<p>ព័ត៌មានអន្តរជាតិ ៖ មន្រ្តីផ្លូវការ កងទ័ពជើងទឹក សហរដ្ឋអាមេរិក បានផ្តល់ជាកិច្ចសម្ភាសន៍ ដល់គេ ហទំព័រសារព័ត៌មានបរទេស ស៊ីអិនអិន អោយដឹងថា បណ្តារលកសញ្ញា ទាំង ៤ ដែលបានចាប់បាន នៅត្រង់ចំនុចកណ្តាល នៃការរុករក យន្តហោះ ម៉ាឡេស៊ី MH370 កាលពី ៧ សប្តាហ៍កន្លងទៅនេះ វាពុំមែនជា រលកសញ្ញាចេញពីប្រអប់ខ្មៅ យន្តហោះ ខាងលើ ដែលបានបាត់ទៅនោះទេ ។</p>
<p><a class="thickbox" title="" href="/FileManager/Commons/2014/5/29/01-29-05-2014--09-07-22.jpg"><img src="/FileManager/Articles/mce/2014/5/29/01-29-05-2014--09-07-22.jpg" alt="" /></a></p>
<p>ការទទួលស្គាល់ រហូតដល់មានការអះអាង យ៉ាងដូច្នេះ អាចកើតឡើងទៅបាន កាលពីថ្ងៃពុធ ម្សិល មិញនេះ ក្រោយពីមានកិច្ចការប្រឹងប្រែង ធ្វើ ការស្កែន នូវ បាត សមុទ្រ មានវិសាសភាពដល់ទៅ ៣២៩ ម៉ាយ ការ៉េ តែពុំបានរកឃើញ រលកសញ្ញា ឬក៏បំណែកកំទេចកំទី យន្តហោះ ប្រភេទ Boeing 777-200 ដែលបានបាត់ខ្លួន ដោយអាថ៍កំបាំងននោះទេ ។</p>
<p>លោក Michael Dean នាយក រងកងទ័ពជើង ទឹកសហរដ្ឋអាមេរិក នៃដែនសមុទ្រ វិស្វកម្ម អះអាង អោយដឹងថា អាជ្ញាធរ ជឿជាក់ថា បណ្តារលកសញ្ញា ដែលបានចាប់បាន កាលពីពេលកន្លងទៅនោះ វាពុំមែនចេញពីប្រអប់ខ្មៅ MH370 ដែលបានបាត់់ខ្លួនកាលពី ថ្ងៃទី ៨ មីនា នោះទេ តែវាអាចជា របរ របស់ ដែលជាស្នាដៃមនុស្សជាតិណាមួយ ធ្វើឡើង មិនដែលជាប់ពាក់ព័ន្ធទៅនឹងយន្តហោះ ទៅវិញ ទេ ។</p>
<p><a class="thickbox" title="" href="/FileManager/Commons/2014/5/29/02-29-05-2014--09-07-31.jpg"><img src="/FileManager/Articles/mce/2014/5/29/02-29-05-2014--09-07-31.jpg" alt="" /></a></p>
<p>បន្ថែមពីលើនេះ ប្រភពដដែលបញ្ជាក់បានថា កាលបើ រលកសញ្ញា ពិតជាចាប់បាន និង បង្ហាញ សញ្ញាណហើយនោះ ច្បាស់ណាស់ មិនយូរមិនឆាប់ យន្តហោះ ពិតជារកឃើញជាក់ជាមិនខាន តែ នេះ មិនចាំបាច់ តែតួយន្តហោះ ឬប្រអប់ខ្មៅ ឬក៏ បំណែកកំទេចកំទី អ្វីនោះទេ សុទ្ធសឹងតែ ពុំទាន់ រកឃើញ ។</p>
<p>លោក Michael បន្តអោយដឹងថា អាជ្ញាធរ មានជំនឿ ជាក់ ថា វាពុំមែនជារលកសញ្ញាចេញពីប្រអប់ ខ្មៅនោះទេ តែផ្ទុយទៅវិញ វាអាចជារលកសញ្ញា ដែលចាប់បានទៅលើ បណ្តាឧបករណ៍រុករកក្រោម ទឹក ពីព្រោះថា កាលបើ ឧបករណ៍រុករក ក្រោមទឹក មានករណីជ្រាប ទឹក ចូលហើយនោះ ច្បាស់ ណាស់ វាពិតជាបន្លឺសម្លេង ខណៈវិនាទីនោះ អាចនឹងមានការចាប់បានរលកសញ្ញា ក៏ថាបាន ៕</p>
<p><object width="496" height="425" data="http://www.youtube.com/v/ZNjG6rS4Gbg&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/ZNjG6rS4Gbg&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>