<p><span style="color: #000000;"><strong>-ប្រជាពលរដ្ឋ រិះគន់ ភាពបង្កអនាធិប តេយ្យ របស់ សមាគម ម៉ូតូកង់បី</strong></span></p>
<p><span style="color: #000000;"><strong>ភ្នំពេញ ៖ </strong> មានការភ្ញាក់ផ្អើលតាំងពី វេលាម៉ោង៨និង៣០នាទី ព្រឹកថ្ងៃទី២៨ ខែកុម្ភៈ ឆ្នាំ២០១៥ ស្ថិតនៅក្បែរភោជនីយ ដ្ឋានយាំងចូវ តាមផ្លូវលេខ២៥២កែងផ្លូវ លេខ៦៣ សង្កាត់ចតុមុខ ខណ្ឌដូនពេញ ដោយសារតែមាន កម្លាំងសមត្ថកិច្ច និងក្រុម ម៉ូតូកង់បីជាច្រើននាក់ បាននឹង កំពុង ធ្វើការឡោមព័ទ្ធ នៅទីនោះ ក្នុងគោល បំណងតាមស្វែង រកជនសង្ស័យ ក្រោយពីធ្វើ សកម្មភាព លួចម៉ូតូនៅខណ្ឌចំការមន ។</span></p>
<p><span style="color: #000000;">យោងតាមប្រភពព័ត៌មានពីកន្លែងកើត ហេតុ បានឱ្យដឹងថា មានជនសង្ស័យលួចម៉ូតូ របស់ប្រជាពលរដ្ឋនៅក្នុង ទឹកដីខណ្ឌចំការមន រួចហើយបានបើករត់មកដល់ចំណុចផ្លូវលេខ២៥២ កែងផ្លូវលេខ៦៣ ក៏បោះបង់ម៉ូតូចោល រួចរត់ពួនបាត់ ពេលនោះ ធ្វើឱ្យក្រុមម៉ូតូកង់បី ដែលដេញ តាមពីក្រោយរួមជាមួយកម្លាំង សមត្ថកិច្ចជាច្រើននាក់ បានធ្វើការឡោមព័ទ្ធ នៅទីនោះ តាមចាប់ជនសង្ស័យ ។</span></p>
<p><span style="color: #000000;">តាមសេចក្ដីរាយការណ៍នៅក្នុងករណី នេះ អ្នករត់ម៉ូតូបានចោទប្រកាន់ថា សមត្ថកិច្ចបានទុកឱកាស ឱ្យចោរ រត់គេចខ្លួនដោយ សុវត្ថិភាព ។</span></p>
<p><span style="color: #000000;">ជាមួយគ្នានេះ ប្រជាពលរដ្ឋមួយចំនួន បានបង្ហាញការរិះគន់ យ៉ាងខ្លាំងចំពោះសកម្មភាពខ្លះ របស់ក្រុមម៉ូតូកង់បី ដែលតែងតែបង្កភាព រញ៉េរញ៉ៃនិងអនាធិបតេយ្យនៅក្នុងសង្គម ពីព្រោះពេលមានរឿងអ្វីមួយ ដូចជាជួប គ្រោះថ្នាក់ចរាចរណ៍ ជាដើមនោះ ក្រុមម៉ូតូកង់បីនេះ បានកេណ្ឌគ្នីគ្នាឆ្ពោះទៅ កាន់កន្លែងកើតហេតុ ។</span></p>
<p><span style="color: #000000;">ទន្ទឹមនឹងនេះ សកម្មភាពខ្លះ ពួកគេបានធ្វើការជំនួសសមត្ថកិច្ច និងពេលខ្លះបានរារាំងប្រតិបត្ដិការរបស់ សមត្ថកិច្ច ទៀតផង ដូច្នេះអាជ្ញាធរពាក់ព័ន្ធគួរតែ ពិនិត្យមើលបញ្ហានេះឡើងវិញ ចៀសវាងទៅពេលខាងមុខ សកម្មភាព របស់ពួកគេ និងគ្របដណ្ដប់លើការងាររបស់អាជ្ញាធរមានសមត្ថកិច្ចជាក់ជាមិនខាន ដោយអាង កម្លាំងមនុស្សទៅប្រមូលផ្ដុំជាដើម ។</span></p>
<p><span style="color: #000000;">ប្រជាពលរដ្ឋមួយរូប ដែលធ្លាប់ឃើញ ហេតុការណ៍នេះផ្ទាល់ភ្នែក បាននិយាយថា នៅពេលដែលសមាជិក ណាម្នាក់ របស់សមាគមអ្នករត់ម៉ូតូកង់ មានគ្រោះថ្នាក់ចរាចរណ៍ ប៉ះពាររថយន្ដរបស់អ្នកដំណើរតាមដងផ្លូវ បើទោះបីអ្នករត់ ម៉ូតូកង់បីជាអ្នកខុស ប៉ុន្ដែពួកគេអាងឡើងវ៉ៃតាមវិទ្យុទាក់ទង ប្រកូកប្រកាសគ្នីគ្នា ឆ្ពោះទៅកាន់ កន្លែងកើតហេតុ ដើម្បីដាក់សម្ពាធទៅលើអាជ្ញាធរមានសមត្ថកិច្ចក្នុងការដោះស្រាយនិងភាគីម្ខាងទៀត ហើយពេលខ្លះ រហូតនាំគ្នាទៅឡោមព័ទ្ធទីស្នាក់ការរបស់សមត្ថកិច្ចទៀតផង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/28/2-28-2015-11-22-52-am-28-02-2015--11-29-01.png"><img src="/FileManager/Articles/mce/2015/2/28/2-28-2015-11-22-52-am-28-02-2015--11-29-01.png" alt="" /></a></span></p>
<p><a class="thickbox" title="" href="/FileManager/Commons/2015/2/28/2-28-2015-11-23-07-am-28-02-2015--11-29-11.png"><img src="/FileManager/Articles/mce/2015/2/28/2-28-2015-11-23-07-am-28-02-2015--11-29-11.png" alt="" /></a></p>
<p><a class="thickbox" title="" href="/FileManager/Commons/2015/2/28/2-28-2015-11-23-20-am-28-02-2015--11-29-21.png"><img src="/FileManager/Articles/mce/2015/2/28/2-28-2015-11-23-20-am-28-02-2015--11-29-21.png" alt="" /></a></p>
<p><a class="thickbox" title="" href="/FileManager/Commons/2015/2/28/2-28-2015-11-23-36-am-28-02-2015--11-29-30.png"><img src="/FileManager/Articles/mce/2015/2/28/2-28-2015-11-23-36-am-28-02-2015--11-29-30.png" alt="" /></a></p>
<p><a class="thickbox" title="" href="/FileManager/Commons/2015/2/28/2-28-2015-11-23-51-am-28-02-2015--11-29-40.png"><img src="/FileManager/Articles/mce/2015/2/28/2-28-2015-11-23-51-am-28-02-2015--11-29-40.png" alt="" /></a></p>
<p><a class="thickbox" title="" href="/FileManager/Commons/2015/2/28/2-28-2015-11-24-05-am-28-02-2015--11-29-51.png"><img src="/FileManager/Articles/mce/2015/2/28/2-28-2015-11-24-05-am-28-02-2015--11-29-51.png" alt="" /></a></p>
<p style="text-align: right;"><br /><span>ផ្ដល់សិទ្ធដោយ៖ ដើមអម្ពិល</span><a class="thickbox" title="" href="/FileManager/Commons/2015/2/28/2-28-2015-11-24-05-am-28-02-2015--11-29-51.png"></a><span style="color: #000000;"><br /></span></p>