<div class="article-content">
<p><strong>-ជនសង្ស័យម្នាក់ ជានិស្សិតសាកលវិទ្យាល័យ ស៊ីតិច</strong></p>
<p><strong>ភ្នំពេញ៖</strong> ក្រោយរត់គេចខ្លួន បន្ទាប់ពីធ្វើ សកម្មភាពឆក់កាបូប ពីនារីម្នាក់ នៅតាមដងផ្លូវ ហើយ<br />បានយក កាំភ្លើងភ្ជង់ ដាក់កម្លាំងសមត្ថកិច្ច នៅពេលដេញ តាមប្រមាញ់នោះ នៅល្ងាចថ្ងៃទី២១<br /> ខែវិច្ឆិកា ឆ្នាំ២០១៣ នេះ កម្លាំងនគរបាល ប៉ុស្តិ៍ទន្លេបាសាក់ ខណ្ឌចំការមន បានតាមចាប់ខ្លួន<br /> ជនសង្ស័យទាំងនេះ ខណៈពួកគេ កំពុងជិះម៉ូតូ ដើរលេង នៅក្នុងបរិវេណ មជ្ឈមណ្ឌលកំសាន្ត<br />កោះពេជ្រ ។</p>
<p>មន្រ្តីនគរបាល ប៉ុស្តិ៍ទន្លេបាសាក់ បានឲ្យដឹងថា ជនសង្ស័យទាំង២នាក់ ខាងលើនេះ ខណៈកំពុង<br />ជិះម៉ូតូ ម៉ាកសេ១២៥ សេរីឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ 1BU-3905 នៅមជ្ឈ<br />មណ្ឌល កំសាន្តកោះពេជ្យ ហើយដោយសារតែ បានស្គាល់មុខ និងភិនភាគ ជនសង្ស័យទាំងនេះ<br />ច្បាស់ ទើបសមត្ថកិច្ច បានរាយការណ៍ ទៅកាន់ថ្នាក់លើ រួចហើយបានបន្ថែមកម្លាំង ឈានទៅ<br />ដល់ការចាប់ខ្លួនពួកគេ តែម្តង។ សមត្ថកិច្ច បានបន្ត ទៀតថា ជនសង្ស័យទី១មាន ឈ្មោះ តាំង <br />វ៉ាន់និត អាយុ១៩ឆ្នាំ ស្នាក់នៅផ្ទះលេខ៣៩២ សង្កាត់បឹងកេងកងទី២ ខណ្ឌចំការមន និងទី២មាន<br />ឈ្មោះ លៀម ដួងពេជ្យ អាយុ២០ឆ្នាំ ជានិសិ្សត នៅសាកលវិទ្យាល័យ ស៊ីតិច ស្នាក់ នៅផ្ទះលេខ<br />៣១បេ ផ្លូវលេខ៣៧៦ សង្កាត់បឹងកេងកងទី៣ ខណ្ឌចំការមន ។</p>
<p>សូមបញ្ជាក់ថា កាលពីរសៀលថ្ងៃទី២០ ខែវិច្ឆិកា ឆ្នាំ២០១៣ មានករណីចោរឆក់ កាបូបពីស្រ្តី<br />ម្នាក់ នៅតាមផ្លូវលេខ ៤៦០ សង្កាត់ទួលទំពូងទី១ ខណ្ឌចំការមន បង្កឡើងដោយជនសង្ស័យ<br />២នាក់ ហើយនៅ ពេលនោះ កម្លាំងសមត្ថកិច្ច ជាច្រើននាក់ បានដេញតាមប្រមាញ់ តែដេញ<br />ទាន់ហើយ ក៏ត្រូវក្រុមចោរទាំងនេះ យកកាំភ្លើងភ្ជង់ មកលើសមត្ថកិច្ចវិញ ជាហេតុធ្វើឲ្យ សមត្ថ<br />កិច្ចមិនអាចតបត ជាមួយបានខ្លាចគ្រោះថ្នាក់ ទុកឲ្យពួកគេមានឱកាសរត់គេចខ្លួនតែម្តង។</p>
<p>យ៉ាងណាក៏ដោយ ជនសង្ស័យទាំង២នាក់នេះ ត្រូវបានចាប់ខ្លួនមកវិញ នៅល្ងាចថ្ងៃទី២១ ខែ<br />វិច្ឆិកា ឆ្នាំ២០១៣នេះ ។</p>
<p>នៅចំពោះ មុខសមត្ថកិច្ច ជនសង្ស័យទាំង២នាក់ បានសារភាពថា ពួកគេធ្លាប់ធ្វើ សកម្មភាពប្លន់<br /> និងឆក់ជាច្រើន ករណី នៅក្នុងរាជធានីភ្នំពេញ នាពេលកន្លងទៅ។ ចំពោះសកម្មភាពឆក់ កាបូប<br />ចុងក្រោយ កាលពីថ្ងៃទី២០ ខែវិច្ឆិកា ឆ្នាំ២០១៣នោះ គឺនៅក្នុងកាបូប មានទូរស័ព្ទមួយ។</p>
<p>បច្ចុប្បន្នជនសង្ស័យទាំង២នាក់ ត្រូវបានសួរនាំបន្តទៀត នៅអធិការដ្ឋាន នគរបាលខណ្ឌចំការ<br />មន ដើម្បីកសាង សំណុំរឿងបញ្ជូនទៅតុលាការ ចាត់ការតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0766.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/November/id-067/CH-0768.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0767.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0769.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>