<div class="article-content">
<p><strong>ភ្នំពេញ ៖</strong> ជនសង្ស័យម្នាក់ ដែលជាប់ ពាក់ព័ន្ធ នឹងសកម្មភាពលួចស្លាកលេខរថយន្ដ ក្រឡាបញ្ជី<br />របស់ប្រធានសាលាដំបូងរាជធានីភ្នំពេញ លោកជីវ កេង ត្រូវបានកម្លាំងនគរបាលផ្នែកព្រហ្មទណ្ឌ<br />ខណ្ឌដូន ពេញចាប់ខ្លួន កាលពីវេលាម៉ោង ៩យប់ ថ្ងៃ ទី០៨ ខែកក្កដា ឆ្នាំ២០១៣ ស្ថិតនៅមុខ ផ្ទះ<br />លេខ ១៥៨ Eo ផ្លូវលេខ ១៣០ ភូមិទី១១ សង្កាត់ផ្សារកណ្ដាលទី២ ខណ្ឌដូនពេញ ក្រោយពីជន<br />សង្ស័យរូបនេះ បានធ្វើសកម្មភាពលួច ស្លាកលេខ រថយន្ដកាលពី វេលាម៉ោង៥ និង៣០នាទីល្ងាច<br />ថ្ងៃទី០៧ ខែមិថុនា ឆ្នាំ ២០១៣ ស្ថិតនៅចំណុចផ្ទះ លេខ ២១Eo ផ្លូវលេខ៥៩ ភូមិទី៩ សង្កាត់ផ្សារ<br />ថ្មីទី៣ ខណ្ឌដូនពេញ ។</p>
<p>មន្ដ្រីនគរបាលព្រហ្មទណ្ឌ ខណ្ឌដូនពេញ បានឱ្យដឹងថា ជនសង្ស័យដែលត្រូវចាប់ខ្លួនខាងលើនេះ <br />ឈ្មោះ ពូន ដារ៉ា ហៅ បុត្រ អាយុ ៤៥ឆ្នាំ មុខរបរ លក់ដូរ ស្នាក់នៅផ្ទះ លេខ AZ7 ផ្លូវលេខ ១៩៨៦<br /> សង្កាត់ភ្នំពេញថ្មី ខណ្ឌ សែនសុខ ។ ដោយឡែក ជនរងគ្រោះ ដែលជាម្ចាស់ ស្លាកលេខរថយន្ដ <br />ឈ្មោះ ហុង ប៊ុនហួរ អាយុ ៤០ឆ្នាំ មុខរបរ ក្រឡាបញ្ជីនៅសាលាដំបូង រាជធានីភ្នំពេញ ស្នាក់នៅ<br />ទីតាំងដែលចោរលួចស្លាកលេខ ខាងលើ ។</p>
<p>បើតាមសមត្ថកិច្ច នៅវេលាម៉ោងកើតហេតុ នាថ្ងៃទី០៧ ខែមិថុនា ឆ្នាំ ២០១៣ ជនរងគ្រោះបានចត<br />រថយន្ដម៉ាក មែកសឺដែស ពាក់ស្លាកលេខ ភ្នំពេញ 2Q-8133 នៅមុខផ្ទះរបស់ខ្លួន ស្រាប់តែបាត់ <br />ស្លាកលេខទាំងមុខទាំងក្រោយ។ ក្រោយបាត់ស្លាកលេខរថយន្ដជនរងគ្រោះបានដាក់ពាក្យបណ្ដឹង<br /> នៅនគរបាលប៉ុស្ដិ៍ផ្សារថ្មីទី៣ លុះដល់វេលាម៉ោង ៩យប់ម្សិលមិញ ជនរង គ្រោះ បានឃើញស្លាក<br />លេខរថយន្ដរបស់ខ្លួនពាក់លើរថយន្ដកាមរី ឆ្នាំ២០១១ ពណ៌ទឹកប្រាក់នៅចំណុចផ្ទះលេខ១៥៨ Eo<br /> ផ្លូវលេខ១៣០ ភូមិទី១១ សង្កាត់ផ្សារកណ្ដាលទី២ ខណ្ឌដូនពេញ ហើយជនរងគ្រោះ ក៏ជូនដំណឹង<br />ទៅសមត្ថកិច្ចចុះទៅ ឃាត់ទាំងជនល្មើស និងរថយន្ដតែម្ដង ។</p>
<p>បច្ចុប្បន្នជនសង្ស័យរូបនេះ ត្រូវបានឃុំខ្លួនជាបណ្ដោះអាសន្ន នៅអធិការដ្ឋាននគរបាល ខណ្ឌដូន<br />ពេញដើម្បីកសាងសំណុំរឿងបញ្ជូនទៅតុលាការ ។ យ៉ាងណាក៏ដោយ ជនសង្ស័យរូបនេះ មិនមែន<br />ជាអ្នកលួចស្លាកលេខរថយន្ដ ផ្ទាល់ដៃនោះឡើយ ពោលជាអ្នកទិញបន្ដពីចោរ រួចយកមកពាក់លើ<br />រថយន្ដរបស់ខ្លួន ប្រហែលជារថយន្ដមិនបង់ពន្ធ ដូច្នេះទង្វើ បែបនេះ ជាសារមួយ ព្រមានដល់អ្នក<br />ជិះ រថយន្ដទាំងឡាយណាដែលមិនបានបង់ពន្ធហើយទិញស្លាកលេខពីចោរ យកមកបិទ បន្លំភ្នែក<br />សមត្ថកិច្ច ។</p>
<p>ក្រោយចាប់ខ្លួន អ្នកបើករថយន្តប្រើស្លាកលេខក្លែងក្លាយ ខាងលើនេះ កម្លាំងសមត្ថកិច្ចបានចុះទៅ<br />បង្រ្កាប និងឃាត់ខ្លួនស្រ្តីម្នាក់ ដែលរកស៊ីទិញនិងលក់ស្លាកលេខក្លែងក្លាយព្រឹកថ្ងៃទី០៩ ខែកក្កដា<br /> នៅតាមផ្លូវលេខ ៥១ សង្កាត់វត្តភ្នំ ខណ្ឌដូនពេញ យកទៅសួរនាំ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0176.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0177.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0178.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0179.jpg" alt="" width="500" /></p>
</div>