<div class="article-content">
<p><strong>កណ្តាល ៖</strong> ផ្ទះប្រជាពលរដ្ឋ ចំនួន២ខ្នង ដែលស្ថិតនៅតាមដងទន្លេ មេគង្គ ក្នុងភូមិព្រះប្រសប់ ឃុំព្រះប្រសប់ ស្រុកខ្សាច់កណ្តាល ខេត្តកណ្តាល កាលពីវេលាម៉ោងប្រមាណ ១០៖៣០នាទី យប់ថ្ងៃទី១៨ ខែកុម្ភៈ ឆ្នាំ២០១៤ បានបាក់ស្រុតចូល ទៅក្នុងទឹកទន្លេ បានបណ្តាលឲ្យ ស្លាប់៣នាក់ និងរងរបួស៣នាក់ ។ នេះបើតាមលោក ធន នាយនគរបាលប៉ុស្តិ៍ ព្រះប្រសប់ ។</p>
<p>លោក ធន បានប្រាប់ថា សពជនរងគ្រោះទាំង៣នាក់ រួមមាន ក្មេងប្រុសពីរនាក់ អាយុ១ឆ្នាំ និង២ឆ្នាំ និងសពស្រ្តីម្នាក់ អាយុ៣៩ឆ្នាំ រកមិនទាន់ឃើញទេ រហូតដល់ព្រឹកថ្ងៃទី១៩ខែកុម្ភៈ ឆ្នាំ២០១៤នេះ។ នាយនគរបាលប៉ុស្តិ៍ បានបន្តទៀតថា ខណៈប្រជាពលរដ្ឋ ស្ថិតនៅក្នុងផ្ទះ ស្រាប់តែបាក់ស្រុត ចូលទន្លេតែម្តង ដោយមានផ្ទះ ចំនួន៤ខ្នង តែមានផ្ទះប្រជាពលរដ្ឋ ចំនួន២ខ្នង បានរងនូវការខូចខាតទាំងស្រុង។</p>
<p>យ៉ាងណាក៏ដោយ លោកនាយនគរបាលប៉ុស្តិ៍ បានបញ្ជាក់ថា កម្លាំងសមត្ថកិច្ចរបស់លោក និងសាច់ញាតិជនរងគ្រោះ បាននិងកំពុងមុជរកសពទាំង៣នាក់៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00495.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00496.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00497.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00498.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00499.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00500.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-067/CH-00501.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/81137-2014-02-19-01-09-32.html"><span style="color: #0000ff;">ដើមអំពិល</span></a></p>
</div>