<p><strong>ភ្នំពេញៈ</strong> នេះជាលើកទី១ហើយ ដែលពិធីការិនីកូនពីររូបស្រស់ អ្នកនាង គង់ សុជាតិ បង្អួតជា សាធារណៈនូវ ការរៀបចំពិធីខួបកំណើត ឲ្យកូនស្រីបណ្តូលចិត្តរបស់នាង ជាលក្ខណៈធំដុំ ស្នាមញញឹម បិទមាត់មិនជិត ជាមួយស្វាមី លោក ជា វិបុល ។</p>
<p>ចាប់តាំងពីពិធីករ-ពិធីការិនីមួយគូនេះ បានដឹកដៃគ្នាចូលរោងការរួចមក គេសង្កេត ឃើញថាស្វាមី ភរិយាថ្មោងថ្មីមួយគូនេះ ហាក់មានភាពផ្អែមល្ហែមជាមួយគ្នា ប្រៀបដូច ជាទឹកឃ្មុំធ្វើឲ្យសិល្បករ - សិល្បការិនី ដទៃ មានការច្រណែនទៅលើ ស្នេហាខុស វ័យរបស់ពួកគេមិនតិចទេ ។</p>
<p>កាលពីថ្ងៃទី១៦ ខែកុម្ភៈ ឆ្នាំ២០១៤នេះ តារាស្រីចាស់វស្សាដែល មានរូបសម្រស់ ស្រស់ ស្ថិតថេរ អ្នកនាង គង់ សុជាតិ បានរៀបចំពិធីជប់លៀងខួបកំណើត ឲ្យកូន ស្រីគម្រប់៩ឆ្នាំ ដោយមានការ អញ្ជើញ សាច់ញាតិបងប្អូន និងសិល្បករ-សិល្បការិនី ជិតដិតមួយចំនួនដោយ នៅក្នុងពិធីនោះគេ សង្កេតឃើញថា ប្តីប្រពន្ធ លោក ជា វិបុល និង អ្នកនាង សុជាតិ រួមជាមួយកូនស្រី ហាក់មានភាព សប្បាយរីករាយ រស់នៅប្រកបដោយសុភមង្គល និងចុះសម្រុងគ្នាខ្លាំងណាស់ ។</p>
<p>បើតាមប្រភពក្រៅផ្លូវការមួយ បានលួចបង្ហើបឲ្យដឹងថា ការរៀបចំពិធីជប់លៀង លក្ខណៈ ធំដុំ បែបនេះគឺជាគំនិតរបស់ លោក វិបុល ក្រោយពីលោកចូលជា សមាជិកថ្មី ក្នុងគ្រួសារនេះព្រោះថា លោកចង់យកចិត្តថ្លើមកូនស្រី និងគ្រួសារខាង ភរិយាឲ្យបានច្រើន ម្យ៉ាងមួយទៀតលោកក៏ចង់ បង្ហាញ ពីទំហំទឹកចិត្តដែល ស្រលាញ់កូនស្រីនោះ ប្រៀបដូចជាកូនបង្កើតដែរ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0361.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0362.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0363.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0364.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/February/id-098/S_0365.jpg" alt="" width="600" /></p>
<p style="text-align: center;"><object width="500" height="400" data="http://www.youtube.com/v/xyHz-Oc5qRU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/xyHz-Oc5qRU&rel=1" /></object></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/27803-2014-02-19-07-38-36.html"><span style="color: #0000ff;">ដើមអំពិល</span></a></p>