<div class="article-content">
<p><strong>-អង្គភាពប្រឆាំងអំពើពុករលួយ ដោះលែងព្រះរាជអាជ្ញារង តុលាការយោធាវិញហើយ<br /></strong></p>
<p><strong>ភ្នំពេញ ៖</strong> បើទោះបី រហូតមកដល់ រសៀល ថ្ងៃទី២៣ ខែមីនា ឆ្នាំ ២០១៣ នេះ មិនទាន់មានការ<br />បញ្ជាក់ជាផ្លូវការ ពី សំណាក់អង្គភាព ប្រឆាំងអំពើពុករលួយក៏ ដោយ ប៉ុន្ដែ យោងតាមប្រភពព័ត៌<br />មានដែល សុំមិនបញ្ចេញឈ្មោះ បានលួចបង្ហើបថា ព្រះរាជអាជ្ញារង នៅតុលាការយោធា លោក <br />ម៉ែន ហុង ពាក់ផ្កាយ២ និងកូនប្រុស ជាក្រឡាបញ្ជី របស់អយ្យការ ព្រមទាំង បក្ខពួក ២នាក់ផ្សេង<br />ទៀត ក្នុងនោះមាន ម្នាក់ជាជនជាតិអង់គ្លេស សង្ស័យជាប់បទ ល្មើសពុករលួយជាច្រើនករណី <br />ដែលបានធ្វើ កន្លងមក ។</p>
<p>ប្រភពព័ត៌មាន ដែលបានលួចបង្ហើប ខាងលើនេះ បានឱ្យដឹងថា លោក ម៉ែន ហុង ត្រូវបានគេដឹង<br />ថា លួចយកដីរបស់អង្គភាព ដែលបច្ចុប្បន្នស្ថិតក្នុងខណ្ឌសែនសុខ យក ទៅធ្វើផ្ទះល្វែង ចំនួន ៦<br />ល្វែង តាំងពីឆ្នាំ ២០១២ ហើយជាប់សង្ស័យក្នុងការកិប កេងលុយចំពោះការដោះដូរទីតាំង ពីក្នុង<br /> ខណ្ឌចំការមន ទៅខណ្ឌសែនសុខ ។</p>
<p>ជាមួយគ្នានេះ លោក ម៉ែន ហុង ក៏ត្រូវ បានគេសង្ស័យជាប់ពាក់ព័ន្ធ ការប្រព្រឹត្ដ អំពើពុករលួយជា<br />ច្រើនករណីផ្សេងទៀត ហើយកូនប្រុសរបស់ខ្លួនដែលពាក់ស័ក្ដិ ៤ ទើបនឹងចូលបម្រើការងារ ជា<br />ក្រឡាបញ្ជី មិនទាន់បាន ១ឆ្នាំផងនោះ ក៏ជាប់សង្ស័យ នឹងការប្រព្រឹត្ដអំពើពុករលួយជាច្រើន ករណី<br />ផងដែរ ។</p>
<p>ទន្ទឹមគ្នានេះ ប្រភពព័ត៌មានខាងលើក៏ បានឱ្យដឹងថា កាលពីពេលកន្លងទៅលោក ព្រះរាជអាជ្ញារង<br /> ម៉ែន ហុង បានធ្វើអ្វីៗ ស្រេចតែចិត្ដ ដោយមិនបានឆ្លងកាត់ យោបល់ពីសំណាក់រដ្ឋមន្ដ្រី នោះឡើយ<br /> ពោលគឺធ្វើអ្វីស្រេចតែអំណាច របស់ខ្លួន ប៉ុណ្ណោះ ។</p>
<p>យ៉ាងណាក៏ដោយ បើតាមប្រភពខាង លើ ទង្វើរបស់លោក ម៉ែន ហុង អាចជាប់ពាក់ព័ន្ធ ដូចជា សម្ល<br />កំពិសអីចឹង ប៉ុន្ដែ ត្រូវ រង់ចាំការស៊ើបអង្កេត និងសួរនាំពីសំណាក់ អង្គភាព ប្រឆាំងអំពើពុករលួយជា<br />មុន សិន ។</p>
