<p>ព័ត៌មានអន្តរជាតិ ៖ ទីភ្នាក់ងារសារព័ត៌មាន រដ្ឋចិន ស៊ិនហួរ បានដកស្រង់ សម្តីថ្លែងការណ៍ របស់មន្រ្តី ផ្លូវការ ប្រចាំតំបន់អោយដឹងថា កាលពីវេលារសៀល ថ្ងៃម្សិលមិញនេះ យ៉ាងហោចណាស់ មនុស្ស ១៤ នាក់ បានស្លាប់បាត់បង់ជីវិត ក្រោយពីមានករណី ផ្ទុះភូមិ មួយកន្លែង មានទីតាំង ស្ថិតនៅក្នុងខេត្ត Guizhou ភាគខាងត្បូង ប្រទេសចិន ។</p>
<p>លើសពីនេះ ទៅទៀត ប្រភព សារព័ត៌មានដដែល គូសបញ្ជាក់បន្ថែមអោយដឹងថា ករណីគ្រោះថ្នាក់ផ្ទុះ ភូមិលើកនេះ បានកើតឡើង កាលពីវេលាម៉ោង ២ និង ៣០ នាទីរសៀល ថ្ងៃច័ន្ទ ម្សិលមិញនេះ ទៅ លើភូមិ Laoshan មានទីតាំងស្ថិតនៅក្នុងក្រុង Kaili ខេត្ត Guizhou តែម្តង។</p>
<p><a class="thickbox" title="" href="http://camnews.com.kh/FileManager/Commons/2014/1/14/14-killed-in-chinese-village-blast-14-01-2014--10-23-10.jpg"><img src="http://camnews.com.kh/FileManager/Articles/mce/2014/1/14/14-killed-in-chinese-village-blast-14-01-2014--10-23-10.jpg" alt="" /></a></p>
<p>យ៉ាងណាមិញ បើយោងតាម ការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស cnn អោយដឹងថា មូលហេតុដែលនាំ អោយមានករណី ផ្ទុះដ៏កម្រ មួយនេះ ពុំទាន់បានដឹងច្បាស់នៅឡើយ ទេ ខណៈពេលដែល ពុំទាន់មានប្រភពផ្លូវការ ណាមួយបញ្ជាក់ អោយដឹង នោះទេ ពោលគឺ មូលហេតុ ដែលនាំអោយមាន ការផ្ទុះ គឺកំពុងតែស្ថិតនៅ ក្រោមការតាមដាន ស៊ើបអង្កេតនៅឡើយ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ CNN</p>