<p><span style="color: #000000;"><strong>ភ្នំពេញ៖</strong> តារាស្រីដែលចូលប្រឡូកសិល្បៈ ប្រមាណ៣ឆ្នាំកញ្ញា តូច ម៉ារីលីន បានបង្ហើបឲ្យដឹងថា នាងមិនចង់ល្បី ល្បាញក្នុងសិល្បៈតាមរយៈ ការសម្ដែងឈុតឱបរឹត ស្រើបស្រាល ឬក៏ដោយសារតែ យកភាពសិចស៊ី ដើម្បីឈានទៅ រកភាពល្បីក្នុងពិភពសិល្បៈតារាល្បីៗដទៃនោះទេ ព្រោះគ្រួសារនាងបានហាមដាច់ខាតមុននឹងសម្រេចចិត្ត ប្រឡូកក្នុងសិល្បៈ ។</span></p>
<p><span style="color: #000000;">ថ្លែងប្រាប់គេហទំព័រកម្សាន្ត LookingTODAY នៅក្នុងកម្មវិធីសម្ពោធរឿង “ល្បុក្តតោចម្លែក” របស់ផលតិកម្ម Z Entertainment នៅព្រឹកថ្ងៃទី២៦ ខែកុម្ភៈ ឆ្នាំ២០១៥នេះ នាងបានឲ្យដឹងថា ក្នុងរយៈពេលដែលនាងប្រឡូកសិល្បៈនេះ នាងមិនធ្លាប់បានទទួលថតរឿងឡើយណាកន្លងមក ដោយសារតែនាងបដិសេធ នឹងការសម្តែង ដែលមានការប៉ះដៃប៉ះជើង កៀកកើយ ជាមួយតួប្រុស ។</span></p>
<p><span style="color: #000000;">តារាស្រីវ័យក្មេងសាច់សរ រាងខ្ពស់ស្រឡះរូបនេះ បានប្រាប់ឲ្យដឹងទៀតថា "កន្លងមកធ្លាប់មានខាងអ្នកដឹក នាំរឿងច្រើនបាន ទាក់ទងហៅខ្ញុំថតរឿង ប៉ុន្តែខ្ញុំបានសួរទៅពួកគាត់ បើក្នុងរឿងមានលាយឡំជាមួយឈុត សិចស៊ីកៀកកើយឱបរឹត ស្រើបស្រាល ជាមួយតួប្រុសនោះ គឺខ្ញុំមិនទទួលថតឡើយ ។ ម្យ៉ាងទៀតគ្រួសារខ្ញុំ ក៏ដាក់បម្រាមហាមមិនឲ្យថតឈុតឆាកបែបនេះដែរ" ។</span></p>
<p><span style="color: #000000;">កញ្ញា តូច ម៉ារីលីន ប្រាប់ឲ្យដឹងទៀតថា ជាការពិតឲ្យតែអ្នកចូលប្រឡូកសិល្បៈ គឺគេតែងតែប្រាថ្នាចង់បានភាពល្បីល្បាញ ប៉ុន្តែទន្ទឹមនឹងភាពល្បីនោះ នាងក៏មិនចង់យកភាពសិចស៊ី ស្លៀកពាក់បញ្ចេញសាច់លើក្រោម ឬក៏ថតឈុតមិនល្អ (កៀកកើយជាមួយតួប្រុស) ដើម្បីជាស្ពានឈាន ទៅរកភាពល្បីល្បាញឡើយ ។</span></p>
<p><span style="color: #000000;">តារាសម្តែង និងជាតារាបង្ហាញម៉ូដ វ័យ២២ឆ្នាំកញ្ញា តូច ម៉ារីលីន គឺជាតារាស្រីដែលដុះពន្លក នៅលើថ្នាលសិល្បៈកាលពីឆ្នាំ២០១២ ដោយនាងបានចូលរួមប្រឡងក្នុងកម្មវិធី “ពេជ្រកំពុងច្នៃ” ជាប់ជ័យលាភីលេខ១ ហើយបន្ទាប់ពីនាងបានបោះជំហានចូលសិល្បៈ នាងក៏ត្រូវបានខាងបណ្តាក្រុមហ៊ុនជាច្រើន ហៅឲ្យថតស្ពតពាណិជ្ជកម្មជាច្រើនផងដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/27/30-27-02-2015--10-20-55.jpg"><img src="/FileManager/Articles/mce/2015/2/27/30-27-02-2015--10-20-55.jpg" alt="" /></a></span></p>
<p><a class="thickbox" title="" href="/FileManager/Commons/2015/2/27/31-27-02-2015--10-21-03.jpg"><img src="/FileManager/Articles/mce/2015/2/27/31-27-02-2015--10-21-03.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/2/27/30-27-02-2015--10-20-55.jpg"></a></span></p>
<p><a class="thickbox" title="" href="/FileManager/Commons/2015/2/27/32-27-02-2015--10-21-10.jpg"><img src="/FileManager/Articles/mce/2015/2/27/32-27-02-2015--10-21-10.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>