<div class="article-content">
<p><strong>កណ្តាលៈ</strong> ជនសង្ស័យម្នាក់ បានធ្វើសកម្មភាព យកដែកសសៃវាយក្បាល ជនរងគ្រោះ២នាក់ <br />បណ្តាលឲ្យ រងរបួសយ៉ាងដំណំ ដោយសារតែពាក្យថា ដូរមិនដូរ ត្រូវនគរបាលឃាត់ខ្លួនជនដៃ<br />ដល់ និងកសាងសំណុំ រឿងចាត់ការទៅតាមផ្លូវច្បាប់ ។ ហេតុការណ៍នេះ កើតឡើងកាលពីវេលា<br />ម៉ោង៤ និង០០នាទីល្ងាច ថ្ងៃទី ០២ ខែសីហា ឆ្នាំ២០១៣ ស្ថិតនៅក្នុងភូមិពាមប្រជុំ ឃុំព្រែកអំបិល<br /> ស្រុកស្អាង ខេត្តកណ្តាល ។</p>
<p>បើយោងតាម របាយការណ៍នគរបាល ស្រុកស្អាងបានឲ្យដឹងថា ជនរងគ្រោះមានគ្នា២នាក់ ទី១-<br />ឈ្មោះ វ៉ន ម៉ៅ ភេទប្រុស អាយុ ៥០ឆ្នាំ មានមុខរបរជាកសិករ ទី២-មានឈ្មោះ ឃាល ណុប ភេទ<br />ប្រុស អាយុ៤៦ឆ្នាំ មានមុខរបរ ជាកសិករ រងរបួសលើថ្ងាសមួយកន្លែង ។ ចំណែកឯជនសង្ស័យ<br />វិញ មានឈ្មោះ ក្តាម ចំរ៉ុង ភេទប្រុស អាយុ៤៣ឆ្នាំ មានមុខរបរជាកសិករ អ្នកទាំង៣រស់នៅក្នុងភូមិ<br /> ឃុំកើតហេតុខាងលើជាមួយគ្នា។</p>
<p>របាយការណ៍ដដែលបានបន្តថា កាលពីថ្ងៃទី០១ ខែសីហា ឆ្នាំ២០១៣ ជនសង្ស័យបានទៅឈរ<br />ស្រែកនៅ ខាងមុខផ្ទះជនរងគ្រោះឈ្មោះ ឃាល ណុប ដោយស្រែកថា ដូរមិនដូរ ពេលនោះជន<br />រងគ្រោះ បានឃាត់ ដោយយកដៃរុញស្មាជនសង្ស័យជាច្រើនដង ឲ្យវិលត្រឡប់ទៅផ្ទះវិញ ។ ជន<br />សង្ស័យក៏បានដើរត្រឡប់ទៅ ផ្ទះវិញបាត់ ។ លុះដល់ថ្ងៃទី០២ ខែសីហា ឆ្នាំ២០១៣ វេលាម៉ោង <br />៤ល្ងាចជនរងគ្រោះឈ្មោះ វ៉ន ម៉ៅ ទៅ អង្គុយនៅខាងក្រោយផ្ទះ ឃាល ណុប ជាមួយគ្នាក្នុងគោល<br />បំណងបបួលគ្នាទៅមើល ស្របពេលនោះ ជន សង្ស័យក៏បានដើរមក ដោយដៃកាន់ដែកសសៃមួយ<br />ដើម ប្រវែង ៣៨សង់ទីម៉ែត្រ ដោយដើរបណ្តើរស្រែក បណ្តើរថា ដូរមិនដូរជាច្រើនដង រួចហើយក៏<br />ចូលទៅវាយឈ្មោះ ឃាល ណុប មួយដែកសសៃនោះបណ្តាល ឲ្យរងរបួសធ្ងន់ ចំណែកឯឈ្មោះ <br />វ៉ន ម៉ៅ ឃើញដូច្នេះក៏ស្ទុះចូលទៅជួយត្រូវជនសង្ស័យ វាយចំក្បាល ១ ដែកសសៃនោះទៀត ។</p>
<p>ប្រភពបានបន្តថា ជនសង្ស័យបន្ទាប់ពីវាយជនរងគ្រោះទាំង២នាក់រួចហើយ បែរជាស្រែកថា ជួយ<br />ផងៗ ពេលនោះអ្នកផ្ទះបានបើកភ្លើងបំភ្លឺ រួចហើយក៏នាំគ្នាចាប់ជនសង្ស័យបញ្ជូនទៅផ្ទះលោកមេ<br />ភូមិរួចក៏ប្រគល់ ទៅឲ្យនគរបាលដើម្បីចាត់ការទៅតាមផ្លូវច្បាប់ ។ បច្ចុប្បន្នជនសង្ស័យត្រូវបានឃុំ<br />ខ្លួនជាបណ្តោះអាសន្ន នៅអធិការដ្ឋាននគរបាលស្រុកស្អាង ដើម្បីកសាងសំណុំរឿងបញ្ជូនមកកាន់<br />ស្នងការដ្ឋាន ចាត់ការទៅតាម ផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0012.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0013.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>