<p>កាសែតពិភពលោករបស់អាល្លឺម៉ង់ កាលពីថ្ងៃទី ១កន្លងទៅ ឱ្យដឹងថា យានរុករកនៅលើភព<br />អង្គារ "Curiosity" ទើបបានផ្ញើមកកាន់ផែនដី នូវរូបភាពមួយដ៏គួរឱ្យភ្ញាក់ផ្អើល ដោយក្នុងរូបថត<br />នេះ មានរូបភាពមួយ មានរូបរាងដូចទៅនឹងរាងកាយរបស់មនុស្សលោក។</p>
<p style="text-align: center;"><a class="thickbox" title="" href="/FileManager/Commons/2014/5/3/mars-03-05-2014--15-33-06.jpg"><img src="/FileManager/Articles/mce/2014/5/3/mars-03-05-2014--15-33-06.jpg" alt="" /></a></p>
<p style="text-align: center;">រូបភាពចុងថ្មីបំផុត ដែលទើបបានផ្ញើមកពីភពអង្គារ</p>
<p><br />នៅពេលដែលមនុស្សភាគច្រើន មានចម្ងល់ថា តើមានជីវិតនៅលើភពព្រះអង្គារដែរ ឬអត់ <br />ពេលនេះ ក្រុមអ្នកដែលជឿថា មានមនុស្សក្រៅភព មានភ័ស្ដុតាងបន្ថែមមួយទៀត បន្ទាប់ ពីយានដែលកំពុងបំពេញបេសកកម្មនៅលើភពព្រះអង្គារ បានផ្ញើររូបថតមកកាន់ផែនដី។<br /><br />អ្នកដែលបានមើលរូបថតនេះ នឹងបានឃើញយ៉ាងច្បាស់នូវរូបភាពមនុស្សម្នាក់ កំពុងដើរលើ<br />សមុទ្រខ្សាច់ ដែលពោរពេញដោយដុំថ្ម របស់ភពអង្គារ។ រូបភាព បង្ហាញថា “មនុស្ស”នេះ មាន<br />ដៃ ជើង និងក្បាល ព្រមទាំងដើរដោយប្រញាប់ ដោយសារថា នៅខាងក្រោយ“មនុស្ស” នេះ <br />ហាក់ដូចជាមានស្នាមជើង និងខ្សាច់ហុយ។</p>
<p style="text-align: center;"><a class="thickbox" title="" href="/FileManager/Commons/2014/5/3/mars-03-05-2014--15-40-57.jpg"><img src="/FileManager/Articles/mce/2014/5/3/mars-03-05-2014--15-40-57.jpg" alt="" /></a></p>
<p style="text-align: center;">ដុំពន្លឺដែលថតបាន នៅលើភពអង្គារ</p>
<p><br />នៅពេលគេពិនិត្យមើលឱ្យបានច្បាស់ គេនឹងឃើញមានភ្នែកធំៗ មានមាត់ ព្រមទាំងមានមួក<br />ការពារផងដែរ។ ចំណែកដៃទាំងសងខាង ក៏ហាក់មានម្រាមដូចមនុស្ស។ <br /><br />ផ្ទុយពីការយល់ថា វាជាមនុស្សក្រៅភព ក្រុមអ្នកជំនាញការ ជឿថា នេះគ្រាន់តែជាថ្មមួយដុំ <br />ដែលមានរូបរាងដូចមនុស្ស ម្យ៉ាងទៀត “មនុស្ស” នេះ ក៏មានកម្ពស់ប្រហែលប៉ុន្មានសង់ទីម៉ែត្រ<br />ប៉ុណ្ណោះ។</p>
<p style="text-align: center;"><a class="thickbox" title="" href="/FileManager/Commons/2014/5/3/mars-pareidolia-03-670x440-130530-03-05-2014--15-36-58.jpg"><img src="/FileManager/Articles/mce/2014/5/3/mars-pareidolia-03-670x440-130530-03-05-2014--15-36-58.jpg" alt="" /></a></p>
<p style="text-align: center;">រូបភាពមុននេះ ក៏បានបង្ហាញអំពី "មនុស្ស" ម្នាក់ អង្គុយលើដុំថ្ម លើភពអង្ការ</p>
<p><br />នេះមិនមែនជាលើកដំបូងនោះទេ ដែលយាន Curiosity ថតបានរូបភាពចម្លែកនៅលើភពអង្គារ។<br /> មុននេះ Curiosity ក៏ថតបានរូបភាពមួយ បង្ហាញថា មានដុំភ្លើងចម្លែក នៅលើភពនេះផងដែរ <br />ដែលមានអ្នកខ្លះថា វាជាយានអវកាសរបស់មនុស្សក្រៅភព ក៏ប៉ុន្ដែ NASA អះអាងថា វាគ្រាន់<br />តែជាដុំថ្មមួយដុំ ដែលចាំងពន្លឺពីព្រះអាទិត្យ៕</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ beforeitsnews<br /><br /></p>