<p><span style="color: #000000;">ព័ត៌មានអន្តរជាតិ ៖ ក្រុមអ្នកជំនាញហូឡង់ នឹងធ្វើការចេញផ្សាយ របាយការណ៍ជាលើកដំបូង ជាការ គូសបញ្ជាក់អោយដឹង ថាតើ មូលហេតុអ្វីអោយពិតប្រាកដ ដែលបានបណ្តាលអោយ មានករណីធ្លាក់ យន្តហោះ របស់ក្រុមហ៊ុនអាកាសចរណ៍ ម៉ាឡេស៊ី MH17 កាលពីអំឡុងខែ កក្កដា កន្លងទៅនេះ នៅឯ ភាគខាងកើតប្រទេស អ៊ុយក្រែន ។</span></p>
<p><span style="color: #000000;"><br /><a class="thickbox" title="" href="/FileManager/Commons/2014/9/9/01-09-09-2014--08-55-33.jpg"><img src="/FileManager/Articles/mce/2014/9/9/01-09-09-2014--08-55-33.jpg" alt="" /></a><br /></span></p>
<p><span style="color: #000000;">ក្រុមប្រឹក្សាភិបាលសុវត្ថិភាពហូឡង់ កំពុងដឹកនាំការស៊ើបអង្កេតអន្តរជាតិមួយ ដើម្បីព្យាយាមប្រមូលផ្តុំបញ្ចូលគ្នាភស្តុតាង លើអ្វី ដែលបានកើតឡើង ។ គួរបញ្ជាក់ថា ក្រុមមនុស្សជាអ្នកធ្វើដំណើរភាគច្រើន ជាជនជាតិហូឡង់ ទាំងអស់គ្នា ពុំមាននរណាម្នាក់ មានឱកាស រស់រានមាន ជីវិត ម្នាក់ នោះទេ ពោល បានស្លាប់បាត់បង់ជីវិតទាំងអស់គ្នា ផ្ទាល់តែម្តង ស្របពេលដែល របាយការណ៍ អះអាងជាជំហានដំ បូងអោយដឹងថា យន្តហោះធ្លាក់ ដោយសារការបាញ់ទម្លាក់ ដោយប្រើ ម៉ីស៊ីល ពីសំណាក់ ក្រុមឧទ្ទាម បំបែករដ្ឋ គាំទ្រ ប្រទេស រុស្ស៊ី ។ ដោយឡែក ប្រតិបត្តិការ ចុះស្រាវជ្រាវ រកភស្តុតាង ត្រូវបានរំខាន ដោយការប្រយុទ្ធគ្នា នៅតំបន់កើតហេតុ ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2014/9/9/02-09-09-2014--08-55-44.jpg"><img src="/FileManager/Articles/mce/2014/9/9/02-09-09-2014--08-55-44.jpg" alt="" /></a><br /></span></p>
<p><br /><span style="color: #000000;">គួររំឭកថា យន្តហោះម៉ាឡេស៊ី MH17 ជាប្រភេទយន្តហោះ Boeing 777 បានហោះធ្វើដំណើរពីទីក្រុង Amsterdam ទៅទីក្រុង Kuala Lumpur លុះមកដល់តំបន់ Donetsk យន្តហោះមួយគ្រឿងនេះ ក៏បានធ្លាក់និងផ្ទុះឆេះ ផ្ទាល់តែម្តង ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2014/9/9/191254875-09-09-2014--08-55-59.jpg"><img src="/FileManager/Articles/mce/2014/9/9/191254875-09-09-2014--08-55-59.jpg" alt="" /></a><br /></span></p>
<p><span style="color: #000000;"><br />យ៉ាងណាមិញ ក្រុមការងារ ស៊ើបអង្កេតអន្តរជាតិ រំពឹងទុកអោយដឹងថា របាយការណ៍ចុងក្រោយស្តីអំ ពីសោកនាដកម្មធ្លាក់យន្តហោះមួយគ្រឿងនេះ នឹងមានការចេញផ្សាយ ក្នុងអំឡុងពេលមួយឆ្នាំ ។ រដ្ឋា ភិបាលប្រទេស អ៊ុយក្រែន ក៏ដូចជា បណ្តាមេដឹកនាំ ប្រទេសមួយចំនួន នាលោកខាងលិច បានគូស បញ្ជាក់អោយដឹងថា មានភស្តុតាងជាក់លាក់ ដែលបានបង្ហាញអោយដឹងថា ក្រុមឧទ្ទាម គាំទ្រប្រទេស រុស្ស៊ី ពិតជាបានបាញ់ទម្លាក់ យន្តហោះ ដោយប្រើប្រព័ន្ធ ប្រឆាំងដែនអាកាស ដែលត្រូវបានគេស្គាល់ ថា Buk ។ ក៏ប៉ុន្តែ ទោះជាយ៉ាងណាក៏ដោយចុះ រុស្ស៊ី បានបដិសេធ ជាដាច់ខាត ក្នុងការចោទប្រកាន់ ថាខ្លួនពិតជាបានផ្គត់ផ្គង់ បណ្តាសព្វាវុធ ក៏ដូចជា ម៉ីស៊ីលទៅអោយក្រុមឧទ្ទាម បំបែករដ្ឋ ក៏កំពុងតែ មានវត្តមាន នៅតំបន់កើតហេតុ ធ្លាក់យន្តហោះ ៕</span></p>
<p style="text-align: right;"><span style="color: #000000;"><br />ប្រែសម្រួល ៖ កុសល<br />ប្រភព ៖ ប៊ីប៊ីស៊ី</span></p>