប្រទេសផ្សេងចូលរួម) លោក Sarkozy និងភរិយា គឺលោកស្រី Carla Bruni បានដឹកដៃគ្នាចាក<br />ចេញពីវិមាន Elysee ។</p>
<p class="pBody">ក្នុងដំណើរចាកចេញមកកាន់រថយន្ដរបស់ខ្លួន លោក Sarkozy តែងញញឹមជាប់ជានិច្ចនៅចំពោះមុខ<br />កាមេរ៉ារបស់អ្នកសារព័ត៌មាន។ លោក Sarkozy មិនបានបង្ហាញទឹកមុខស្រពោនដោយសារតែការ<br />ចាញ់ឆ្នោតនោះទេ។</p>
<p class="pBody">នៅខាងក្រៅវិមាន Elysee អ្នកគាំទ្រអតីតប្រធានាធិបតិបារាំងរូបនេះ បានលើកបដាដែលសរសេរ<br />ថា "អគុណលោក Sarkozy"។ ទន្ទឹមនឹងនេះក៏មានកាសែតមួយចំនួនរបស់បារាំងបានហៅការចាក<br />ចេញនេះថា ជា "ការបញ្ចប់រយៈពេល ៥ឆ្នាំនៃការកាន់អំណាចដែលមានភាពចម្រូងចម្រាស់"។</p>
<p class="pBody">ក្នុងដំណើរវិលត្រឡប់មកកាន់គេហដ្ឋានរបស់ខ្លួននៅខណ្ឌ ១៦ ក្នុងក្រុងបារីស លោក Sarkozy ត្រូវ<br />បានអមដំណើរដោយម៉ូតូនគរបាលចំនួនពីរគ្រឿង នៅពេលមានស្ដុបភ្លើងក្រហម ក្បួនរថយន្ដនេះ<br />ក៏ឈប់ដូចគេដូចឯង នេះគឺជាសញ្ញាមួយនៃការវិលត្រឡប់មកជាពលរដ្ឋសាមញ្ញរបស់អតីតប្រធានា<br />ធិបតិបារាំង លោក Sarkozy។</p>
<p class="pBody">នៅវេលាម៉ោង ១៥(ម៉ោងនៅបារីស) ថ្ងៃទី ១៥ ឧសភា អតីតប្រធានាធិបតិរូបនេះបានចាប់ផ្ដើមរស់<br />នៅដូចប្រជាជនសាមញ្ញ ជាមួយនឹងការរត់ហាត់ប្រាណនៅឯឧទ្យាន Bois de Boulogne។ បើទោះ<br />ជាមេឃភ្លៀង ប៉ុន្ដែលោកនៅតែរត់បានមួយជុំស្រះទឹកក្នុងឧទ្យាននេះ។</p>
<p class="pBody">ចំពោះគម្រោងនាពេលអនាគត គេនៅមិនទាន់ដឹងថា លោក Sarkozy នឹងធ្វើអ្វីនោះទេ ប៉ុន្ដែពេល<br />នេះ លោកបានចាប់ផ្ដើមជីវិតសាមញ្ញេរបស់ខ្លួន៕</p>
<p class="pBody" style="text-align: right;">ដោយ ៖ សូរីយ៉ា<br />ប្រភព ៖ france24</p>