<div class="article-content">
<p><strong>ភ្នំពេញ៖</strong> គំនូរចំនួន ៥ផ្ទាំង ដែលរំលេចឡើង ពីការស្រឡាញ់ បរិស្ថាន និងបង្ហាញអរិយធម៌វប្បធម៌<br />របស់ខ្មែរ អមដោយការពណ៌នា ដ៏មានអត្ថន័យ បានធ្វើកុមារាវ័យ ១២ឆ្នាំ ខឹម រ៉ូនីចន ក្លាយជាម្ចាស់<br />ជ័យលាភីឯកពានរង្វាន់ Grand Prix ក្នុងទិវាគំនូរ Mitsubishi Asian Children’s Enikki Festa លើកទី<br />១១ ប្រចាំនៅកម្ពុជា បន្ទាប់ពី ឆ្លងកាត់ការប្រកួតប្រជែងជាមួយផ្ទាំងគំនូររាប់រយសន្លឺកផ្សេងទៀត។</p>
<p>ការប្រកួតប្រជែងគូរគំនូរនេះ ត្រូវបានរៀបចំឡើង ដោយអង្គការយូណេស្កូ ហើយតែងប្រារព្ធឡើង<br />រៀងរាល់ពីរឆ្នាំម្តង ដើម្បីផ្តល់ឱកាសដល់កុមារនៅក្នុងប្រទេសតំបន់ អាស៊ី-ប៉ាស៊ីហ្វិក បានបញ្ចេញ<br />នូវស្នាដៃ និងការស្រមើស្រមៃ ចង់បានរបស់ពួកគេទៅថ្ងៃអនាគត។ ជាពិសេស ចង់បំផុសគំនិត ឲ្យ<br />កុមារចេះស្រឡាញ់ នូវបរិស្ថានធម្មជាតិ និង ស្រឡាញ់នូវវប្ប ធម៌ អរិយធម៌របស់ខ្លួន។ នេះបើតាម<br />ការរៀបរាប់របស់ លោក ខឹម សុវណ្ណារ៉ា ឪពុករបស់ម្ចាស់ ជ័យលាភី រ៉ូនីចន។</p>
<p>លោក ខឹម សុវណ្ណារ៉ា ជាអ្នកថតរូបឲ្យ ទីភ្នាក់ងារព័ត៌មាន ប្រចាំនៅកម្ពុជា ដ៏ល្បីម្នាក់ បានសម្តែង<br />អារម្មណ៍សប្បាយរីករាយ ចំពោះជ័យលាភីរបស់កូន។ លោកក៏បានឲ្យដឹងដែរថាគ្រប់ផ្ទាំងគំនូរ និង<br />ការពណ៌នា ដែលមានដូចក្នុង រូបភាព គឺផុសចេញពីគំនិត និងការយល់ឃើញរបស់ រ៉ូនីចន។</p>
<p>គំនូរទាំង៥ផ្ទាំងរបស់រ៉ូនីចន មើលទៅគួរឲ្យទាក់ទាញ ជាពិសេសគ្រប់ផ្ទាំងគំនូរដែលអមជាមួយការ<br />ពណ៌នាខ្លីៗ នោះ សុទ្ធតែមានអត្ថន័យអប់រំ បង្ហាញពីអារម្មណ៍ នៃការស្រឡាញ់បរិស្ថាន ស្រឡាញ់<br />សត្វ ជាពិសេសក៏បាន បង្ហាញផងដែរ នូវការស្រឡាញ់និងចង់ថែរក្សាសម្បត្តិវប្បធម៌ និងអរិយធម៌<br />របស់ខ្មែរ។</p>
<p>ជាមួយជ័យលាភីនេះ រ៉ូនីចន បានសម្តែងអារម្មណ៍រំភើបរីករាយព្រោះរូបគេបានសម្រេចនូវក្តីស្រមៃ<br />ចង់ហោះទៅ កាន់ប្រទេសជប៉ុន ដែលជាប្រទេសមួយ មានការអភិវឌ្ឍជឿនលឿន និងមានបច្ចេក<br />វិទ្យាទំនើបៗ។ ចន ក៏បានថ្លែង អំណរគុណដល់លោកឪពុក អ្នកម្តាយរបស់គេ ជានិច្ចកាល តែងតែ<br />អប់រំ និងជំរុញលើកទឹកចិត្ត ឲ្យរូបគេខិតខំ សិក្សា។</p>
