<p><span style="color: #000000;"><strong>ភ្នំពេញ៖</strong> មន្ត្រីតុលាការ បានឲ្យដឹងថា លោកលី លីបម៉េង ចៅក្រមស៊ើបសួរ នៃ សាលាដំបូងរាជធានីភ្នំពេញ កាលពីថ្ងៃ ទី ២៥ ខែ មិថុនា ២០១៥នេះ បានសម្រេចឃុំខ្លួន ស្ត្រីត្រូវចោទម្នាក់ ទៅដាក់គុកព្រៃស ក្រោម ការចោទប្រកាន់ ពីបទ«សញ្ជារកម្ម មានស្ថានទម្ងន់ទោស» ជាប់ទាក់ទងនឹងការ នាំក្មេងស្រីវ័យក្មេងចំនួន ២នាក់ ទៅដេកជាមួយភ្ញៀវ នៅតាមផ្ទះសំណក់ ជាថ្នូរនឹងការទទួល បានកម្រៃជើងចំនួន៥០ភាគរយ ពីពួកគេ។</span></p>
<p><span style="color: #000000;">ជនត្រូវចោទខាងលើនេះ មានឈ្មោះ សុខ ហ៊ីម ភេទស្រី អាយុ៣៧ឆ្នាំ និង ត្រូវបានប់ឃាត់ខ្លួន កាលពីរសៀល ថ្ងៃទី២២ ខែមិថុនា ឆ្នាំ២០១៥ ខណៈ ម៉ែយ៉ែរូបនេះ បានទើបនាំក្មេងស្រីចំនួន២នាក់ ចុះពីសណ្ឋាគារ បន្ទាប់ពីបាននាំពួកគេ ទៅដេកជាមួយភ្ញៀវរួចមក នៅចំណុចសណ្ឋាគារ បូលីណា ផាលេស ស្ថិតនៅផ្លូវលេខ១៥៤ សង្កាត់ផ្សារថ្មី ៣ ខណ្ឌដូនពេញ៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/26/6-26-2015-9-28-48-am-26-06-2015--09-34-37.png"><span style="color: #000000;"><img src="/FileManager/Articles/mce/2015/6/26/6-26-2015-9-28-48-am-26-06-2015--09-34-37.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>