<p><strong>ភ្នំពេញ៖</strong> ខណៈអាជីពការងារសិល្បៈ និងការបើករបររកស៊ី កាន់តែមានសន្ទុះទៅមុខ ជាលំដាប់ ពីមួយថ្ងៃទៅមួយថ្ងៃ ថ្មីៗនេះ ស្រាប់តែមានលេចឮ ព័ត៌មានមកថា អ្នកនាង កែវ ពេជ្រពិសី កំពុងតែរៀបចំ ធ្វើគម្រោងចំណាយលុយ ខ្ទង់រាប់ម៉ឺនដុល្លារ ដើម្បីបើកអាជីពរកស៊ី ផ្ទាល់ខ្លួនមួយទៀត គឺបើកហាងលក់គ្រឿងសមុទ្រ បន្ទាប់ពីហាងសម្អាងការ ផាត់មុខធ្វើសក់ និងការងារសិល្បៈ ទទួលបានជោគជ័យរួចមក ។</p>
<p>ផ្អែកតាមប្រភព ពីអ្នកជិតដិតរស់នៅក្បែរផ្ទះ តារាស្រីរូបនេះ បាននិយាយបង្ហើបប្រាប់គេហទំព័រ LookingTODAY ថាសព្វថ្ងៃនេះ តារាសម្តែងស្រីអ្នក មេម៉ាយចាយរាង កែវ ពេជ្រពិសី គឺមានគម្រោងចំណាយ លុយជាច្រើន ដើម្បីបើកហាងរកស៊ីមួយកន្លែង បន្ថែមទៀតក្នុងពេល ខាងមុខដ៏ខ្លីនេះ ។ ចំពោះគម្រោងបើកហាងថ្មីនេះ គឺនាង កែវ ពេជ្រពិសី នឹងបើកជាហាងលក់គ្រឿងសមុទ្រ ប៉ុន្តែសម្រាប់ទីទាំងមិនត្រូវ បានគេដឹងនៅទ្បើយទេ ។</p>
<p>ប្រភពដដែល បន្តទៀតថា គម្រោងក្នុងការបើកមុខរបរ បន្ថែមនេះ គឺ កែវ ពេជ្រ ពិសី គ្រោងនឹងចំណាយដើមទុន មិនតិចជាង៣ ទៅ៤ម៉ឺនដុល្លារ នោះទេ ។ ចំណែកឯលុយ ដែលនាងគ្រោងនឹងយក ទៅចំណាយលើការបើកហាង រកស៊ីនេះមិនត្រូវ បានប្រភពខាងលើ បញ្ជាក់ឱ្យច្បាស់ទេថា ជាលុយរបស់នាងផ្ទាល់ ទាំងអស់ ឬមួយបានមកពីប្រភពណាមួយនោះទេ ។</p>
<p>ទាក់ទងនឹងព័ត៌មាន លេចឮខាងលើនេះ គេហទំព័រ LookingTODAY មិនអាចទាក់ទង ដើម្បីសុំការបំភ្លឺពីអ្នកនាង កែវ ពេជ្រពិសី បាននៅឡើយទេ កាលពីរសៀលថ្ងៃទី២៣ ខែសីហា ឆ្នាំ២០១៤នេះ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-513.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-514.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/August/id-140/hour-515.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/33540-2014-08-25-06-02-33.html" target="_blank">ផ្តល់សិទ្ធដោយ ៖ ដើមអម្ពិល</a></p>