<p><span style="color: #000000;"><strong>ភ្នំពេញ៖</strong> គណៈកម្មាធិការប្រតិបត្តិ និងជាប្រធាននាយក ដ្ឋានរដ្ឋបាល របស់គណៈកម្មាធិការជាតិ អូឡាំពិកកម្ពុជា (NOCC) លោក ឈួន ឡេង បានទទួលមរណៈភាពហើយ កាលពីវេលាម៉ោង ១២ និង ១៥នាទីយប់ ឈានចូលថ្ងៃទី០៤ ខែមីនា ឆ្នាំ២០១៥ នៅមន្ទីពេទ្យកាល់ម៉ែត ដោយរោគាពាធ ។</span></p>
<p><span style="color: #000000;">យោងតាមសេចក្ដីជូនដំណឹងនៅលើ Facebook ផ្លូវការរបស់ NOCC បានឲ្យដឹងថា លោក ឈួន ឡេង បានទទួលមរណៈភាព ក្នុងជន្មាយុ ៦៦ឆ្នាំ ហើយលោកក៏មានតួនាទី ជាអគ្គលេខាធិការ ដឹកនាំសហព័ន្ធកីឡាសីប៉ាក់តាក្រ ផងដែរ ។</span></p>
<p><span style="color: #000000;">ក្នុងនាមមន្ដ្រីគណៈកម្មាធិការជាតិអូឡាំពិកកម្ពុជា និងសហព័ន្ធកីឡាសីប៉ាក់តាក្រកម្ពុជា បានកើតទុក្ខជាទម្ងន់ បន្ទាប់ពីទទួលបានដំណឹង ដ៏ក្រៀមក្រំខាងលើ ដែលត្រូវបាត់បង់ថ្នាក់ដឹកនាំកីឡា ជើងចាស់មួយរូបទៀត ខណៈអគ្គលេខាធិការរង របស់គណៈកម្មាធិការជាតិ អូឡាំពិកកម្ពុជា លោក ហែម ថុន ទើបតែទទួលមរណៈភាព កាលពីចុងឆ្នាំ២០១៤កន្លងទៅ ។</span></p>
<p><span style="color: #000000;">គួរបញ្ជាក់ថា បច្ចុប្បន្នសពលោក ឈួន ឡេង កំពុងតម្កល់នៅវត្តថ្វាយដង្គុំ ក្នុងរាជធានីភ្នំពេញ ដើម្បីប្រារព្វពិធីបុណ្យ តាមប្រពៃណីព្រះពុទ្ធសាសនា ក្នុងនោះមន្ដ្រីកីឡាជាតិ គ្រប់ស្ថាប័ន ក៏មានទុក្ខយ៉ាងក្រៀមក្រំបំផុត ជាមួយអ្នកស្រី ញ៉ែម ប៉ព្រាង ត្រូវជាភរិយា ព្រមទាំងក្រុមគ្រួសារ នៃសពផងដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/3/4/3-4-2015-11-13-57-am-04-03-2015--11-18-28.png"><span style="color: #000000;"><img src="/FileManager/Articles/mce/2015/3/4/3-4-2015-11-13-57-am-04-03-2015--11-18-28.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/4/3-4-2015-11-13-41-am-04-03-2015--11-18-42.png"><span style="color: #000000;"><img src="/FileManager/Articles/mce/2015/3/4/3-4-2015-11-13-41-am-04-03-2015--11-18-42.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ ដើមអម្ពិល</span></p>