<div class="article-content">
<p><strong>ភ្នំពេញ ៖</strong> កម្មការិនីកាត់ដេរម្នាក់ ត្រូវ បានគេប្រទះឃើញដេកស្លាប់ នៅក្នុងបន្ទប់ ជួល ដោយ<br />មានស្នាមរឹតក ដែលករណីនេះ ត្រូវបានសាក្សី នៅកន្លែងកើតហេតុ អះអាង ថា ជាអំពើប្លន់យក<br />ទ្រព្យសម្បត្ដិខណៈដែលអធិការនគរបាល ខណ្ឌមានជ័យ លោក ហ៊ី ណារិន្ទ មិនទាន់អាចបញ្ជាក់<br />ជា ផ្លូវការថា ជាករណីប្លន់ ឬមួយជាករណីអ្វីផ្សេង ដោយរង់ចាំមន្ដ្រីបច្ចេកទេសបញ្ជាក់លទ្ធផល។</p>
<p>យោងតាមប្រភពព័ត៌មាន ពីសាក្សីនៅ កន្លែងកើតហេតុ បានឱ្យដឹងថា កាលពី វេលាម៉ោងប្រមាណ<br /> ៨ និង៣០នាទី ព្រឹក ថ្ងៃទី០៨ ខែមេសា ឆ្នាំ ២០១៣ នេះ មាន ការ ភ្ញាក់ផ្អើល និងឆោឡោមួយបាន<br />កើតឡើង នៅក្នុងបន្ទប់ជួលរបស់កម្មការិនីកាត់ដេរម្នាក់ ស្ថិតនៅបន្ទប់លេខ ២៤ ក្រុមទី៣ ភូមិទ្រា៤<br /> សង្កាត់ស្ទឹងមានជ័យ ខណ្ឌ មាន ជ័យ បន្ទាប់ពីគេប្រទះឃើញកម្មការិនីកាត់ ដេរ ថោង ផល្លា អាយុ<br />ជាង ៣០ឆ្នាំ ដែល ជួលបន្ទប់ស្នាក់នៅខាងលើនេះ តែម្នាក់ឯង ដេកស្លាប់ ដោយមានស្លាមរឹតក ។ <br />សាក្សីនៅកន្លែងកើតហេតុ បានបន្ដថា ករណីនេះជាសកម្មភាពប្លន់សម្លាប់ ដោយ សារតែក្រោយ<br />កើតហេតុ ក្រុមចោរបាន យកម៉ូតូម៉ាក សេ ១២៥ ពណ៌ខ្មៅ ស៊េរី ២០១៣ មួយគ្រឿង ខ្សែក លុយ<br />កាក់ និង ទ្រព្យសម្បត្ដិមួយចំនួនទៀត ហើយទ្រព្យ សម្បត្ដិនៅក្នុងផ្ទះ និងរបស់របរត្រូវបាន ក្រុម<br />ចោររើកកាយពេញបន្ទប់ ។</p>
<p>យោងតាមប្រភពព័ត៌មាន ពីសមត្ថកិច្ច មកមូលដ្ឋាន ដែលចុះទៅពិនិត្យនៅកន្លែង កើតហេតុនោះ<br />បានឱ្យដឹងថា ជនរងគ្រោះ ថោង ផល្លា ដែលមានស្រុកកំណើត នៅភូមិ ពោធិ៍ច្រេះ ឃុំអណ្ដូង<br />អណ្ដែត ស្រុករមាស ហែក ខេត្ដស្វាយរៀង ត្រូវបានជនសង្ស័យ រឹតក រហូតដល់ស្លាប់ក្នុងបន្ទប់<br />របស់ខ្លួន ។ បើតាមសមត្ថកិច្ច ដែលសាក សួរសាក្សី និង សាច់ញាតិជនរងគ្រោះ បានឱ្យដឹងថា <br />មុន ពេលកើតហេតុ នៅវេលាម៉ោងកើតហេតុ ខាងលើ សាច់ញាតិដែលមានបន្ទប់ជួលក្បែរ ស្ដ្រី<br />រងគ្រោះ បាន យក បាយម្ហូបទៅឱ្យដោយ គិតថា ជនរងគ្រោះមានជំងឺ ប៉ុន្ដែ ពេលទៅ ដល់បន្ទប់<br />នារីរងគ្រោះ ស្រាប់តែឃើញ បន្ទប់ចាក់សោរពីក្រៅ ។ ពេលនោះក្រុម គ្រួសារ ក៏បាន ទាក់ទងទៅ<br />សមត្ថកិច្ចមូល ដ្ឋាន ឱ្យចុះមកជួយអន្ដរាគមន៍ភ្លាមៗតែ ម្ដង ដោយទម្លុះទ្វារបន្ទប់ចូលទៅខាងក្នុងក៏<br /> ឃើញស្ដ្រីរងគ្រោះ ត្រូវឃាតកសម្លាប់ ដោយរឹតក បាត់ទៅហើយ ។</p>
<p>ទាក់ទិនករណី រឹតកប្លន់យកទ្រព្យ សម្បត្ដិខាងលើនេះ អធិការនគរបាលខណ្ឌ មានជ័យ លោក<br /> ហ៊ីណារិន្ទ បានប្រាប់មជ្ឈ មណ្ឌលព័ត៌មានដើមអម្ពិលតាមទូរស័ព្ទនៅ ព្រឹកថ្ងៃទី០៨ ខែមេសា ឆ្នាំ <br />២០១៣ នេះ ថា លោកមិនទាន់អាចកំណត់អត្ដសញ្ញាណ ជនសង្ស័យបាននៅឡើយទេ ខណៈ<br />ដែល សមត្ថកិច្ចបាន និងកំពុងធ្វើការ ស្រាវជ្រាវ លើករណីនេះ ។</p>
<p>លោក ហ៊ី ណារិន្ទ ក៏មិនបានបញ្ជាក់ផង ដែរថា ករណីនេះជាករណីប្លន់ ឬជាករណីអ្វី ផ្សេង ដោយ<br />លោកអះអាងថា រង់ចាំការ បញ្ជាក់ពីមន្ដ្រីបច្ចេកទេសសិន ។ យ៉ាងណា ក៏ដោយទាំងប្រជាពលរដ្ឋ <br />និងសាច់ញាតិស្ដ្រី រងគ្រោះ នៅកន្លែងកើតហេតុនោះបាន អំពាវនាវឱ្យសមត្ថកិច្ចខណ្ឌមានជ័យ <br />មេត្ដា ធ្វើការស្រាវជ្រាវ យ៉ាងយក ចិត្ដទុកដាក់ ដើម្បីតាមស្វែងរកចាប់ខ្លួន ជនសង្ស័យទាំង នេះ <br />ពីព្រោះករណីមួយចំនួននាពេលកន្លង ទៅ ដែលក្រុមចោរចូលទៅសម្លាប់ជនរង គ្រោះនៅក្នុងផ្ទះ<br /> ដើម្បី ប្លន់យកទ្រព្យ សម្បត្ដិនោះ នគរបាលខណ្ឌមានជ័យមិន ទាន់មានការឃាត់ខ្លួនជនណាម្នាក់<br />បានទេ ៕</p>
<p style="text-align: center;"><img title="" src="http://111.92.240.170:81/dap-news/dap-images/2013/April/id-015/T-0154.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-015/T-0157.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>