<p>គួរបញ្ជាក់ថា កម្លាំងមកពីអង្គភាពប្រឆាំង អំពើពុករលួយ របស់លោកទេសរដ្ឋមន្ដ្រី ឱម យ៉ិនទៀង <br />ដោយមានការ ចូលរួមសហការ ពីកម្លាំងអាវុធហត្ថរាជធានីភ្នំពេញ ដឹកនាំ ដោយមេបញ្ជាការរងអាវុធ<br />ហត្ថ លោកខេន សុវណ្ណ កាលពីព្រឹកថ្ងៃទី២៣ ខែមីនា ឆ្នាំ ២០១៣ បានឃាត់ខ្លួនព្រះរាជអាជ្ញារងតុលា<br />ការយោធា ឈ្មោះម៉ែន ហុង និងកូន ប្រុស រួមជាមួយបក្ខពួកពីរនាក់ផ្សេងទៀត ម្នាក់ជាជនជាតិអង់<br />គ្លេស ។</p>
<p>ប្រតិបត្ដិការឃាត់ខ្លួនមន្ដ្រីតុលាការជាន់ ខ្ពស់យោធា រួមជាមួយបក្ខពួកខាងលើនេះ បានធ្វើឡើងដោយ<br />មានការឯកភាពពីតំណាងអយ្យការអមសាលាដំបូងរាជធានីភ្នំពេញ ស្ថិតនៅក្នុងហាងកាហ្វេមណ្ឌល<br />គិរី១ តាម បណ្ដោយផ្លូវលេខ៦៣ ក្នុងសង្កាត់បឹងរាំង ខណ្ឌដូនពេញ ។</p>
<p>មេបញ្ជាការរងអាវុធហត្ថរាជធានីភ្នំពេញ លោកខេន សុវណ្ណ ដែលបានដឹកនាំកម្លាំង ចុះទៅចាប់ខ្លួន<br />ជនសង្ស័យទាំង៤នាក់ខាងលើនេះ មិនអាចធ្វើការអត្ថាធិប្បាយឱ្យបាន វែងឆ្ងាយ ជុំវិញ ករណីទាំង<br />នេះទេ គ្រាន់តែ បញ្ជាក់តាមទូរស័ព្ទយ៉ាងខ្លីថា ជនសង្ស័យចំនួន៤នាក់ ក្នុងនោះម្នាក់ជាជនបរទេស<br /> ត្រូវបានចាប់ខ្លួន ។</p>
<p>យោងតាមប្រភពព័ត៌មានពីមន្ដ្រីអាវុធ ហត្ថមួយរូប ដែលចូលរួមក្នុងប្រតិបត្ដិការ ខាងលើនេះ បានឱ្យ<br />ដឹងថា ក្នុងចំណោមជន សង្ស័យទាំង៤នាក់នោះ មានម្នាក់ជាព្រះ រាជអាជ្ញារងតុលាការយោធា ឈ្មោះ<br />ម៉ែន ហុង និងកូនប្រុសរបស់ខ្លួនជាអ្នកបកប្រែ រីឯបក្ខពួកពីរនាក់ផ្សេងទៀត ម្នាក់ជាជនជាតិ អង់គ្លេស<br /> មិនទាន់ត្រូវបានសមត្ថកិច្ចឬខាង អង្គភាពប្រឆាំងអំពើពុករលួយបញ្ជាក់នោះ ទេ ។</p>
<p>មន្ដ្រីអាវុធហត្ថ មិនបានបញ្ជាក់ថា តើ ការចាប់ខ្លួនជនសង្ស័យទាំង៤នាក់ ជាប់ពាក់ ព័ន្ធនិងបទល្មើស<br />អ្វីនោះឡើយគ្រាន់តែដឹងថា ជារឿងពុករលួយ ។<br /> <br />ក្រោយការចាប់ខ្លួន នៅហាងកាហ្វេ មណ្ឌលគិរីទី១ ជនសង្ស័យទាំង៤នាក់ ត្រូវ បាននាំតាមរថយន្ដ<br />ឆ្ពោះទៅកាន់អង្គភាពប្រឆាំងអំពើពុករលួយ ដើម្បីសួរនាំបន្ដទៀត ជុំវិញ ករណីទាំងនេះ។</p>
