<p>ព័ត៌មានអន្តរជាតិ ៖ សាកសពជនរងគ្រោះ ជនជាតិម៉ាឡេស៊ី ២០ នាក់ ដែលបានស្លាប់បាត់បង់ជីវិត ក្នុងឧបទ្ទេវហេតុ ធ្លាក់យន្តហោះ របស់ក្រុមហ៊ុនអាកាសចរណ៍ ម៉ាឡេស៊ី MH17 នៅឯប្រទេស អ៊ុយ ក្រែន កាលពីអំឡុងខែ កក្កដា កន្លងទៅនេះ បានធ្វើមាតុភូមិ និវត្តន៍ មកដល់មាតុប្រទេសវិញហើយ ស្របពេលដែល ប្រទេសម៉ាឡេស៊ី បាននឹងកំពុង ធ្វើការកាន់ទុក្ខទូទាំងប្រទេសនេះបើតាមការអោយ ដឹងពីគេហទំព័រសារព័ត៌មានបរទេស ប៊ីប៊ីស៊ី ។</p>
<p><a class="thickbox" title="" href="/FileManager/Commons/2014/8/22/06-22-08-2014--09-33-12.jpg"><img src="/FileManager/Articles/mce/2014/8/22/06-22-08-2014--09-33-12.jpg" alt="" /></a></p>
<p>ប្រភពដដែលបញ្ជាក់ថា យន្តហោះ ដឹកសាកសពធ្វើមាតុភូមិ និវត្តន៍ខាងលើ បាន ហោះចាកចេញពី ទីក្រុង Amsterdam និងបានចុះចត ដោយសុវត្ថិភាព នៅទីក្រុង កូឡា ឡាំពួរ ប្រទេស ម៉ាឡេស៊ី នៅ វេលាម៉ោង ១០ (ម៉ោងក្នុងស្រុក) ។ ការបង្ហូតទង់ជាតិ ត្រឹមពាក់កណ្តាលដង ត្រូវបានគេ មើលឃើញ សឹងតែគ្រប់ទីកន្លែងក្នុងប្រទេស ជាសញ្ញាណបញ្ជាក់ ពីការកាន់មរណទុក្ខ បាត់បង់ អាយុជីវិត ពល រដ្ឋស្លូតត្រង់ ម៉ាឡេស៊ី ទាំងនេះ ។</p>
<p><a class="thickbox" title="" href="/FileManager/Commons/2014/8/22/05-22-08-2014--09-33-21.jpg"><img src="/FileManager/Articles/mce/2014/8/22/05-22-08-2014--09-33-21.jpg" alt="" /></a></p>
<p>គួរបញ្ជាក់ថា យន្តហោះ របស់ក្រុមហ៊ុនអាកាសចរណ៍ ម៉ាឡេស៊ី MH17 ត្រូវបានគេជឿថាបាញ់ទម្លាក់ ដោយប្រើ ម៉ីស៊ីល ពីសំណាក់ ក្រុមឧទ្ទាមផ្តាច់រដ្ឋ គាំទ្រ ប្រទេស ម៉ាឡេស៊ី ដែលមានមូលដ្ឋាន នៅឯ ភាគខាងកើត ប្រទេស អ៊ុយក្រែន ក៏ប៉ុន្តែ ក្រុមឧទ្ទាមមួយនេះ បានធ្វើការបដិសេធ ជា ដាច់ ខាត ក្នុង ការលើកឡើងយ៉ាងដូច្នេះ ។ គួររំឭកថា ក្រុមមនុស្ស ទាំងអស់មាន គ្នា ដល់ទៅ ២៩៨ នាក់ រួមមាន អ្នកធ្វើដំណើរ ក៏ដូចជា ក្រុមសហសេវិក បានស្លាប់បាត់បង់ជីវិត ទាំងអស់គ្នា ក្នុងគ្រោះថ្នាក់ធ្លាក់យន្ត ហោះ ប្រភេទ Boeing 777 មួយនេះ កាលពីថ្ងៃទី ១៧ កក្កដា កន្លងទៅ ៕</p>
<p><a class="thickbox" title="" href="/FileManager/Commons/2014/8/22/76650664ukrainerebelcontrol624latest-22-08-2014--09-33-34.gif"><img src="/FileManager/Articles/mce/2014/8/22/76650664ukrainerebelcontrol624latest-22-08-2014--09-33-34.gif" alt="" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី </p>