<p>កាលពីថ្ងៃម្សិលមិញ កូរ៉េខាងជើង បានប្រតិកម្មថ្កោលទោសលើប្រព័ន្ធផ្សព្វផ្សាយព័ត៌មានកូរ៉េខាង ត្បូង ដែលបានប្រមាថដល់ថ្នាក់ដឹកនាំជាន់ខ្ពស់បំផុតរបស់ប្រទេសនេះ ជាមួយនឹងព័ត៌មានចចាម អារាមថា រដ្ឋមន្រ្តីការពារជាតិ ត្រូវបានសម្លាប់។</p>
<p style="text-align: center;"><a class="thickbox" title="" href="/FileManager/Commons/2015/5/18/017-18-05-2015--17-52-42.jpg"><img src="/FileManager/Articles/mce/2015/5/18/017-18-05-2015--17-52-42.jpg" alt="" /></a></p>
<p style="text-align: center;"><em><span style="color: #808080;">អ្នកដឹកនាំកូរ៉េខាងជើង Kim Jong-un (ឆ្វេង) និងរដ្ឋមន្រ្តីការពារជាតិ Hyon Yong-chol នៅក្នុង ព្រឹត្តិការណ៍មួយកាលពីថ្ងៃទី ១៦ ខែកុម្ភះ នៅទីក្រុងព្យុងយ៉ាង (រូបភាព៖ CFP)</span></em></p>
<p class="Normal">បើយោងតាមប្រភពព័ត៌មានពី WantChinaTimes កាលពីម្សិលមិញ គេហទំព័រព័ត៌មាន Uriminzokkiri របស់កូរ៉េខាងជើង បានធ្វើការរិះគន់ប្រព័ន្ធផ្សព្វផ្សាយកូរ៉េខាងត្បូងថា កំពុងតែមានចេតនាប្រកាស "សង្គ្រាមស្លាបប៉ាកាមួយ" តាមរយះការរករឿងដល់ ថ្នាក់ដឹកនាំកូរ៉េខាងជើង។ </p>
<p class="Normal">គេហទំព័រខាងលើក៏បានធ្វើការផ្កោលទោសលោក Kim Moo-sung អ្នកតំណាងម្នាក់នៃបក្ស Saenuri ដែលជាបក្សកំពុងកាន់អំណាចរបស់កូរ៉េខាងត្បូង ដោយសារតែបាននិយាយថា ប្រព័ន្ធនយោបាយ របស់កូរ៉េខាងជើង កំពុងតែមានភាពរង្គោះរង្គើ (មិនស្ថិតស្ថេរ) ហើយទីក្រុងសេអ៊ូលត្រូវរៀបចំវិធាន ការជាបន្ទាន់ដើម្បី "បង្រួបបង្រួមឧបទ្វីប"។ </p>
<p class="Normal">តាមប្រភពព័ត៌មានពី Arirang News គេហទំព័រកូរ៉េខាងជើងខាងលើ ក៏បានស្នើសុំឲ្យកូរ៉េខាងត្បូង បញ្ឈប់នូវការប្រមាថសេចក្តីថ្លៃថ្នូរ និងប្រព័ន្ធរបស់ប្រទេសនេះ ទន្ទឹមនឹងនោះកូរ៉េខាងជើងក៏បាន ធ្វើការគំរាមថានឹងមានការវាយប្រហារដោយកំលាំងយោធា បើសិនជាបណ្តាសម្តីបង្កាច់បង្ខូច នៅតែ បន្តលេចចេញមកទៀត។ ជាក់ស្តែង គេហទំព័រកូរ៉េខាងជើងមួយនេះ មិនបានបញ្ជាក់ ឬច្រានចោល នូវព័ត៌មានស្តីពី ករណីបន្សុទ្ធកម្ម នេះទេ។ នេះគឺជាប្រតិកម្មលើកដំបូងគេ របស់កូរ៉េខាងជើង ក្នុង ស្ថានការ ដែលមនុស្សជាច្រើន នៅតែមានការសង្ស័យ <span id="result_box" lang="km"><span class="hps">លើការសន្និដ្ឋានរបស់</span><span> ទីភ្នាក់ងារ</span><span>ស៊ើបការណ៍ សម្ងាត់ ជាតិ</span><span>កូរ៉េខាងត្បូង</span></span> (NIS)។</p>
<p class="Normal">កាលពីសប្តាហ៍មុន NIS បានបញ្ចេញព័ត៌មានរស៊ើបមួយថា រដ្ឋមន្ត្រីការពារជាតិរបស់កូរ៉េខាងជើង លោក Hyon Yong-chol ត្រូវបានបន្សុទ្ធកម្ម ហើយមានព័ត៌មានសម្ងាត់មួយបានឲ្យដឹងថា លោកត្រូវ បានប្រហារជីវិត។ ប៉ុន្តែរឿងនេះ នៅមិនទាន់មានភស្តុតាងបញ្ជាក់ច្បាស់លាស់នៅឡើយទេ។</p>
<p class="Normal">បច្ចុប្បន្ននៅតែមានមតិយោបល់ចម្រូងចម្រាស់គ្នាជាច្រើន ស្តីពីភាពពិតប្រាកដត្រឹមត្រូវ ក្នុងការ វិភាគរបស់ NIS ដោយសារតែលោក Hyon នៅតែលេចចេញនៅក្នុងភាពយន្តឯកសារ លើប្រព័ន្ធ ផ្សព្វផ្សាយ រាប់ទាំងក្រោយពេលដែលកូរ៉េខាងត្បូង បាននិយាយថាលោកត្រូវបានសម្លាប់។ ជានិច្ច កាល កូរ៉េខាងជើងតែងតែលុបចោលនូវរូបភាព របស់បណ្តាមន្ត្រីដែលត្រូវបន្សុទ្ធកម្ម នៅលើសារព័ត៌ មាន និងទូរទស្សន៍៕</p>
<p class="Normal"> </p>
<p class="Normal" style="text-align: right;">ប្រែសម្រួល៖ ករុណា<br />ប្រភព៖ <em>Wantchinatimes, Vexpress</em></p>