<p><span style="color: #000000;">ព័ត៌មានអន្តរជាតិ ៖ ក្រសួងសុខាភិបាល ប្រទេស កូរ៉េខាងត្បូង នៅថ្ងៃពុធ នេះ លើកឡើងអោយដឹង ថា អ្នកជម្ងឺ ២ នាក់ទៀតហើយ បានស្លាប់បាត់បង់ជីវិត ដោយ សារ តែវីរុសផ្លូវដង្ហើម Mers ពីមជ្ឈឹម បូពាហ៍ Middle East Respiratory Syndrome ក្នុងនោះ ករណី ឆ្លង មានកើនឡើង បន្ថែម ១៣នាក់ ទៀត ញ៉ាំងអោយតួរលេខ ពលរដ្ឋ កូរ៉េខាងត្បូង ឆ្លងវីរុស Mers មាន ចំនួនសរុបដល់ទៅ ១០៨ នាក់ </span></p>
<p><span style="color: #000000;"><a class="thickbox" title="" href="/FileManager/Commons/2015/6/10/81-10-06-2015--11-55-27.jpg"><img src="/FileManager/Articles/mce/2015/6/10/81-10-06-2015--11-55-27.jpg" alt="" /></a><br /></span></p>
<p><span style="color: #000000;">ជនរងគ្រោះ ស្លាប់ ២ នាក់បន្ថែមទៀត គឺជា អ្នកជម្ងឺមហារីក ខណៈករណីស្លាប់នៅថ្ងៃពុធនេះ បាន ញ៉ាំងអោយ តួរលេខអ្នកស្លាប់ដោយវីរុស Mers នៅកូរ៉េខាងត្បូង កើន ឡើងដល់ ៩ នាក់ហើយ ។ សេចក្តីរាយការណ៍ ពីទំព័រសារព័ត៌មាន សឹង្ហបុរី CNA អោយដឹងថា ករណីផ្ទុះឡើងនូវវីរុសឆ្លងលើក នេះ បានបណ្តាលអោយ មានការប្រកាសអាសន្ន នៅក្នុង និង ក្រៅប្រទេស តួយ៉ាង សាលារៀនក្នុង ស្រុកប្រមាណ ២២០០ កន្លែងត្រូវបិទទ្វារជាបណ្តោះអាសន្ន ព្រោះ ជម្ងឺរាតត្បាតផ្លូវដង្ហើមមួយនេះ។ </span></p>
<p><span style="color: #000000;"><a class="thickbox" title="" href="/FileManager/Commons/2015/6/10/80-10-06-2015--11-55-36.jpg"><img src="/FileManager/Articles/mce/2015/6/10/80-10-06-2015--11-55-36.jpg" alt="" /></a><br /></span></p>
<p><span style="color: #000000;">គួររំឮកថា បណ្តាប្រទេសនៅក្នុង តំបន់ បានចេញ សេចក្តី ប្រកាស អាសន្ន ភ្លើងក្រហម ហាមមិន អោយពលរដ្ឋខ្លួនធ្វើដំណើរទៅកាន់ កូរ៉េខាងត្បូង នោះទេ បើសិនជាគ្មានការចាំបាច់ ក្នុងនោះ មាន ដូចជារដ្ឋាភិបាលទីក្រុង ហុងកុង ដែលបានធ្វើសេចក្តី ប្រកាស អាសន្ន កាលពីម្សិលមិញ ។ បន្ថែម ពីលើនេះ ប្រភព ពី CNA ដដែល លើកឡើងអោយ ដឹងថា ការកក់សំបុត្រយន្តហោះ តាមក្រុមហ៊ុន អាកាសចរណ៍ Cathay Pacific ទៅកាន់ប្រទេស កូរ៉េខាងត្បូង មានការធ្លាក់ចុះ ព្រោះ រអារ នឹងជម្ងឺ ផ្លូវដង្ហើម ប្រភេទនេះ ។ មិនត្រឹមតែប៉ុណ្ណោះ ប្រធានាធិបតី កូរ៉េខាងត្បូង លោកស្រី Park បានពន្យា ពេលធ្វើដំណើរទស្សនកិច្ចផ្លូវការរបស់ខ្លួនទៅ កាន់ សហរដ្ឋអាមេរិក ដើម្បី បង្ហាញវត្តមាននៅក្នុង ស្រុកជាការឆ្លើយតបទៅនឹងការផ្ទុះឡើងនូវវីរុស ប្រភេទនេះ ។ </span></p>
<p><span style="color: #0000ff;"><a href="/News/Detail/58361/social-news-cambodia-pp" target="_blank"><span style="color: #0000ff;">- អាន ៖ លោក លី សុវណ្ណ៖ កម្ពុជា កំពុងពង្រឹងប្រព័ន្ធ តាមដានជំងឺ ផ្លូវដង្ហើមមជ្ឈឹមបូព៌ា (MERS)</span></a></span></p>
<p><span style="color: #0000ff;"><a href="/News/Detail/73406/mers-outbreak-hong-kong-warns-against-s-korea-travel" target="_blank"><span style="color: #0000ff;">- អាន ៖ ព្រោះ "Mers" ហុងកុង ចេញសេចក្តីប្រកាស អាសន្ន ហាមពលរដ្ឋខ្លួនធ្វើដំណើរទៅ កូរ៉េខាងត្បូង</span></a></span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>