<p><span style="line-height: 1.8; color: #000000;"><strong>សៀមរាប៖</strong> តារាចម្រៀង ជុំ លីណូ បានជួបនូវគ្រោះថ្នាក់ចរាចរមួយ ក្នុងខេត្តសៀមរាប ពេលលោកធ្វើដំណើរ ត្រឡប់មកពីច្រៀង ក្នុងខេត្ត ព្រះវិហារ បណ្ដាលឲ្យស្រ្តីម្នាក់ ស្លាប់បាត់បង់ជីវិត ចំណែកក្មេងស្រីវ័យ ប្រមាណ ១៨ ឆ្នាំ ជាអ្នកបើកបរ ម៉ូតូរបួសធ្ងន់។ ហេតុការណ៍នេះ បានកើតឡើង នៅចំណុច ភូមិគោកស្នួល ឃុំខ្នាត ស្រុកពួក ខេត្ត សៀមរាប នាម៉ោងប្រមាណ ៧ព្រឹកថ្ងៃទី៦ ខែវិច្ឆិកា ឆ្នាំ២០១៤ នេះ ។</span></p>
<p><span style="color: #000000;">លោក ជុំ លីណូ បានប្រាប់តាមទូរស័ព្ទ ថា លោកពិតជា បានជួបគ្រោះ ថ្នាក់ចរាចរ កាលពីព្រឹកថ្ងៃទី៦ ខែវិច្ឆិកា ឆ្នាំ២០១៤ នេះមែន និងបានបណ្ដាលឲ្យ ស្រីវ័យប្រមាណជាង ៥០ ឆ្នាំ ម្នាក់ បានស្លាប់ នៅកន្លែងកើតហេតុ ដោយសាររថយន្ត របស់លោក បើកបុកក្នុងទិសដៅបញ្ច្រាស់គ្នា ហើយរថយន្ត របស់លោក បានធ្លាក់ចូលទឹក ប្រឡាយនៅក្បែរនោះ ។</span></p>
<p><span style="color: #000000;">ជុំ លីណូ និយាយថា "បាទបង..! ពេលខ្ញុំជិះឡានហ្នឹង បងប្រុសខ្ញុំម្នាក់ ជាអ្នកបើក ហើយខ្ញុំបានដេកលក់មួយភាំង ស្រាប់តែពេលខ្ញុំ ដឹងខ្លួនឡើង ជើងរបស់ខ្ញុំនៅក្នុងទឹក បាត់ទៅហើយ ពេលនោះខ្ញុំស្រវេស្រវា ឡើងគោក ប៉ុន្តែខ្ញុំមិនដឹងថា ឡានត្រូវបុកជាមួយអ្វីនោះទេ..!"។</span></p>
<p><span style="color: #000000;">លោក បានបន្តថា ពេលលោកកំពុងធ្វើដំណើរ នៅក្នុងរថយន្តមានគ្នា ៣ នាក់ ហើយបងប្រុសជីដូនមួយ ជាអ្នកបើកបរឡានឲ្យលោក។ ពេលជួបគ្រោះថ្នាក់ លោកមិនបានដឹង ហេតុការណ៍មុនឡើយ ព្រោះលោកបាន ដេកលក់ នៅក្នុងឡាន ។</span></p>
<p><span style="color: #000000;">ប៉ុន្តែទោះជាយ៉ាងណា រហូតមកដល់ យប់ថ្ងៃដដែលនេះ លោកកំពុងតែនៅ សាលាស្រុក ពួក ដើម្បីរង់ចាំការដោះស្រាយ ពីសំណាក់ សមត្ថកិច្ច៕</span></p>
<p><a class="thickbox" title="" href="/FileManager/Commons/2014/11/7/sokrith-573-07-11-2014--13-24-23.jpg"><img src="/FileManager/Articles/mce/2014/11/7/sokrith-573-07-11-2014--13-24-23.jpg" alt="" /></a></p>
<p><a class="thickbox" title="" href="/FileManager/Commons/2014/11/7/sokrith-574-07-11-2014--13-24-31.jpg"><img src="/FileManager/Articles/mce/2014/11/7/sokrith-574-07-11-2014--13-24-31.jpg" alt="" /></a></p>
<p><span style="color: #000000;"><object width="500" height="428" data="http://www.youtube.com/v/j9Y8xFg_at8&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/j9Y8xFg_at8&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>