<div class="article-content">
<p>ភ្នំពេញ៖ បន្ទប់ជួលមួយទំហំ ៤ម៉ែត្រ គុណ៤ម៉ែត្រ ដែល ជាទីជម្រករបស់គ្រួសារមួយ ត្រូវអគ្គិភ័យ<br /> បានឆាបឆេះ អស់ទាំងស្រុង កាលពីវេលាម៉ោង ៩ព្រឹក ថ្ងៃទី៣ ខែកញ្ញា ឆ្នាំ២០១៣ ដែលមានទីតាំង<br /> ស្ថិតនៅផ្ទះលេខ ១៤៨ ក្រុមទី៤ ភូមិក្បាលទំនប់ សង្កាត់បឹងទំពុន ខណ្ឌមានជ័យ បង្កឲ្យមាន ការ<br />ភ័យឆោឡោ ដល់បងប្អូនប្រជាពលរដ្ឋ ដែលរស់នៅ ជាប់ផ្ទះកើត ហេតុ នោះ ព្រោះខ្លាចអណ្តាតភ្លើង<br />ឆាបឆេះ រាលដាលដល់ផ្ទះផ្សេងទៀត។</p>
<p>នៅក្នុងហេតុ ការណ៍គ្រោះអគ្គិភ័យនេះ មិនបានរីករាលដាល ឆាបឆេះធំដុំអ្វី ឬបណ្តាលឲ្យប៉ះពាល់<br />ដល់ អាយុជីវិត មនុស្សណាម្នាក់ នោះទេ ប៉ុន្តែទ្រព្យសម្បត្តិ និងរបស់របរប្រើប្រាស់ក្នុង បន្ទប់ ត្រូវរង<br />ការខូចខាតស្ទើរទាំងស្រុង។</p>
<p>នៅក្នុងហេតុការណ៍នេះ គេសង្កេតឃើញរថយន្តពន្លត់អគ្គិភ័យនៃស្នងការដ្ឋាននគរបាលរាជធានី<br />ភ្នំពេញ ចំនួន ២គ្រឿង ប្រចាំខណ្ឌមានជ័យ បានចេញ មកអន្តរាគមន៍ ប៉ុន្តែប្រើអស់តែ១មួយគ្រឿង<br />តែប៉ុណ្ណោះ អណ្តាតភ្លើងក៏ រលត់ ទៅវិញភ្លាម។</p>
<p>លោក អំ ចំណាន ជាមន្រ្តីយោធា ដែលជាម្ចាស់ផ្ទះ បានឲ្យដឹងថា គាត់បានជួល បន្ទប់នេះទៅឲ្យ<br /> ឈ្មោះ ភ័ណ្ឌ ផាត អាយុ៣១ឆ្នាំ ជាបុគលិក ផ្នែកគំនូ នៃ អង្គការរីស និងប្រពន្ឋឈ្មោះ ស្រីណែត <br />អាយុ ២២ឆ្នាំ មានកូនប្រុសម្នាក់ ។</p>
<p>ស្រ្តីជាម្ចាស់បន្ទប់ជួល បាននិយាយថា មុនពេលកើតហេតុ ខ្លួនបានដាក់ដាំទឹកទុកចោល ហើយរវល់<br />បោកខោអាវ នៅខាងក្រៅ ។ លុះដល់ពេល អ្នកជិតខាងឃើញផ្សែងហុយ ចេញក្រៅ និងបានស្រែក<br />ប្រាប់ ស្រីណែត ស្ទុះចូល ក្នុងបន្ទប់ ឃើញអណ្តាតភ្លើងដល់ទូរ ដាក់ខោអាវ និងរាលដាល ពេញបន្ទប់<br />ទាំងមូលតែម្តង បំផ្លាញទ្រព្យសម្បត្តិ ទាំងស្រុង៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0030.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0028.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/September/id-011/Hong-0029.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0027.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>