<div class="article-content">
<p><strong>ភ្នំពេញ៖</strong> ថវិកាប្រមាណជិត ៤០លានរៀល ត្រូវជនមិនស្គាល់មុខវាយបំបែកកញ្ចក់ លួចយកទៅ<br />បានដោយសុវត្ថិភាព ខណ:ជនរងគ្រោះ ទើបបើកចេញពីធនាគារកាណាឌីយ៉ា យកមកទុកក្នុង<br />រថយន្ត ហើយបើកទៅចតនៅមុខ ផ្សារឡាក់គី រួចចូលទៅក្នុងផ្សារ ។</p>
<p>ហេតុការណ៍ភ្ញាក់ផ្អើលមួយ បានកើតឡើង ដោយសារក្រុមជនសង្ស័យ មិនស្គាល់មុខ ២នាក់ ជិះ<br />ម៉ូតូមួយគ្រឿង មកឈប់ធ្វើសកម្មភាពវាយបំបែក កញ្ចក់រថយន្តកាមរីបាឡែន ពណ៌ស្ករ ពាក់ស្លាក<br />លេខ ភ្នំពេញ 2W-0778 លួចយកលុយក្នុងរថយន្តអស់ជិត ៤០លានរៀល កាលពីវេលាម៉ោង ៣<br />និង៣០នាទី រសៀលថ្ងៃទី២៧ ខែវិច្ឆិកា ឆ្នាំ២០១៣ នៅចំណុចមុខផ្សារឡាក់គី ផ្លូវព្រះសីហនុ ភូមិ៤<br /> សង្កាត់បឹងកេងកងទី១ ខណ្ឌចំការមន នគរបាលមូលដ្ឋានបានឲ្យដឹងថា ម្ចាស់រថយន្តដែលចោរ<br />លួចយកលុយនេះ មានឈ្មោះ ញឹវ ប៊ុនធឿន ភេទប្រុស អាយុ ៣២ឆ្នាំ មុខរបរជាអ្នកម៉ៅការសំណង់<br /> ស្នាក់នៅ ផ្លូវជាតិ៥ ភូមិកណ្តាល សង្កាត់ព្រែកព្នៅ ខណ្ឌសែនសុខ ។</p>
<p>តាមការរៀបរាប់របស់ បុរសម្ចាស់លុយបានឲ្យដឹងថា គាត់បានចេញពីផ្ទះ ដើម្បីទៅបើកលុយក្នុង<br />ធនាគារកាណាឌីយ៉ា សង្កាត់ស្រះចក ខណ្ឌដូនពេញ ហើយបន្តបើករថយន្ត មកចតនៅចំណុច <br />កើតហេតុខាងលើ ដោយទុកលុយក្នុងរថយន្ត ហើយចាក់សោរត្រឹមត្រូវ រួចក៏ដើរចូលទៅក្នុងផ្សារ<br />ឡាក់គី ដើម្បីរកទិញទំនិញបន្តិចបន្តួច ។ ខណ:ចូលបាន ប្រមាណកន្លះម៉ោង ក៏ចេញមកវិញ ពេល<br />មកដល់រថយន្ត ស្រាប់តែឃើញរថយន្តរបស់ខ្លួន បែកកញ្ចក់ទ្វារខាងមុខ ផ្នែកខាងឆ្វេង ភ្លាមៗនោះ<br />លោក បានស្ទុះទៅរកមើលថង់លុយ ដែលទុកក្នុងរថយន្តមិនឃើញ ទើបស្រែកឆោរឡោ ដឹងឮ<br />ដល់សមត្ថកិច្ចមូលដ្ឋាន ចុះទៅអន្តរាគមន៍ដល់កន្លែងកើតហេតុ និងបានហៅម្ចាស់ រថយន្តទៅ<br />ដាក់ពាក្យបណ្តឹង នៅទីស្នាក់ការនគរបាល ប៉ុស្តិ៍បឹងកេងកងទី១ ដើម្បីងាយស្រួលដល់សមត្ថកិច្ច <br />បើកការស្រាវជ្រាវកំណត់មុខសញ្ញា តាមចាប់ខ្លួនជនសង្ស័យ យកមកផ្តន្ទាទោសតាមផ្លូវច្បាប់ ។</p>
<p>លោក ប៊ុនធឿន បានបញ្ជាក់ថា លុយដែលជនមិនស្គាល់មុខយកទៅបាត់នោះ ចំនួន ៣៨លាន <br />៦០ម៉ឺនរៀល ដែលជាលុយទើបបើកចេញ ពីធនាគារ ដើម្បីយកទៅសងថ្លៃគ្រឿងសំណង់ និង<br />បើកលុយដល់កម្មករផងដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-030/Kosal-0296.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-030/Kosal-0297.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>