<p>លោកស្នងការនគរបាលខេត្តព្រះសីហនុបានបើកកិច្ច ប្រជុំជាបន្ទាន់មួយដើម្បីផ្សព្វផ្សាយនិង<br />ឆ្លងពង្រាងផែនការការពារសន្តិសុខ ក្នុងអំឡុងពេលកិច្ចប្រជុំកំពូលអាស៊ានលើកទី២១ នៅ<br />ប្រទេសកម្ពុជា ដែលកិច្ចប្រជុំនេះបានប្រព្រឹត្តឡើងកាលពីពេលរសៀលថ្ងៃទី១០ ខែវិឆ្ឆិកាឆ្នាំ<br />២០១២។</p>
<p><a class="thickbox" title="" href="/FileManager/Commons/2012/11/12/new-picture-31-12-11-2012--08-54-22.jpg"><img src="/FileManager/Articles/mce/2012/11/12/new-picture-31-12-11-2012--08-54-22.jpg" alt="" width="445" height="296" /></a></p>
<p>លោកឧត្តមសេនីយ៏ត្រីតាក វណ្ណថា ស្នងការនគរបាលខេត្ត បានលើកឡើងថា កិច្ចប្រជុំកំពូល<br />អាស៊ានលើកទី២១ នៅប្រទេសកម្ពុជា និងប្រព្រឹត្តទៅចាប់ពីថ្ងៃទី៦ ខែវិច្ឆិកា ឆ្នាំ២០១២ ហើយ<br />ការពង្រឹងកំលាំងការពារ ចាប់ផ្តើមអនុវត្តពីថ្ងៃទី១០រហូតដល់ថ្ងៃទី២០ ខែវិឆ្ឆិកា ដែលប្រទេស<br />កម្ពុជាយើងមានកិត្តិយលដ៏ឧត្តុងឧត្តមបំផុតដោយមាន មេដឹកនាំនៃប្រទេសមហាអំណាចធំៗ<br />នៅលើពិភពលោកមកចូលរួម។</p>
<p>សូមបញ្ជាក់ថា សម្រាប់កិច្ចប្រជុំកំពូលអាស៊ាន ដែលចាប់ផ្តើមពីថ្ងៃទី១៥-២០ ខែវិច្ឆិកាខាងមុខ<br />នេះ ប្រទេសកម្ពុជា ក្នុងនាមជាប្រធានអាស៊ាន បានត្រៀមកម្លាំងជាង ១ម៉ឺននាក់ ដើម្បីការពារ<br />សន្តិសុខសណ្តាប់ធ្នាប់យ៉ាងតឹងរឹង ជាទីបំផុត នេះបើតាមប្រសាសន៍របស់ លោកឧត្តមសេនីយ៍<br /> គាត ច័ន្ទថារិទ្ធ អ្នកនាំពាក្យ អគ្គស្នងការនគរបាលជាតិ៕</p>
<p> </p>
<p style="text-align: right;">ដោយ ៖ សីហា<br />ប្រភព ៖ PL</p>