<p>ក្រោយពីនាំខ្លួនជនសង្ស័យទាំង៤នាក់ ទៅកាន់អង្គភាពប្រឆាំងអំពើពុករលួយរួចមក ជនសង្ស័យជន<br />ជាតិអង់គ្លេសវ័យប្រមាណ ជាង៥០ឆ្នាំ ត្រូវបាននាំខ្លួនឆ្ពោះទៅកាន់ សណ្ឋាគារណាណា នៅវេលា<br />ម៉ោងប្រមាណ១១ព្រឹកថ្ងៃទី២៣ ខែមីនា ឆ្នាំ២០១៣ ស្ថិតនៅតាមបណ្ដោយ ផ្លូវលេខ១៥៤ សង្កាត់<br />ផ្សារថ្មីទី៣ ខណ្ឌដូនពេញដើម្បីឆែកឆេរបន្ទប់ ទីកន្លែងដែលជនសង្ស័យរូបនេះ ស្នាក់នៅជាបណ្ដោះ<br />អាសន្ន។</p>
<p>ប៉ុន្ដែនៅពេលកម្លាំងសមត្ថកិច្ចនាំជនសង្ស័យរូបនេះ ចេញពីសណ្ឋាគារវិញ ខណៈដែល អ្នកយកព័ត៌<br />មានទៅថតរូបភាព នៅកន្លែង កើតហេតុនោះ តំណាងសណ្ឋាគារវ័យជាង ៣០ឆ្នាំ បានចេញមករារាំង<br /> មិនឱ្យថតរូប ដោយនិយាយថា ពុំមានអ្វីកើតឡើងនោះ ទេ គ្រាន់តែនាំមកយកឥវ៉ាន់តែប៉ុណ្ណោះ ។</p>
<p>យ៉ាងណាក៏ដោយ មូលហេតុពិតប្រាកដ ដែលនាំឱ្យមានការឃាត់ខ្លួនព្រះរាជអាជ្ញារង តុលាការយោ<br />ធាលោកម៉ែន ហុង និងកូនប្រុស រួមជាមួយបក្ខពួកពីរនាក់ផ្សេងទៀតនោះ មិនទាន់មានការបញ្ជាក់ជា<br />ផ្លូវការពីអង្គភាព ប្រឆាំងអំពើពុករលួយនៅឡើយទេ ខណៈដែលជនសង្ស័យទាំង៤នាក់ ស្ថិតក្រោម<br />ការសាកសួរនៅឡើយ ។</p>
<p>យោងតាមប្រភពព័ត៌មាន ពីអង្គភាពប្រឆាំងអំពើពុករលួយ បានឲ្យដឹងថា ព្រះរាជអាជ្ញារង តុលាការ<br />យោធា លោក ម៉ែន ហុង ត្រូវបានដោះលែងឲ្យត្រឡប់ទៅផ្ទះវិញ ហើយ នៅល្ងាចថ្ងៃទី២៣ ខែមីនា <br />ឆ្នាំ ២០១៣ នេះ បន្ទាប់ពីការសាកសួរ ហើយរកឃើញថា លោកមិនបានជាប់ពាក់ព័ន្ធនឹងអំពើពុក<br />រលួយនេះទេ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0659.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0660.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0661.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0662.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0663.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0664.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0665.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>