<p>ព័ត៌មានអន្តរជាតិ ៖ បើយោងតាមការដកស្រង់អត្ថបទផ្សាយ ដែលជាសេចក្តីរាយការណ៍របស់<br />ទំព័រសារព័ត៌មានបរទេស spy កាលពីវេលាមុននេះបន្តិច បានគូសបញ្ជាក់អោយដឹងថា ចោរ<br />ស្ទើរភ្លើងម្នាក់ ត្រូវបានប៉ូលីសក្របួចជាប់ បន្ទាប់ពីគេបានទូរស័ព្ទប្តឹងប៉ូលីស ខណៈពេលដែល<br />បានលឺសម្លេងចម្លែកនៅក្នុងផ្ទះ អំឡុងពេលធ្វើសកម្មភាពលួច ។</p>
<p>គួរបញ្ជាក់ផងដែរថា ចោរស្ទើរភ្លើងរូបនោះ មានឈ្មោះថា Marius Ionescu វ័យ ៣១ ឆ្នាំ បាន<br />ចេញធ្វើសកម្មភាពលួច ដោយសម្រុកចូលលបៗទៅកាន់ផ្ទះមួយកន្លែង ដែលមានទីតាំងនៅ<br />ក្នុងប្រទេសរ៉ូមានី តែដោយឡែក បន្ទាប់ពីបានលឺសម្លេងចម្លែក ដែលគេនឹកស្មានថា ជាការ<br />សម្រុកចូលធ្វើសកម្មភាពលួច ពីសំណាក់ចោរដទៃទៀតនោះ គេក៏បានចូលទៅរត់ពួននៅ<br />ក្រោមគ្រែ និងបានទូរស័ព្ទទៅប្តឹងភ្នាក់ងារប៉ូលីស។</p>
<p><a class="thickbox" title="" href="/FileManager/Commons/2013/4/23/ay52770071-e1366629372830-23-04-2013--08-52-23.jpg"><img src="/FileManager/Articles/mce/2013/4/23/ay52770071-e1366629372830-23-04-2013--08-52-23.jpg" alt="" width="456" height="341" /></a></p>
<p>កាលដែលបានទទួលព័ត៌មានហើយនោះ ក្រុមមន្រ្តីប៉ូលីសក៏បានចុះទៅដល់កន្លែងកើតហេតុ<br />និង បានចាប់ឃាត់ខ្លួនលោក Marius ពីបទប្រព្រឹត្តិអំពើចោរកម្ម ។ ដោយឡែក ក៏មានការ<br />បញ្ជាក់អះអាងពីមន្រ្តីប៉ូលីសផងដែរ តាមពិតទៅ សម្លេងចម្លែកនោះ មិនមែនជាអំពើចោរកម្ម<br />អ្វីផ្សេងទៀតនោះទេ តែវាទំនងមកពីសម្លេងរំខានសត្វឆ្មាទេដឹង៕</p>
<p style="text-align: right;">ដោយ ៖ រិទ្ធី<br />ប្រភព ៖ spy <br /><br /></p>