<p>ព័ត៌មានអន្តរជាតិ ៖ យោងតាមអត្ថបទផ្សាយ ពីគេហទំព័រសារព័ត៌មានបរទេស CNN ដែល<br />ទើបតែបានចេញផ្សាយកាលពីប៉ុន្មានម៉ោងមុននេះ បន្តិចអោយដឹងថា មនុស្ស ៥ នាក់ ក្នុង<br />នោះមានក្មេងតូចផងនោះ បានស្លាប់បាត់បង់ជីវិត បន្ទាប់ពីជួបគ្រោះថ្នាក់ធ្លាក់ឧទ្ធម្ភាគចក្រ<br />នៅឯរដ្ឋ Pennsylvania សហរដ្ឋអាមេរិក។</p>
<p>យ៉ាងណាមិញ បើយោងតាមអ្នកធ្វើសពវិភាគឈ្មោះ Tom Kukuchka អោយដឹងថា ក្នុង<br />ចំណោមអ្នកដែលបានស្លាប់បាត់បង់ជីវិត ក្នុងនោះរួមមានក្មេងតូចមួយនាក់ ស្រ្តីម្នាក់ និង<br />បុរស ៣ នាក់ ។ លើសពីនេះទៅទៀត ប្រភពសារព័ត៌មានដដែល ក៏បានដកស្រង់សម្តី<br />លោក Holly Baker ជាមន្រ្តីរដ្ឋបាលសម្ព័ន្ធអាកាសចរ អោយដឹងផងដែរថា ឧទ្ធម្ភាគចក្រ<br />មួយគ្រឿង ដែលផ្ទុកទៅដោយក្រុមមនុស្ស ៥ នាក់ បានបាត់កាលពីថ្ងៃសៅរ៍សប្តាហ៍<br />កន្លងទៅ។</p>
<p><a class="thickbox" title="" href="http://camnews.com.kh/FileManager/Commons/2013/7/29/untitled2237-29-07-2013--14-53-59.jpg"><img src="http://camnews.com.kh/FileManager/Articles/mce/2013/7/29/untitled2237-29-07-2013--14-53-59.jpg" alt="" width="441" height="247" /></a></p>
<p>គួររំឭកផងដែរថា ឧទ្ធម្ភាគចក្រមួយគ្រឿងនេះ ធ្វើដំណើរហោះចេញ ពីអាកាសយានដ្ឋាន<br /> Greater Binghamton ទីក្រុងញ៉ូវយ៉ក ឆ្ពោះទៅកាន់អាកាសយានដ្ឋាន Jake Arner Memor-<br />ial រដ្ឋ Pennsylvania សហរដ្ឋអាមេរិក។</p>
<p>លោក Holly Baker បញ្ជាក់បន្ថែមថា បន្ទាប់ពីមានការតាម ដានស៊ើបអង្កេត ក្រោយពីបាន<br />ដឹងថា ឧទ្ធម្ភាគចក្រមួយគ្រឿងនេះ បានបាត់ខ្លួននោះ មកទល់នឹងថ្ងៃអាទិត្យវេលារសៀល<br />ម្សិលមិញនេះ ទើបបានរកអោយឃើញថា តាមពិតទៅវាបានជួបគ្រោះថ្នាក់ធ្លាក់ នៅក្នុង<br />តំបន់ព្រៃឈើមួយកន្លែង។</p>
<p><a class="thickbox" title="" href="http://camnews.com.kh/FileManager/Commons/2013/7/29/li-helicopter-crash-29-07-2013--14-56-21.jpg"><img src="http://camnews.com.kh/FileManager/Articles/mce/2013/7/29/li-helicopter-crash-29-07-2013--14-56-21.jpg" alt="" width="443" height="248" /></a></p>
<p>ទន្ទឹមនឹងនេះ ក្រុមមន្រ្តីជំនាញក៏កំពុងធ្វើការតាមដានស៊ើបអង្កេត រកមូលហេតុពិតនៃការ<br />ធ្លាក់លើកនេះ បន្ទាប់ពីឧទ្ធម្ភាគចក្រមួយគ្រឿងនេះ បានផ្តាច់ការទាក់ទងជាមួយនឹងស្ថានី<br />យ៍កាលពីរាត្រីថ្ងៃសៅរ៍កន្លងទៅ ខណៈមានអាកាសធាតុអាក្រក់នោះ៕</p>
<p><object width="441" height="378" data="http://www.youtube.com/v/EsjqPfKWORY&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/EsjqPfKWORY&rel=1" /></object></p>
<p style="text-align: right;">ដោយ ៖ ពិសី<br />ប្រភព ៖CNN</p>