<p>ព័ត៌មានអន្តរជាតិ ៖ ក្រោយពីបានដកស្រង់ សម្តីមន្រ្តីផ្លូវការ ទំព័រសារព័ត៌មានរដ្ឋចិន ស៊ិនហួរ បានគូស បញ្ជាក់អោយដឹងថា ជនរងគ្រោះ ច្រើនដល់ទៅ ៣២ នាក់ បានទទួលរងរបួសធ្ងន់ ខណៈមានការប្រញា ប់ប្រញាល់បញ្ជូន ពួកគេទៅមន្ទីរពេទ្យ បន្ទាប់ពីមានករណីផ្ទុះឆេះ ម៉ាស៊ីនសាឡាង មួយ គ្រឿង កាលពី ថ្ងៃពុធម្សិលមិញនេះ នៅឯដែនទឹក ទីក្រុង Jakarta ប្រទេស ឥណ្ឌូនេស៊ី ។</p>
<p><a class="thickbox" title="" href="/FileManager/Commons/2014/8/28/070222indonesiaferryhmed12prp420x400-28-08-2014--09-34-18.jpg"><img src="/FileManager/Articles/mce/2014/8/28/070222indonesiaferryhmed12prp420x400-28-08-2014--09-34-18.jpg" alt="" width="485" height="324" /></a></p>
<p><a class="thickbox" title="" href="/FileManager/Commons/2014/8/28/aptopix-indonesia-ferry-fire-2011-1-28-4-10-40-28-08-2014--09-34-29.jpg"><img src="/FileManager/Articles/mce/2014/8/28/aptopix-indonesia-ferry-fire-2011-1-28-4-10-40-28-08-2014--09-34-29.jpg" alt="" width="486" height="326" /></a></p>
<p><a class="thickbox" title="" href="/FileManager/Commons/2014/8/28/indonesia-accident-ap-543-28-08-2014--09-34-41.jpg"><img src="/FileManager/Articles/mce/2014/8/28/indonesia-accident-ap-543-28-08-2014--09-34-41.jpg" alt="" width="483" height="244" /></a></p>
<p> បញ្ជាក់ ៖ ជាប្រជុំរូបភាពឯកសារ</p>
<p>ប្រភពដដែល បញ្ជាក់អោយដឹងថា គ្រោះថ្នាក់ ផ្ទុះឆេះម៉ាស៊ីនសាឡាងរហូតបានបណ្តាលអោយមនុស្ស ជាច្រើនទទួលរងរបួសលើកនេះ បានកើតឡើង កាលពីថ្ងៃរសៀល ម្សិល មិញ ក្នុង កំឡុងប្រតិបត្តិការ ដឹកជញ្ជូនអ្នកដំណើរ ពីកំពង់ផែ Muara Angke ទៅកោះ Gusung Sekati ។</p>
<p>សេចក្តីរាយការណ៍ បញ្ជាក់អោយដឹងថា សាឡាងដែលបានជួបនឹងគ្រោះថ្នាក់ ផ្ទុះឆេះ ម៉ាស៊ីនមួយនេះ បានផ្ទុកមនុស្សសរុបដល់ទៅ ៧៩ នាក់ រួមមាន កាពីទែន ម្នាក់ ក្រុមនាវិក ១១ នាក់ និ ងក្រុមមនុស្ស ដែលជាអ្នកធ្វើដំណើរ ៦៧ នាក់ផ្សេងទៀត ។ គួររំឭកថា ប្រតិបត្តិការដឹកជញ្ជូន តាមផ្លូវទឹក ដោយប្រើ ប្រាស់មធ្យោបាយ ជាសាឡាង ត្រូវបានរកអោយឃើញថា មានភាពពេញនិយម នៅក្នុងប្រទេសនេះ ក៏ ប៉ុន្តែ ស្តង់ដា សុវត្ថិភាព នៅមានកម្រិតនៅឡើយ ខណៈនៅតែជាបញ្ហាចោទរហូតបានញ៉ាំងអោយកើត មានឡើងនូវគ្រោះថ្នាក់ជារឿយៗ ។ ដោយឡែក មូលហេតុនៃការផ្ទុះឆេះ ម៉ាស៊ីន ពុំទាន់ដឹងនៅឡើយ ទេ ពោលស្ថិតនៅក្រោមការតាមដានស៊ើបអង្កេត នៅឡើយ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ិនហួរ</p>