<p><strong>បាងកក៖</strong> ក្រុមបាតុករថៃ ដែលប្រឆំាងរដ្ឋាភិបាល បានចាប់ផ្តើម ផែនការណ៍បិទ ក្រុងបាងកក ហើយ នៅទីតំាង មួយចំនួន កាលពីរសៀល ថ្ងៃអាទិត្យ ទី១២ ខែមករា មុនពេលចាប់ផ្តើមប្រតិ បត្តិការ នៅថ្ងៃចន្ទ ខណៈប៉ូលិសដាក់ ប៉ុស្តិ៍ ត្រួតពិនិត្យមួយចំនួន នៅជិតកន្លែងតវ៉ាចំនួន ០៧ កន្លែង។</p>
<p>យោងតាមគេហទំព័រ បាងកកប៉ុស្តិ៍ ចេញផ្សាយកាលពីរាត្រីថ្ងៃទី១២ ខែមករា ឆ្នាំ២០១៤ថា ក្រុមអ្នក តវ៉ារបស់ គណៈកម្មាធិការ កំណែទម្រង់ប្រជាធិបតេយ្យប្រជាជន បានចាប់ផ្តើមបិទចរាចរណ៍ និង ធ្វើវេទិកានៅផ្លូវកែង ផាត់ទុមវ៉ាន់, ឡាត់ផ្រៅ នៅផ្លូវ ឈាងវឌ្ឍនា និងវិមានជ័យជំនះ កាលពីមុន ម៉ោង ០៨ យប់ថ្ងៃអាទិត្យ ចំណែក ផ្លូវជាច្រើនទៀតនៅជុំវិញសង្កាត់ ឡាត់ផ្រៅ ក៏ត្រូវបានគេបិទ ផងដែរ បន្ទាប់យប់ជ្រៅ។</p>
<p>ជាមួយគ្នានោះដែរ ក្រុមបាតុករ បានចាប់ផ្តើមប្រតិបត្តិបិទក្រុង បាងកក ក៏ចាប់ផ្តើមផងដែរ នៅផ្លូវ ឈាង វឌ្ឍនា កាលពីវេលាម៉ោងប្រហែល ០៤រសៀល ជាកន្លែងដែលមានស្ថាប័នរដ្ឋាភិបាល តំាងនៅ។ គិតមកត្រឹមម៉ោង ០៦ល្ងាចថ្ងៃអាទិត្យ ទំាងផ្លូវចេញ និងផ្លូវចូលក្រុង ត្រូវបានគេបិទ ចរាចរណ៍ទំាងស្រុងហើយ ចាប់ពីផ្លូវកែង ឡាក់ស៊ី ឆ្ពោះទៅអគាររដ្ឋាភិបាល។</p>
<p>ចំណែកនៅទីតំាងចំនួន ០៤ ក្នុងចំណោមទីតំាងទំាង០៧ សម្រាប់ធ្វើការតវ៉ា គេនឹងយកទីតំាងនោះ ជាទីតំាង ប្រមូលផ្តុំកណ្តាលរបស់ក្រុមគណៈកម្មាធិការកំណែទម្រង់ប្រជាធិបតេយ្យប្រជាជន។ ទីតំាងផ្លូវទំាង ០៤នោះ រួមមាន ផ្លូវនៅ ឧដ្យាន លុមភីនី, ផ្លូវកែង រ៉ាត់ឆាប្រាសុង និងនៅ អាសុក ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-078/Lay-146.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-40-26/79064-2014-01-13-02-54-36.html"><span style="color: #0000ff;">ដើមអំពិល</span></a></p>