<p>ក្នុងដំណើរទស្សនកិច្ច នៅទីក្រុងអូស្កា ប្រទេសជប៉ុនរយៈពេល១សប្តាហ៍ បានធ្វើឲ្យ រ៉ូនីចន ជួបជា<br />មួយមិត្តភក្តិ កុមា រា កុមារី ២៤នាក់ផ្សេងទៀត មកពី ២៤ប្រទេស ក្នុងតំបន់អាស៊ី-ប៉ាស៊ីហ្វិក ដែល<br />សុទ្ធតែជាអ្នកទទួលបានជ័យលាភី លេខ១ ប្រចាំប្រទេសរបស់ពួកគេ។</p>
<p>បើតាមការរៀបរាប់របស់ រ៉ូនីចន នៅក្នុងទីក្រុងអូស្ការយៈពេល១សប្តាហ៍នេះ រូបគេបានរស់នៅ និង<br />ដើរកម្សាន្តជុំគ្នាជាមួយមិត្តភក្តិរបស់គេ ដោយក្តីសប្បាយរីករាយ។ ជាពិសេស ក្រុមកុមារ ទាំងអស់<br />ត្រូវបានគេនាំទៅទស្សនានៅ តំបន់មួយក្នុងទីក្រុងអូស្កាដែលជាកន្លែងថែរក្សាបរិស្ថានស្រស់បំព្រង<br />សម្បូរទៅដោយដើមឈើរ ហើយតំបន់នោះមិនសូវមានអ្នកជិះរថយន្តឡើយ ភាគច្រើនអ្នកដំណើរ<br />គឺជិះកង់។</p>
<p>រ៉ូនីចន ជាមួយដំណើរទស្សនកិច្ចទៅកាន់ប្រទេសជប៉ុនលើកដំបូង តាមរយៈស្នាដៃរបស់ខ្លួន ថ្វីត្បិត<br />វ័យទើប១២ឆ្នាំ តែគេបានធ្វើការកត់សម្គាល់ឃើញថា ប្រទេសជប៉ុនមានការីកចម្រើនអគារសំណង់<br />តូចធំ រីកដុះដាល់ពេញទីក្រុងហើយគេក៏ស្រមៃចង់ឲ្យទីក្រុងនៅកម្ពុជាមានការរីកចម្រើនដូចទីក្រុង<br /> ក្នុងប្រទេសជប៉ុនផងដែរ។</p>
<p>បើតាមលោក ខឹម សុវណ្ណារ៉ា បានឲ្យដឹងថា រ៉ូនីចន ជាក្មេងប្រុសម្នាក់ ដែលចូលចិត្តគូរគំនូរតាំងពី<br />នៅតូចហើយរូបលោកតែងជំរុញឲ្យកូនបានចូលរួមប្រកួតប្រជែងក្នុងកម្មវិធីគូរគំនូរផ្សេងៗសម្រាប់<br />កុមារនៅកម្ពុជា ជាញឹកញាប់ ផងដែរ។</p>
<p>រ៉ូនីចន មានវ័យ ១២ឆ្នាំ ជាកូនប្រុសច្បង ក្នុងចំណោមបងប្អូន២នាក់ បច្ចុប្បន្នកំពុងសិក្សាថ្នាក់ទី៦ <br />នៅសាលា បឋមសិក្សាសិលាមាស ក្នុងរាជធានីភ្នំពេញ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-001.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-002.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-003.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-004.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-005.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-006.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-007.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-008.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-009.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-009/S-010.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធដោយ៖ ដើមអម្ពិល</p>
</div>