<p>វិធីសាស្ដ្រ និងការណែនាំមួយចំនួន សម្រាប់ទប់ស្កាត់ និងកំចាត់មេរោគ នៅក្នុងកុំព្យូទ័រ Window<br /> ដើម្បីការពារសុវត្ថិភាពទិន្នន័យ និងប្រព័ន្ធកុំព្យូទ័រ។<br /><br />បើទោះជាចង់ ឬមិនចង់ អ្នកក៏ត្រូវមានចំណេះដឹងមូលដ្ឋានសម្រាប់ការពារ និងទប់ស្កាត់ ហានិ<br />ភ័យពីមេរោគ នៅលើ Windows ។ ប្រសិន Windows ឆ្លងវីរូស វានឹងធ្វើឱ្យកុំព្យូទ័ររបស់អ្នក យឺត <br />ហើយសបវ៉ែរ និងទិន្នន័យសំខាន់ៗ អាចនឹងត្រូវបំផ្លាញ ដោយមេរោគ។<br /><br />ដើម្បីការពារបញ្ហាឆ្លងមេរោគចូលកុំព្យូទ័រ នៅពេលអ្នកចូលទៅគេហទំព័រ ឬទាញយកទិន្នន័យ<br />ណាមួយពីអ៊ីនធឺរណិត អ្នកត្រូវតែមានការប្រុងប្រយ័ត្ន។ ប្រសិនសង្ស័យថា ម៉ាស៊ីន មានមេរោគ<br /> ពេលនោះ អ្នកត្រូវដោះស្រាយតាមវិធីខាងក្រោម។</p>
<p><br /><strong>ប្រើប្រាស់ System Restore</strong></p>
<p style="text-align: center;"><strong><a class="thickbox" title="" href="/FileManager/Commons/2014/7/18/virus1-18-07-2014--10-56-00.jpg"><img src="/FileManager/Articles/mce/2014/7/18/virus1-18-07-2014--10-56-00.jpg" alt="" /></a><br /></strong></p>
<p><strong></strong>System Restore គឺជាមុខងារមានប្រយោជន៍មួយ នៅលើ Windows ជួយឱ្យអ្នកប្រើប្រាស់ ជួស<br />ជុល Windows ឡើងវិញ។ ដើម្បីប្រើវិធីនេះ អ្នកត្រូវចូលទៅកាន់ Control Panel > Recovery > <br />Open System Restore ពេលនោះ ប្រអប់កម្មវិធី System Restore នឹងបង្ហាញខ្លួន។</p>
<p>អ្នកត្រូវជ្រើសរើសពេលវេលាកំណត់ណាមួយមុននេះ ហើយចុច និងធ្វើតាមការណែនាំ ដើម្បី<br />ជួសជុលប្រព័ន្ធឡើងវិញ ពីកាលបរិច្ឆេទដែលបានជ្រើសរើស។</p>
<p><strong>ទប់ស្កាត់សកម្មភាពរបស់មេរោគ</strong></p>
<p style="text-align: center;"><strong><a class="thickbox" title="" href="/FileManager/Commons/2014/7/18/virus2-18-07-2014--10-56-49.jpg"><img src="/FileManager/Articles/mce/2014/7/18/virus2-18-07-2014--10-56-49.jpg" alt="" /></a><br /></strong></p>
<p>ប្រសិនប្រើប្រាស់ System Restore ហើយ កុំព្យូទ័រ នៅតែដំណើរការមិនបានល្អដូចមុន ពេល<br />នោះ អ្នកត្រូវធ្វើការទប់ស្កាត់សកម្មភាពរបស់មេរោគ ដោយឧបករណ៍ <a href="http://www.bleepingcomputer.com/download/rkill/" target="_blank"><span style="color: #0000ff;"><strong>Rkill</strong></span> </a>ដែលជាកម្មវិធីមិន<br />គិតថ្លៃរបស់ Bleeping Computer ។ Rkill មានតួនាទី ស្កេន និងទប់ស្កាត់សកម្មភាពរបស់មេរោគ<br /> ហើយអ្នកគ្រាន់តែទាញយកកម្មវិធីនេះ និងដំណើរការវា ដោយមិនចាំបានកែប្រែអ្វីទាំងអស់។</p>
<p>មេរោគមួយចំនួន អាចមានលទ្ធភាពគេចចេញពីការស្វែងរករបស់ Rkill ដូច្នេះ ល្អបំផុត អ្នកគួរ<br />ប្ដូរឈ្មោះ ពី Rkill ទៅជា “iexplore” ដើម្បីបង្វែងដានមេរោគ ធ្វើឱ្យវាគិតថា អ្នកកំពុងដំណើរការ<br /> ប្រៅសឺរ Internet Explorer ។</p>
<p><strong>កំទេចមេរោគ</strong></p>
<p style="text-align: center;"><strong><a class="thickbox" title="" href="/FileManager/Commons/2014/7/18/virus3-18-07-2014--10-57-37.png"><img src="/FileManager/Articles/mce/2014/7/18/virus3-18-07-2014--10-57-37.png" alt="" /></a><br /></strong></p>
<p>បន្ទាប់ពីបានប្រើទប់ស្កាត់សកម្មភាពមេរោគ ដោយកម្មវិធី Rkill អ្នកគួរទាញយក <a href="http://media.kaspersky.com/utilities/VirusUtilities/EN/tdsskiller.exe" target="_blank"><strong><span style="color: #0000ff;">TDSSKiller</span></strong> </a><br />ជាកម្មវិធីមិនគិតថ្លៃ របស់ Kaspersky ដើម្បីស្កេន និងកំទេចមេរោគទាំងស្រុង។</p>
