<p><span style="color: #000000;"><strong>ភ្នំពេញ៖</strong> កន្លងមក តារាសម្តែងស្រីស្រស់ មានដើមទ្រូងសិចស៊ី កញ្ញា ពេជ្រ អាវីហ្សា ធ្លាប់មានព័ត៌មានលេចឮថា មានគម្រោងចូលរោងការ ជាមួយបុរសមាឌធំ លោក រ៉េតធី ដូណា ដែលជាអតីតគូស្នេហ៍របស់ តារាចម្រៀងល្បីឈ្មោះនាង ឱក សុគន្ធកញ្ញា តែព័ត៌មានគ្រប់យ៉ាង ត្រូវស្ងប់ស្ងាត់ទៅវិញ បន្ទាប់ពីតារារូបនេះ ចេញមុខបដិសេធន៍ និងបកស្រាយពីទំនាក់ទំនង របស់ពួកគេរួច ។ ក្រោយពីព័ត៌មាននោះ បញ្ចប់មិន ទាន់បានប៉ុន្មានផង តារារូបនេះក៏បានពើបប្រទះ និងព័ត៌មានថ្មីមួយទៀតថា ពេលនេះតារារូបស្អាតសាច់សរ ប្រៀបដូចបណ្តូលចេក កញ្ញា អាវីហ្សា កំពុងតែសម្ងំ បង្កាត់ភ្លើងស្នេហ៍ ជាមួយបុរសម្នាក់ទៀត ដែលមានមាឌធំ មិនចាញ់អតីតគូស្នេហ៍ ចាស់ឡើយ។</span></p>
<p><span style="color: #000000;">តាមរយៈការបង្ហាញ វត្តមានគូស្នេហ៍ ជាបុរសមាឌធំជាប់ៗគ្នានេះ ត្រូវបានមជ្ឈដ្ឋាន អ្នកតាមដានសិល្បៈ និយាយថា បើទោះជាតារាស្រីរូបនេះ មានរាងតូចច្រឡឹង រូបស្អាតក៏ដោយ ប៉ុន្តែសម្រាប់អារម្មណ៍ ក្នុងការស្រលាញ់គូស្នេហ៍វិញ គឺនាងចូលចិត្ត តែសង្សារណាដែលមាឌធំៗ ខុសពីអ្នកសិល្បៈ និងមនុស្សស្រីដទៃ ។</span></p>
<p><br /><span style="color: #000000;">បើទោះជាស្រីស្អាត កញ្ញា អាវីហ្សា បានបង្ហាញវត្តមានគូស្នេហ៍ ជាកំលោះមាឌធំបង្អួត អ្នកគាំទ្រក្នុងបណ្តាញ ទំនាក់ទំនងសង្គម Facebook ក៏ដោយ ប៉ុន្តែនាងមិនបានបង្ហាញ អត្តសញ្ញាណ របស់បុរសម្នាក់នោះឡើយ ដោយនាងគ្រាន់តែយករូបភាព ដែលស្និទ្ធស្នាលរវាងនាង និងបុរសម្នាក់នោះ ក្នុងនាមជាសង្សារ បង្ហោះនៅលើបណ្តាញសង្គមផ្ទាល់របស់នាង តែប៉ុណ្ណោះ ។</span></p>
<p><span style="color: #000000;">ទាក់ទងនឹងការលេចឮថា តារាស្រី កញ្ញា ពេជ្រ អាវីហ្សា កំពុងតែសម្ងំបង្កាត់ភ្លើងស្នេហ៍ ជាមួយបុរសមាឌធំវ័យស្របាលគ្នានេះ គេហទំព័រ LookingTODAY មិនអាចទាក់ទង ទៅនាង ដើម្បីសាកសួរនាងបានឡើយ នៅថ្ងៃទី២០ ខែមករា ឆ្នាំ២០១៥នេះ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/21/40-21-01-2015--09-50-14.jpg"><img src="/FileManager/Articles/mce/2015/1/21/40-21-01-2015--09-50-14.jpg" alt="" /></a></span></p>
<p><a class="thickbox" title="" href="/FileManager/Commons/2015/1/21/41-21-01-2015--09-50-24.jpg"><img src="/FileManager/Articles/mce/2015/1/21/41-21-01-2015--09-50-24.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/21/40-21-01-2015--09-50-14.jpg"></a></span></p>
<p><a class="thickbox" title="" href="/FileManager/Commons/2015/1/21/42-21-01-2015--09-50-31.jpg"><img src="/FileManager/Articles/mce/2015/1/21/42-21-01-2015--09-50-31.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>