<p>ព័ត៌មានអន្តរជាតិ ៖ មុន និង ក្រោយគ្រោះថ្នាក់ ធ្លាក់យន្តហោះ របស់ក្រុមហ៊ុនអាកាសចរណ៍ ម៉ាឡេស៊ី MH17 នៅឯភាគខាងកើត ប្រទេសអ៊ុយក្រែន ដោយមានជំនឿជាក់ ថាបានបាញ់ទម្លាក់ ដោយគ្រាប់ម៉ី ស៊ីលពីសំណាក់ក្រុមឧទ្ទាម បំបែករដ្ឋ គាំទ្រ ប្រទេសរុស្ស៊ី គេឃើញមានយន្តហោះ របស់ក្រុមហ៊ុនអា កាសចរណ៍ មកពីជុំវិញពិភពលោក បានផ្អើលនាំគ្នា ហោះវៀង និងជៀសឆ្ងាយពីដែនអាកាសប្រទេស អ៊ុយក្រែនហើយ ស្របពេលដែល ៣ ថ្ងៃចុងក្រោយនេះ បើតាមការ អោយដឹងពី FlightRadar24 ភ្នាក់ ងារតាមដានចរាចរណ៍អាកាសចរណ៍ ទូទាំងពិភពលោកអោយដឹងថាយន្តហោះមួយគ្រឿងផ្សេងទៀត របស់ប្រទេស ម៉ាឡេស៊ី មានជើងហោះហើរ MH4 បានហោះ ឆ្ងាយ ពីដែនអាកាស ប្រទេស អ៊ុយក្រែន ខណៈបែរជាឃើញមានហោះកាត់ ដែនអាកាស ប្រទេស ស៊ីរី វិញម្តង ស្របពេលដែល ប្រទេសស៊ីរី វិបត្តិនៅក្នុងប្រទេស ក៏កំពុងតែជួបមាននូវបញ្ហាជាខ្លាំងដូចគ្នាដែរ ពោល សង្គ្រាមស៊ីវិល ហែកហួរអស់ រយៈពេលជាច្រើនឆ្នាំចុងក្រោយនេះ ។</p>
<p><a class="thickbox" title="" href="/FileManager/Commons/2014/7/23/mh4-23-07-2014--14-09-39.jpg"><img src="/FileManager/Articles/mce/2014/7/23/mh4-23-07-2014--14-09-39.jpg" alt="" /></a></p>
<p>FlightRadar24 បញ្ជាក់បានថា MH4 បាន ហោះកាត់ ដែនអាកាស ប្រទេស ស៊ីរី កាលពីថ្ងៃអាទិត្យ កន្លងទៅនេះ ក្នុងដំណើរហោះប្រតិបត្តិការ ពី ទីក្រុង កូឡាឡាំពួរ ទៅទីក្រុង ឡុងដ៍ ប្រទេសអង់គ្លេស ក្រោយពីមានការសំរេចចិត្ត បង្វែរដែនអាកាសហោះហើរ ទៅលើប្រទេស ស៊ីរី ទីកន្លែង ដែលកំពុងតែ មានជម្លោះស៊ីវិលជាខ្លាំង ជាមួយនឹងបណ្តាក្រុម ឧទ្ទាម ងាកក្រឡេក ទៅមើល បណ្តាញទំនាក់ទំនង សង្គមឯណោះវិញ មានការសើចចំអក ក៏ដូចជា លេបខាយពាក្យសម្តី អោយ ក្រុមហ៊ុនអាកាសចរណ៍ ម៉ាឡេស៊ី ថាតើ អាចធនាបាន នូវសុខសុវត្ថិភាពទាំងស្រុង ឬក៏យ៉ាងណា ?</p>
<p><a class="thickbox" title="" href="/FileManager/Commons/2014/7/23/mh4-01-23-07-2014--14-09-49.jpg"><img src="/FileManager/Articles/mce/2014/7/23/mh4-01-23-07-2014--14-09-49.jpg" alt="" /></a></p>
<p>ជាការឆ្លើយតប អាកាសចរណ៍ ម៉ាឡេស៊ី បានចេញសេចក្តីថ្លែងការណ៍ អះអាង អោយដឹងថា ខ្លួនពិត ជាធានាបាន នូវការការពារ ដល់ផ្លូវរថ របស់យន្តហោះ MH4 ក្រោយពីបានសម្រេចចិត្តហោះកាត់ដែន អាកាសប្រទេសស៊ីរី បន្ទាប់ពីមានការអនុម័ត និង សម្រេចពី សមាគមអាកាសចរណ៍ ស៊ីវិលអន្តរជាតិ</p>
<p><a class="thickbox" title="" href="/FileManager/Commons/2014/7/23/09-23-07-2014--14-10-01.jpg"><img src="/FileManager/Articles/mce/2014/7/23/09-23-07-2014--14-10-01.jpg" alt="" /></a></p>
<p>ដែនអាកាស ប្រទេសស៊ីរី មិនអាចមានការរឹតបន្តឹងនោះទេ ខណៈជើងហោះហើរ MH4 ហោះកាត់ដែន អាកាសមួយនេះ សម្រេចយល់ស្របពី ICAO ដោយនៅក្នុងនោះ ក្រុមហ៊ុនបញ្ជាក់ក្តែងៗ អោយដឹងថា សុខសុវត្ថិភាព អ្នកដំណើរ និង ក្រុមនាវិក គឺជា កត្តាចម្បងបំផុត និង ត្រូវបានយកចិត្តទុកដាក់ជា សំ ខាន់៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>