<div class="article-content">
<p style="text-align: left;"><strong>ភ្នំពេញ៖</strong> បុរសម្នាក់បានចងកសម្លាប់ខ្លួន និងក្រមា ដោយបន្សល់ទុកលិខិត២ទំព័រ នៅក្នុងហោ ប៉ៅខោ ហើយករណីនេះ សមត្ថកិច្ចបញ្ជាក់ថា ជាការធ្វើអត្តឃាតខ្លួន ។</p>
<div id=":z0" style="text-align: left;">កម្លាំងសមត្ថកិច្ច ផ្នែកកោសល្យវិច្ច័យក្រុងភ្នំពេញជាច្រើននាក់ នៅព្រឹកថ្ងៃ៥ ខែធ្នូ ឆ្នាំ២០១៣ បានត្រួតពិនិត្យសពបុរសម្នាក់ ដើម្បីបំបាត់មន្ទិល សង្ស័យ និងពាក្យថាមានគេសម្លាប់ ។</div>
<p style="text-align: left;">មន្ត្រីនគរបាលរាជធានីភ្នំពេញ បាននិយាយក្រោយពីពិនិត្យសពថា នេះជាការធ្វើអត្តឃាត ដោយខ្លួនឯង ហើយករណីនេះសមត្ថកិច្ចចាត់ទុកថា ជារឿងជម្លោះក្នុងគ្រួសារ បន្ទាប់ពីសំបុត្រ ២ទំព័រ ត្រូវបានរកឃើញ ។</p>
<p style="text-align: left;">លោក អេង សុគន្ធារ៉ាត់ ត្រូវជាប្អូនធម៌ជនរងគ្រោះ បាននិយាយប្រាប់នគរបាលថា ខណៈដែល លោកមកពីធ្វើការពេលយប់វិញ ស្រាប់តែប្រទះ ឃើញបងប្រុសរបស់ខ្លួនស្លាប់ទៅហើយ ។</p>
<p style="text-align: left;">នៅម៉ោង៤និង៣០នាទីទៀបភ្លឺ ត្រូវនិងថ្ងៃទី៥ ខែធ្នូនេះ បុរសឈ្មោះ ថាន វីរៈ អាយុ ៣១ឆ្នាំ ត្រូវបានគេប្រទះឃើញ ចងកសម្លាប់ខ្លួននៅក្នុងផ្ទះ ជួលលេខ ៣៧E ជាន់ទី២ ផ្លូវ២២៣ កែង ផ្លូវលេខ ២៣០ សង្កាត់ផ្សារដើមគរ ខណ្ឌទួលគោក ។</p>
<p style="text-align: left;">យោងតាម ការបំភ្លឺពីសាច់ញាតិជនរងគ្រោះ និងនគរបាលប៉ុស្តិ៍ផ្សារដើមគរ បាននិយាយថា ការដែលជនរងគ្រោះសម្លាប់ខ្លួនឯងបែបនេះក៏ព្រោះតែតូចចិត្ត និងប្រពន្ធរត់ ចោល ១ខែមក នេះ មិនដឹងថាទៅទីណា ។ សពជនរងគ្រោះ ត្រូវបានសមត្ថកិច្ច ប្រគល់ទៅឲ្យក្រុមគ្រួសារធ្វើ<br />បុណ្យតាមប្រពៃណី៕</p>
<p style="text-align: right;"><img src="http://image.dap-news.com:81/dap-news/dap-images/2013/December/id-014/that-0027.jpg" alt="Photo by DAP-News" width="500" /></p>
<p style="text-align: right;"><img title="" src="http://image.dap-news.com:81/dap-news/dap-images/2013/December/id-014/that-0028.jpg" alt="Photo by DAP-News" width="500" /></p>
<p style="text-align: center;">ក្រមាចងក ចងភ្ជាប់ជាមួយនិងចម្រឹងបង្អួច</p>
<p style="text-align: right;"><img src="http://image.dap-news.com:81/dap-news/dap-images/2013/December/id-014/that-0029.jpg" alt="Photo by DAP-News" width="500" /></p>
<p style="text-align: right;"><img src="http://image.dap-news.com:81/dap-news/dap-images/2013/December/id-014/that-0030.jpg" alt="Photo by DAP-News" width="500" /></p>
<p style="text-align: center;">សំបុត្រជនរងគ្រោះសរសេរទុកផ្ញើបងប្រុស</p>
<p style="text-align: right;"><img title="" src="http://image.dap-news.com:81/dap-news/dap-images/2013/December/id-014/that-0031.jpg" alt="Photo by DAP-News" width="500" /></p>
<p style="text-align: center;">សំបុត្រជនរងគ្រោះសរសេរទុកផ្ញើប្រពន្ធដែលរត់ចោល</p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>