<p>ព័ត៌មានអន្តរជាតិ ៖ គួរបញ្ជាក់ថា ក្រោយពីបានរកឃើញ ផូស៊ីល សត្វដាយនូស័រ ឈ្មោះចុងក្រោយ របស់វា ត្រូវបានគេប្រសិទ្ធនាមអោយដឹងថា Mercuriceratops ជា បេក្ខភាព ពូជសត្វដាយនូស័រតែ មួយគត់ មានលក្ខណៈចម្លែកហួស ពោល មានស្នែង នៅពីលើក្បាល ខណៈ ផ្ទៃពីលើក្បាល របស់វា មានលក្ខណៈធំទូលាយ ប្រៀបបានទៅនឹង ស្លាប ដែលធ្លាប់មានវត្តមាននៅលើមួករបស់អាទិទេពបុ រាណរបស់ប្រទេសក្រិក Mercury នេះបើយោងតាមការដកស្រង់ សម្រង់ អត្ថបទផ្សាយ ពីគេហទំព័រ សារព័ត៌មានបរទេស អ៊ិនប៊ីស៊ីញូវ ។</p>
<p><a class="thickbox" title="" href="/FileManager/Commons/2014/6/19/20-19-06-2014--14-03-00.jpg"><img src="/FileManager/Articles/mce/2014/6/19/20-19-06-2014--14-03-00.jpg" alt="" /></a></p>
<p>លើសពីនេះ ប្រភពដដែល បន្តអោយដឹងថា វត្តមានពូជសត្វដាយនូស័រ រស់នៅលើភពផែនដីតាំងពី ៧៧ លានឆ្នាំមុនមួយនេះ ត្រូវបានអ្នកវិទ្យាសាស្រ្ត អះអាងអោយដឹងថាវាជាពូជដាយនូស័រស៊ីរុក្ខជាតិ ជាអាហារ ដោយនៅក្នុង រាល់ការពណ៌នា និង ការចាត់ថ្នាក់ ត្រូវបានគេបោះពុម្ពផ្សាយ លើបណ្តាញ អ៊ិនធើណេត តាមរយៈ ទស្សនាវដ្តី Naturwissenschaften ។</p>
<p><a class="thickbox" title="" href="/FileManager/Commons/2014/6/19/21-19-06-2014--14-03-11.jpg"><img src="/FileManager/Articles/mce/2014/6/19/21-19-06-2014--14-03-11.jpg" alt="" /></a></p>
<p>ប្រភពបន្តអោយដឹងថា ផូស៊ីលសត្វដាយនូស័រ ប្រភេទនេះ ត្រូវបាន គេរកឃើញ នៅឯទន្លេ Judith River រដ្ឋ Montana សហរដ្ឋអាមេរិក ដោយនៅក្នុងនោះ យោងតាមសម្តី អ្នក ជំនាញ បញ្ជាក់បានអោយដឹងថា វាអាចនឹងមានប្រវែងដល់ទៅ ៦ ម៉ែត្រ ខណៈ ទម្ងន់ អាចនឹងមាន ដល់ ទៅ ២ តោន ។ ហើយអ្វីដែលជាការសង្ស័យ វត្តមាន សរីរាង្គចម្លែក នៅចំពីលើក្បាល របស់វា ខុសពីពូជ សត្វដាយ នូស័រសព្វមួយដងនោះគឺថា តាមពិតទៅ វាគ្រាន់តែជាផ្នែកមួយនៃ សរីរាង្គ លលាដ៍ក្បាល លយទៅ លើ ខណៈវាមានតួនាទី យ៉ាងសំខាន់ ក្នុងការការពារ គូសត្រូវ,ការកំណត់អោយបាននូវអត្តសញ្ញាណ ពូជដាយនូស័រប្រភេទនេះ និង ទាក់ទាញ ដៃគូ ជាសត្វដាយនូស័រ ដូចគ្នាថែមទៀតផង ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ អ៊ិនប៊ីស៊ីញូវ</p>