<p><strong>ភ្នំពេញៈ </strong>តារាសម្តែងស្រីដែលជា តួឯកក្នុងរឿង “អាបពាក់មួកសុវត្ថិភាព” កញ្ញា ប៊ីរីយ៉ា ត្រូវបាន<br />គេរំពឹងទុកថា នាងអាចឡើងកូដកាន់តែល្បី ដោយសារតែខ្សែភាពយន្ត ដែលនាងសម្តែងលើក<br />ទី១ ទទួលបានជោគជ័យហើយ គេក៏សង្ឃឹមថា ការដើរជាតួឯកនៅក្នុងរឿងនេះ ជាលើកទី២ <br />និងកាន់តែធ្វើឲ្យនាងល្បី កាន់តែខ្លាំងថែមទៀតនោះ តែស្រាប់តែតំណែងនេះ ត្រូវបានរបូតពីដៃ<br />នាងដោយជំនួស តារាស្រីផ្សេងទៅវិញ។</p>
<p>បន្ទាប់ពីខ្សែភាពយន្តរឿង “អាបពាក់មួកសុវត្ថិភាព” ដាក់បញ្ជាំងកាលពី ពេលកន្លងមកនោះ គេ<br />សង្កេតឃើញថាទទួលបាន ប្រាក់ចំណូលនិងការគាំទ្រខ្លាំង ពីសំណាក់បងប្អូនប្រជាពលរដ្ឋ រហូត<br />ធ្វើឲ្យផលិតកម្ម សម្រេចចិត្តថតខ្សែភាពយន្តនេះវគ្គ២ បន្តទៀតដើម្បីតម្រូវចិត្តទស្សនិកជន តែនៅ<br />ក្នុងសាច់រឿងវគ្គនេះ ក៏មានការផ្លាស់ប្តូនិងបន្ថែមតួសម្តែង ច្រើនជាងលើកមុន។</p>
<p>ទន្ទឹមនឹងតារាប្រុសស្រីជាច្រើន កំពុងតែត្រៀមខ្លួនក្នុងការថតរឿង “អាបពាក់មួកសុវត្ថិភាព” វគ្គ២<br />នេះ តារាស្រីរាងខ្ពស់ស្រឡះរាងស្តើង ដែលមានទម្រង់មុខកូនកាត់ឥណ្ឌា កញ្ញា ប៊ីរីយ៉ា ត្រូវបាន<br />លេចឮព័ត៌មានថា តំណែងតួឯកស្រីរបស់នាងត្រូវប្តូរ ទៅឲ្យតារាស្រីផ្សេងវិញ។</p>
<p>ពាក់ព័ន្ធនិងព័ត៌មាននេះត្រូវបាន តារាស្រីរូបស្រស់កូនកាត់ កញ្ញា ប៊ីរីយ៉ា ប្រាប់ Looking TODAY <br />តាមទូរស័ព្ទថា ចំពោះការផ្លាស់ប្តូរតួសម្តែងនោះ នាងមិនទាន់ដឹងនៅឡើយទេ តែកន្លងមកនាងក៏<br />ធ្លាប់ឮព័ត៌មាននេះដែរ តែមិនទាន់ច្បាស់១០០ភាគរយ ព្រោះខាងផលិតកម្មមិន ទាន់ផ្តល់ព័ត៌មាន<br /> មកឲ្យនាងទេ ហើយនាងក៏មិនទាន់ដឹងថារឿងនេះ គេបន្ថែមតារាណាខ្លះ ចូលរួមថតនោះទេ។</p>
<p>កញ្ញា ប៊ីរីយ៉ា បានប្រាប់ឲ្យដឹងថា “ខ្ញុំមិនមានការអាក់អន់ស្រពន់ចិត្តអី ជាមួយផលិតកម្មទេ បើទោះ<br />បីជាគាត់ផ្ទេរតំណែងតួឯកស្រី ឲ្យទៅតារាណាក៏ដោយ ព្រោះថាធម្មតាការថតរឿងមួយ វាមិនអាច<br />ថតដដែលបានទេ ត្រូវតែមានការផ្លាស់ប្តូរប្លែក សម្រាប់ទស្សនិកជនទស្សនា ហើយសម្រាប់តំណែង<br />នេះបើតាមខ្ញុំ ឮពីមុនមកគឺប្រហែលជាផ្ទេរ ឲ្យទៅកញ្ញា ជីជី តែខ្ញុំមិនទាន់ ហ៊ានបញ្ជាក់ឲ្យច្បាស់ទេ<br /> ព្រោះខាងក្រុមហ៊ុនមិនទាន់ ផ្តល់ព័ត៌មានថាត្រូវឲ្យខ្ញុំ សម្តែងជាតួអី នោះទេ ហើយផ្លាស់ប្តូតួឯកស្រី<br /> ឲ្យទៅអ្នកណាទេ”។</p>
<p>តារាស្រីកូនកាត់ខ្មែរ-ឥណ្ឌា រូបនេះ បានប្រាប់ឲ្យដឹងទៀតថា អី្វដែលនាងគិតពេលនេះ គឺត្រូវធ្វើយ៉ាង<br />ខំប្រឹងឲ្យអស់ពី សមត្ថភាពក្នុងការសម្តែងរឿងនេះ ធ្វើយ៉ាងណាឲ្យល្អ ហើយសម្រាប់តួសម្តែងនៅក្នុង<br />រឿង គឺមិនបានគិតឬក៏ច្រណែនគ្នា ក្នុងការសម្តែងទេ ហើយនាងក៏មិនចង់ និយាយអីពាក់ព័ន្ធនិង រឿង<br />នេះច្រើនលើសនេះ ព្រោះថារឿងនេះមិនទាន់មានភាពច្បាស់ការ នៅឡើយបើនិយាយច្រើនទៅខ្លាច<br />ខុស៕</p>
<p><a class="thickbox" title="" href="/FileManager/Commons/2012/12/29/kosal-0581-29-12-2012--21-51-37.jpg"><img src="/FileManager/Articles/mce/2012/12/29/kosal-0581-29-12-2012--21-51-37.jpg" alt="" /></a></p>
<p><a class="thickbox" title="" href="/FileManager/Commons/2012/12/29/kosal-0582-29-12-2012--21-51-56.jpg"><img src="/FileManager/Articles/mce/2012/12/29/kosal-0582-29-12-2012--21-51-56.jpg" alt="" /></a></p>
<p><a class="thickbox" title="" href="/FileManager/Commons/2012/12/29/kosal-0583-29-12-2012--21-52-16.jpg"><img src="/FileManager/Articles/mce/2012/12/29/kosal-0583-29-12-2012--21-52-16.jpg" alt="" /></a></p>
<p><a class="thickbox" title="" href="/FileManager/Commons/2012/12/29/kosal-0584-29-12-2012--21-52-34.jpg"><img src="/FileManager/Articles/mce/2012/12/29/kosal-0584-29-12-2012--21-52-34.jpg" alt="" /></a></p>
<p style="text-align: right;">ផ្តល់សិទ្ធិដោយ៖ <a href="http://lookingtoday.com/entertainment-general-news/12480-2012-12-29-05-29-03.html"><span style="color: #0000ff;">ដើមអំពិល</span></a></p>