<p><span style="color: #000000;"><strong>(ភ្នំពេញ)៖</strong> គ្រូបង្គោលក្រុមបឹងកេតអង្គរ លោក ប្រាក់ សុវណ្ណារ៉ា បានសម្ដែងសេចក្ដីត្រេកអរក្រែលែង បន្ទាប់ពីកូនក្រុមខ្លួនបានយកឈ្នះក្រុមជម្រើសសាកលវិទ្យាល័យកូរ៉េខាងត្បូង Korea University Selection Team ដោយលទ្ធផល ២-១ ដើម្បីកក់កៅអីវគ្គពាក់កណ្ដាលផ្ដាច់ព្រ័ត្រនៃពានរង្វាន់ BTV Cup 2016 ដែលកំពុងធ្វើឡើងនៅកីឡដ្ឋាន Binh Duong នៃប្រទេសវៀតណាម ។</span><br /><span style="color: #000000;">ជាមួយភាពជោគជ័យនេះលោក ប្រាក់ សុវណ្ណារ៉ា ក៏មិននឹកស្មានទទួលបានលទ្ធផលបែបនេះដែរ។</span></p>
<p><span style="color: #000000;">លោកនិយាយថា «យើងពិតជាសប្បាយហួសពីការស្មាន ពីយើងបានកក់កៅអីវគ្គពាក់កណ្ដាលផ្ដាច់ព្រ័ត្ររួចទៅហើយ មានន័យថា យើងឈរលេខ១ ក្នុងពូល ដោយយោងតាមបទបញ្ជាប្រកួត បើសិនពិន្ទុស្មើគ្នា គឺគិតតាមរូបមន្ដ Hat To Hat តែ ២ក្រុមដែលយើងបានឈ្នះ ទោះបីឈ្នះក្រុមណាក៏ដោយ ក៏យើងឡើងវគ្គពាក់កណ្ដាលផ្ដាច់ព្រ័ត្រដែរ»។</span></p>
<p><span style="color: #000000;">គួរបញ្ជាក់ថា កាលពីល្ងាចមិញនេះ ក្រុមបឹងកេតអង្គរ ធ្វើបានយ៉ាងល្អ ដោយបានយកឈ្នះក្រុម Korea University Selection Team ដោយលទ្ធផល ២-១ ដែលធ្វើសម្រេចដោយកីឡាករ Dzarma Bata និង Oiboh Julius មុននឹងកីឡាករកូរ៉េខាងត្បូង Lee វាយបកបាន ១គ្រាប់នាចុងម៉ោង ។ នេះជាជ័យជម្នះលើកទី២ ក្នុងបេសកកម្មខាងលើរបស់ក្រុមបឹងកេត ខណៈប្រកួតទី១ ឈ្នះក្រុមម្ចាស់ផ្ទះ Becamex Binh Duong ដោយលទ្ធផល ២-០៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/6/11c-06-12-2016--10-26-47.jpg"><img src="/FileManager/Articles/mce/2016/12/6/11c-06-12-2016--10-26-47.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>