<p>ក្រោយពីបានទាញយក ចូរដំណើរការ TDSSKiller ពី EXE ដោយមិនចាំបាច់ដំឡើងក្នុងម៉ាស៊ីន<br /> ហើយចាប់ផ្ដើមដំណើរការស្កេន និងកំចាត់មេរោគ។</p>
<p><strong>កំចាត់មេរោគសំណល់</strong></p>
<p style="text-align: center;"><strong><a class="thickbox" title="" href="/FileManager/Commons/2014/7/18/virus4-18-07-2014--10-58-19.jpg"><img src="/FileManager/Articles/mce/2014/7/18/virus4-18-07-2014--10-58-19.jpg" alt="" /></a><br /></strong></p>
<p>ក្រោយពីស្កេន និងកំចាត់មេរោគ ដោយ TDSSKiller ចូរដំណើរការ កម្មវិធី Rkill ម្ដងទៀត ដើម្បី<br />ពិនិត្យ រកមេរោគឡើងវិញ។ បន្ទាប់មក ចូរទាញយក និងដំណើរការឧបករណ៍ <a href="http://www.freedrweb.com/cureit/?lng=en" target="_blank"><strong><span style="color: #0000ff;">Dr. Web CureIt!</span></strong> </a>ដើម្បីធ្វើការស្កេនរកបណ្ដាសបវ៉ែរអាក្រក់, trojan និងបណ្ដា spyware ដែលសល់ពីមេរោគ។</p>
<p>នៅពេលធ្វើបានសម្រេចនូវកិច្ចការខាងលើ ម៉ាស៊ីនកុំព្យូទ័ររបស់អ្នក ពេលនេះ ពិតជាស្អាតស្អំ <br />មិនមានមេរោគ។</p>
<p><strong>បង្ការមេរោគ</strong></p>
<p style="text-align: center;"><strong><a class="thickbox" title="" href="/FileManager/Commons/2014/7/18/virus5-18-07-2014--10-58-55.jpg"><img src="/FileManager/Articles/mce/2014/7/18/virus5-18-07-2014--10-58-55.jpg" alt="" /></a><br /></strong></p>
<p>ប្រសិនមិនចង់ប្រើកម្មវិធីការពារមេរោគដែលមានតម្លៃថ្លៃ អ្នកក៏អាចប្រើបណ្ដា antivirus ឥតគិត<br />ថ្លៃ ដូចជា như <a href="http://www.avast.com/index" target="_blank"><strong><span style="color: #0000ff;">Avast Free Antivirus</span></strong></a> ឬ <a href="/Contents/Edit/free.avg.com/ww-en/homepage" target="_blank"><strong><span style="color: #0000ff;">AVG Free Antivirus</span></strong></a> ឬក៏ <a href="https://toolslib.net/downloads/viewdownload/1-adwcleaner/" target="_blank"><strong><span style="color: #0000ff;">AdwCleaner</span></strong></a> ដើម្បី<br />បំបាត់សបវ៉ែរឃោសនាពាណិជ្ជកម្ម និងប្រើប្រាស់ <a href="https://www.malwarebytes.org/" target="_blank"><strong><span style="color: #0000ff;">Malwarebytes</span></strong> </a>ដើម្បីស្វែងរក បណ្ដា<br />សបវ៉ែរ “ក្បាលរឹង” ដែលអ្នកសង្ស័យថា វាស្ថិតក្នុង Windows របស់អ្នក។</p>
<p>បន្ទាប់មកទៀត អ្នកគួរដំឡើងបន្ថែមនូវជញ្ជាំងភ្លើង ដូចជា <a href="http://www.comodo.com/home/internet-security/firewall.php" target="_blank"><strong><span style="color: #0000ff;">Comodo Firewall</span></strong> </a>ជាដើម សម្រាប់ <br />Windows ដើម្បីជៀសវៀងពីការវាយលុកតាមអ៊ីនធឺរណិត។</p>
<p style="text-align: center;"><a class="thickbox" title="" href="/FileManager/Commons/2014/7/18/virus6-18-07-2014--10-59-38.jpg"><img src="/FileManager/Articles/mce/2014/7/18/virus6-18-07-2014--10-59-38.jpg" alt="" /></a></p>
<p>ជាចុងក្រោយ អ្នកគួរធ្វើការចម្លង Windows ដោយប្រើ System Restore ឬចម្លង “ជាកញ្ចប់” <br />ដោយ<span style="color: #333333;"> OneKey Ghost</span> ។</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Gen/Microsoft</p>