<div class="article-content">
<p><strong>ភ្នំពេញៈ</strong> លោក ប៉ា សុជាតិវង្ស អភិបាលរង រាជធានីភ្នំពេញ ត្រូវបានព្រះមហាក្សត្រខ្មែរ ព្រះបាទ<br /> សម្តេច ព្រះបរម នាថ នរោត្តម សីហមុនី ត្រាស់បង្គាប់តែងតាំងជា អភិបាលរាជធានីភ្នំពេញ ជំនួស<br />លោក កែប ជុតិមា។</p>
<p>យោងតាមព្រះរាជក្រឹត្យថ្ងៃទី១៤ ខែមេសា ឆ្នាំ២០១៣ ដែលឡាយព្រះហស្ថលេខាដោយផ្ទាល់ពី<br />ព្រះមហាក្សត្រ ខ្មែរ បានត្រាស់បង្គាប់តែងតាំងលោក ប៉ា សុជាតិវង្ស ដែលមានឋានន្តរស័ក្តិឧត្តម<br />មន្រ្តីថ្នាក់លេខ១ ជាអភិបាលរាជ ធានីភ្នំពេញ។</p>
<p>ព្រះរាជក្រឹត្យនេះ ចូលជាធរមានចាប់ពីថ្ងៃទី១៤ ខែមេសា ឆ្នាំ២០១៣នេះ តទៅ ដោយតម្រូវឲ្យ<br />សម្តេច តេជោ ហ៊ុន សែន នាយករដ្ឋមន្រ្តីកម្ពុជាអនុវត្តឲ្យបានសម្រេច។</p>
<p>នាយករដ្ឋមន្រ្តីកម្ពុជា សម្តេចតេជោ ហ៊ុន សែន មានប្រសាសន៍នៅព្រឹកថ្ងៃព្រហស្បតិ៍ ទី១៨ ខែ<br />មេសា ឆ្នាំ២០១៣ ថា ចៅហ្វាយខេត្តដល់អាយុចូលនិវត្តមាន៨ រូប រួមមានលោក ស៊ូ ភិរិន្ទ អភិ<br />បាលខេត្តសៀមរាប, លោក ឈុន ឈន់ អភិបាល ខេត្តកំពង់ធំ, លោក ហ៊ុន ណេង អភិបាល <br />ខេត្តកំពង់ចាម, លោកឡូយ សុផាត អភិបាល ខេត្ត ស្ទឹង ត្រែង,លោកកែប ជុតិមា អភិបាលរាជ<br />ធានីភ្នំពេញ, លោកឈុន ស៊ីរុន អភិបាលខេត្តកណ្តាល, លោក កង ហ៊ាង អភិបាលខេត្តកំពង់ស្ពឺ <br />និងលោកចាន់ យឿន អភិបាលខេត្តមណ្ឌលគិរី។ ចំណែកអភិបាលខេត្តឧត្តរមាន ជ័យ លោក <br />ប៉ិច សុខិន ដែលមានបញ្ហាសុខភាព ក៏ត្រូវផ្លាស់ប្តូរដែរ។ រីឯអភិបាលខេត្ត បន្ទាយមានជ័យ លោក<br /> អ៊ុង អឿន ក៏ត្រូវប្តូរចេញដែរ ដោយសារលោកត្រូវទៅឈរឈ្មោះបោះឆ្នោតជាតំណាងរាស្ត្រ។</p>
<p>សម្តេចតេជោ បានបញ្ជាក់ថា «ឆ្នាំចាស់បានកន្លងផុត អាណត្តិចាស់ អាណត្តិទី១ ក៏បានកន្លងផុត <br />ហើយអាណត្តិ ទី២ក៏បានឈានចូលមកដល់ ហើយអាណត្តិចាស់ របស់អភិបាលខេត្ត អភិបាលរង<br />ខេត្ត អភិបាលស្រុក អភិបាល រងស្រុកក៏ត្រូវបានបញ្ចប់ត្រឹមឆ្នាំចាស់ ហើយអាណត្តិថ្មីក៏បាន មក<br />ដល់ គឺអាណត្តិទី២នៃអភិបាល ខេត្ត…បានសេច ក្តីថា អាណត្តិទី១ត្រូវបានបញ្ចប់នៅថ្ងៃទី១៤ ខែ<br />មេសា ព្រះរាជក្រឹត្យបានចេញហើយ ហើយអនុក្រឹត្យ នៃបណ្តា អនុខេត្តទាំងឡាយ ក៏បានចេញ<br />ហើយដែរ ពីម្សិល បោះត្រា និងចុះហត្ថលេខាតាំងពីមុនចូលឆ្នាំ ក៏ប៉ុន្តែត្រូវរង់ចាំ ព្រះរាជក្រឹត្យចេញ<br />សិន»៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-009/S-225.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>