<p>នារីទាំងឡាយតែងតែចង់បាន សក់ដែលក្រាស់ វែង និង មានសុខភាពល្អ ប៉ុន្តែ មានស្ត្រីមួយ<br />ចំនួន មានសក់ស្តើង ដែលវាជាបញ្ហាសម្រាប់ពួកគេ ក្នុងការជ្រើសរើសម៉ូដសក់អោយត្រូវនឹង<br />ចិត្តរបស់ខ្លួន។<br /><br /><em>សូមស្វែងយល់ពីគន្លឹះខាងក្រោម ប្រសិនអ្នកមានបញ្ហាសក់ស្ដើង ៖</em><br /><br />១. អ្នកត្រូវទៅអោយជាងកាត់សក់ ដែលមានជំនាញធ្វើការកាត់សក់អោយអ្នក ដោយមិនចាំ<br />បាច់ខ្លាច ថាខ្លីជាងអ្វីដែលអ្នកចង់បាននោះទេ សម្រាប់ការកាត់ជាលើកដំបូងនេះ ។ អ្នកត្រូវ<br />អោយជាងកាត់ សក់កាត់ចេញនូវសក់ ដែលស្ងួត និង បែកចុងចេញ និង អាចផ្តល់អោយអ្នក<br />នូវម៉ូត ដែលវានឹង ដុះមកក្រាស់ និង ស្រស់ស្អាតជាងមុន។ គោលដៅចម្បងនោះគឺថា អ្នក<br />នឹងទទួលបាននូវសក់ដែល មានសុខភាពល្អ និង ដុះមកក្រាស់ និង វែងជាងមុន។</p>
<p><a class="thickbox" title="" href="/FileManager/Commons/2012/10/2/0127-hair-beauty-tips-brunettepixie-bd-copy-02-10-2012--11-09-51.jpg"><img src="/FileManager/Articles/mce/2012/10/2/0127-hair-beauty-tips-brunettepixie-bd-copy-02-10-2012--11-09-51.jpg" alt="" /></a><br /><br />២. នៅពេលដែលសក់អ្នក ចាប់ផ្តើមដុះមកវិញ នោះអ្នកត្រូវធ្វើការកាត់តម្រឹមអោយបានទៀង<br />ទាត់ គឺរាល់ ៦ ទៅ ៨សប្តាហ៍ម្តង ដើម្បីរក្សាអោយសក់អ្នក មានសុខភាពល្អ, រឹងមាំ និង <br />ស្ថិតក្នុងស្ថាន ភាពដ៏ល្អបំផុត ដែលវាអាចដុះមកក្រាស់ និង វែងជាងមុនបាន។ អ្នកអាចលាប<br />នូវ ក្រែមបន្ទន់សក់ ដែលមានគុណភាពល្អ ដើម្បីជួយអោយសក់អ្នកមានភាពទន់រលោង និង<br /> រឹងមាំ។<br /><br />៣. កក់សក់ រាល់ពីរបីថ្ងៃម្តង អ្នកមិនត្រូវកក់វាច្រើនពេកទេ។ ការកក់សក់ញឹកញាប់ពេក អាច<br />ទាញ ឬសសក់ បំផ្លាញដល់ស្បែកក្បាល និង កំចាត់ចោលនូវប្រេងពីធម្មជាតិ ចេញពីសក់ <br />ដែលវាមាន សារៈសំខាន់ ក្នុងការធ្វើអោយសក់ដុះមកវែង និង រឹងមាំ ។<br /><br />៤. ធ្វើការលាបផលិតផលថែទាំសក់ថ្នមៗ និង ធ្វើការម៉ាស្សានៅលើស្បែកក្បាល ពី ៣ ទៅ ៥<br />នាទី។ ដាក់នូវក្រែមបន្ទន់អោយបានច្រើនបន្តិច នៅត្រង់ចុងសក់ និង ទុកវាចោលបន្ទាប់<br />ពីអ្នកបានកក់សក់រួច។ ប្រើទឹកក្តៅឧណ្ណៗ និង លាងសំអាតជាមួយនឹងទឹកត្រជាក់ធម្មតា<br /> តែអ្នកមិនត្រូវជ្រមុជ សក់ទៅក្នុងទឹកក្តៅនោះទេ។<br /><br />៥. ធ្វើការសិតសក់ អោយបានជាប្រចាំ ដោយប្រើក្រាស់សិតសក់ ដែលមានធ្មេញរង្វើល។ កំនួច<br />សក់ និង សក់អង្កាញ់អាចបង្អាក់ដល់ សម្តត្ថភាពសក់ ក្នុងការដុះមកវែង និង ក្រាស់ជាង <br />មុនបាន។<br /><br />៦. អ្នកមិនត្រូវ ធ្វើអោយសក់អ្នកស្ងួតពេក ដោយការប្រើម៉ាស៊ីនផ្លុំសក់នោះទេ។ ជំនួសមកវិញ<br /> អ្នក ត្រូវផ្លុំសក់ដោយ ដាក់ខ្យល់សំងួតក្នុងកម្រិតស្រាលៗ ឬ ដាក់វាអោយស្ងួតដោយការត្រូវ<br />ខ្យល់។<br /><br />៧. ជៀសវាងនូវការប្រើប្រដាប់មូលសក់, ម៉ាស៊ីនកៀបសក់ ឬ មូលរួញ។ ពួកវាសុទ្ធតែអាចធ្វើ<br /> អោយ សក់ស្ងួត និង មិនអាចដុះមកវែង ដែលវវានឹងអាចបំផា្លញដល់ចុងសសៃសក់ផងដែរ។<br /> វាមិនត្រឹម តែមិនអាចអោយសក់អ្នកដុះក្រាស់នោះទេ វាថែមទាំងអាចអោយសក់អ្នកស្តើង<br />ទៀតផង។<br /><br />៨. នៅពេលយប់ ចងសក់អ្នកទៅក្រោយ ឬ មូលឡើងទៅលើ ។វិធីនេះជួយការពារ សក់អ្នកពី<br />ការដាច់ ជ្រុះ និង មានកំណួចក្នុងពេលដែលអ្នកប្រែចុះឡើង ពេលកំពុងគេងលក់។</p>
<p><br />៩. ប្រើប្រេងក្តៅព្យាបាលសក់ ឬ ម៉ាសសម្រាប់ស្រោបសក់ អោយបានម្តងក្នុងមួយសប្តាហ៍<br /> ដើម្បី បំប៉ន និង ចិញ្ចឹមសក់។ អ្នកត្រូវធ្វើតាមការណែនាំដែលមាន ដាក់នៅលើផ្លាកផលិត<br />ផល និង ទុកវានៅក្នុងមួកគ្របផ្លាស្ទិច យ៉ាងហោចណាស់ អោយបាន ៣០នាទី និង បន្ទាប់<br />មកលាងសម្អាត វា និង សិតដូចធម្មតា។<br /><br />១០. ព្យាយាមដាក់សក់ អោយដូចជាធម្មជាតិរបស់វា ដោយជៀសវាងនូវការធ្វើអោយសក់មាន<br /> រាងជាទឹករលក ឬ អ៊ុតត្រង់ជាអចិន្ត្រៃ។ ខណៈពេលដែលវាគ្រាន់តែធ្វើអោយសក់មើលទៅ<br /> វែង និង ក្រាស់ជាងមុនជាបណ្តោះអាសន្ន វាបានបំផ្លាញដល់សសៃសក់ និង រារាំងដល់ការ<br />ដុះក្រាស់ និង វែងជាងមុនបានដោយខ្លួនវា ។<br /><br />១១. អ្នកត្រូវមានភាពឆ្លាតវៃ សម្រាប់ការជ្រើសរើសម៉ូតសក់។ កៀបសក់ឡើងទៅលើ ឬ ចងទៅ<br />ក្រោយ នៅក្នុងថ្ងៃក្តៅ ដើម្បីជៀសវាងនូវការបែកញើស និង មានក្អែល ប៉ុន្តែត្រូវចងសក់រាង<br />រលុងៗបន្តិច តាមដែលអាចធ្វើបាន។ ការចងសក់តឹងពេក,ក្រង, មួល និង អាចបំផ្លាញដល់<br />សុខភាពនៃ សសៃសក់របស់អ្នកបាន។<br /><br />១២. រស់នៅ ប្រកបដោយសុខភាពល្អ ដោយការទទួលទានអាហារបំប៉នដែលមានជីវជាតិ និង<br /> សម្រាក អោយបានគ្រប់គ្រាន់, ធ្វើលំហាត់ប្រាណអោយបានទៀងទាត់ និង ធ្វើការគ្រប់គ្រង<br /> ស្ត្រេស ។ កត្តាទាំងនេះ គឺសុទ្ធតែជួយអោយសក់អ្នកដុះមកវែងក្រាស់ និង មានសុខភាពល្អ៕<br /><br /></p>
<p style="text-align: right;">ដោយ ៖ សូរីយ៉ា<br />ប្រភព ៖ Health</p>