<p> ព័ត៌មានអន្តរជាតិ ៖ ទារកតូច ត្រូវបានរកអោយឃើញថា បានស្លាប់បាត់បង់ជីវិត ក្រោយពីមាន ករណីភ្លេចគេ ចោលនៅក្នុងរថយន្ត តែម្នាក់ឯង ខណៈសីតុណ្ហភាព កើនឡើងកំដៅលើសពី ២២ អង្សា ទៅទៀត នេះបើយោងតាមការដកស្រង់ អត្ថបទផ្សាយ ពីគហេទំព័រសារព័ត៌មាន បរទេស ដឹមីរ័រ ។</p>
<p>ស្ថិតនៅក្នុងវ័យទើបតែ ៩ ខែ គេត្រូវបានភ្លេច ដោយទុកចោល នៅក្នុងរថយន្តតែម្នាក់ឯង ពី សំណាក់លោកឪពុក ដែលខ្វះការប្រុងប្រយ័ត្ន ដោយបានសំចតឡាន មានក្មេងខាងលើទុក ចោលនិងបើករថយន្តមួយផ្សេងទៀត ទៅធ្វើការ ដូចសព្វមួយដង ។ រយៈពេល ១០ ម៉ោង ក្រោយ គាត់ក៏បានវិលត្រលប់ មកផ្ទះវិញ ស្ថិតនៅក្នុងតំបន់ ស្ងាត់ជ្រងំ គាត់ក៏បានឃើញកូន តូច របស់ខ្លួន សន្លប់បាត់បង់ស្មារតី បាត់ទៅហើយ នៅវេលាម៉ោង ៧ យប់ ភ្លាមៗនោះ គាត់ក៏បានធ្វើ ការប្តឹងមន្រ្តីប៉ូលីស ។</p>
<p><a class="thickbox" title="" href="/FileManager/Commons/2014/4/19/us-19-04-2014--11-02-01.jpg"><img src="/FileManager/Articles/mce/2014/4/19/us-19-04-2014--11-02-01.jpg" alt="" /></a></p>
<p>ជាអកុសល បើទោះជាមានកិច្ចអន្តរាគមន៍ ខិតខំជួយសង្គ្រោះយ៉ាងណាក៏ដោយចុះ ទារកតូច នោះបានស្លាប់បាត់បង់ជីវិតបាត់ទៅហើយ ។ គួររំឭកថា ករណីខាងលើនេះ បានកើតឡើង កាល ពីថ្ងៃ ពុធ កន្លងទៅនេះ នៅឯរដ្ឋ Carlifornia សហរដ្ឋអាមេរិក ។ ដោយឡែក អត្តសញ្ញាណ ក្រុម គ្រួសារខាងលើ ពុំទាន់មានសេចក្តីរាយការណ៍បញ្ជាក់អោយដឹងច្បាស់នៅឡើយទេ ៕</p>
<p><strong>បញ្ជាក់ ៖ ប្រការ គ្រោះថ្នាក់ មួយនេះ បានធ្វើអោយទារក ជាច្រើននាក់ស្លាប់ ជាបន្តបន្ទាប់ ជាច្រើន ករណី ដែលគេឃើញមានតែងកើតឡើង នៅលោកខាងលិច យ៉ាងណាមិញ ជាអត្ថបទសារព័ត មានគម្រូ ហើយនោះ លោកអ្នក ត្រូវច្បាស់ថា មិនមានការធ្វេសប្រហែស ដូចនេះ នោះទេ ៕ </strong><strong></strong></p>
<p style="text-align: right;">ប្រែសម្រួល ៖ កុសល<br /> ប្រភព ៖ ដឹមីរ័រ</p>