<p><span style="line-height: 1.8; color: #000000;"><strong>ភ្នំពេញ៖</strong> បើទោះបីជាពេលថ្មីៗកន្លងទៅនេះ កញ្ញា វ៉ាន់ ម៉ូនិច បានចេញមុខទទួលស្គាល់ ចំពោះរូបភាព អាក្រាតកាយរបស់នាង និងថែមទាំង បង្ហើបឲ្យដឹង ពីអ្នកដែលយករូបនាង ទម្លាយនៅលើ Facebook ក៏ដោយ តែសម្រាប់ទស្សនិកជននៅតែមានចម្ងល់ឆ្ងល់ថា ប្រសិនបើនាង បានដឹងច្បាស់ហើយថា បុរសម្នាក់នោះជាអ្នកធ្វើ ចុះហេតុអីនាងមិនចាត់ការតាមផ្លូវច្បាប់ បែរជាសុខចិត្តនៅស្ងៀម ឲ្យគេជាន់ឈ្លីកិត្តិយសធ្វើអ្វី? ពាក់ព័ន្ធនឹងចម្ងល់នេះ ត្រូវបានម្ចាស់សាម៉ីខ្លួនចេញមុខអះអាងថា នាងត្រូវបានអតីតសង្សារ គម្រាមនាងជាច្រើនដង ហេតុដូច្នេះទើបនាងសុខចិត្ត ខាំមាត់សង្កត់ចិត្តទ្រាំ។</span></p>
<p><span style="color: #000000;">ដើម្បីឆ្លើយតបទៅនឹង ចម្ងល់របស់ទស្សនិកជន LookingTODAY បានជួបសម្ភាសន៍តាមទូរស័ព្ទ ជាមួយតារាសម្តែងស្រីស្រស់វ័យក្មេង កញ្ញា វ៉ាន់ ម៉ូនិច ដោយនាងបានបកស្រាយ ដោយមិនលាក់លៀមថា នាងដឹងថា រូបភាពស្រាតរបស់នាង គឺសង្សារចាស់ជាអ្នកធ្វើ តែនាងមិនអាចចាត់ការតាមផ្លូវច្បាប់បាន ព្រោះថា បុរសជាសង្សារនោះ ជាកូនអ្នកមានទ្រព្យ ហើយម្យ៉ាងទៀតនាងគ្មានភស្តុតាង ក្នុងការចោទប្រកាន់គេនោះទេ បានត្រឹមតែដឹងច្បាស់ក្នុងចិត្តប៉ុណ្ណោះ ។</span></p>
<p><span style="color: #000000;">តារាស្រីរូបស្រស់ធ្មេញជំពើស បានប្រាប់ឲ្យដឹងបន្តទៀតថា «ពួកខ្ញុំបានបែកគ្នាជាងមួយឆ្នាំហើយ បន្ទាប់ពីខ្ញុំទាំងពីរនាក់បែកគ្នា អតីតគូស្នេហ៍ខ្ញុំគាត់បានគម្រាមខ្ញុំ ៣ដង ដោយលើកទី១គាត់ (អតីតសង្សារ) បានយករូបស្រាតនេះផ្ញើទៅឲ្យម្តាយរបស់ខ្ញុំ ហើយលើកទី២ គឺគាត់បានផ្ញើសារជាសម្លេងគម្រាមបងប្រុសខ្ញុំ និងលើកទី៣ គឺរូបថតអាក្រាតនេះ ត្រូវបានគាត់យកទៅបង្ហោះ Facebook ជាសាធារណៈ ក្នុងបំណងបង្ខូចកេរ្តិ៍ឈ្មោះខ្ញុំបែបនេះតែម្តងទៅ» ។</span></p>
<p><span style="color: #000000;">តារាសម្តែង ម៉ូនិច រូបនេះ បានប្រាប់ឲ្យដឹងបន្ថែមទៀតថា មូលហេតុដែលនាងត្រូវដើរដល់ផ្លូវបំបែកជាមួយសង្សារចាស់ ដែលជាកូនថៅកែលក់រថយន្តនោះ ដោយសារតែគាត់មានចិត្តហួងហែង ប្រច័ណ្ឌនាងខ្លាំងពេក ដោយពេលទៅណាមកណាម្តងៗ សង្សារចាស់នាងតែងតែបិទសិទ្ធិ មិនឲ្យនាងលេងសើច ប៉ះពាល់ជាមួយបុរសផ្សេងឡើយ និងហាមឃាត់នាងគ្រប់ៗជំហាន ធ្វើឲ្យនាងមានអារម្មណ៍ពិបាក ក៏សម្រេចចិត្តដើរបែក ផ្លូវជាមួយគ្នា ទាំងដែលចិត្តនាងនៅស្រលាញ់ បុរសម្នាក់នោះពេញបេះដូងក៏ដោយ។</span></p>
<p><span style="color: #000000;">នាង វ៉ាន់ ម៉ូនិច បាននិយាយទាំងអារម្មណ៍ អាឡោះអាល័យថា «បើទោះជាពួកខ្ញុំបែកគ្នាក៏ពិតមែន តែខ្ញុំនៅតែមានចិត្តស្រលាញ់ មិនដែលភ្លេចគាត់ឡើយ តែពេលនេះអស់ចិត្តហើយ ហើយរយៈពេល ដែលខ្ញុំបែកគ្នាជិតមួយឆ្នាំនេះ ខ្ញុំមិនមានទំនាក់ទំនងស្នេហា ជាមួយបុរសណាម្នាក់ឡើយ ព្រោះថា ចិត្តនេះមិនអាចភ្លេចអ្នកចាស់បាន ប៉ុន្តែអ្វីដែលធ្វើឲ្យខ្ញុំដាច់ចិត្ត ដោយមិនអាល័យនោះ គឺក្រោយពីគាត់បាន ធ្វើរឿងបែបនេះ(បង្ហោះរូបអាក្រាត) ទើបខ្ញុំដឹងថា គាត់មិនសមជាមនុស្សដែលខ្ញុំនៅស្រលាញ់ និងនឹកទៀតទេ» ។</span></p>
<p><span style="color: #000000;">តារាស្រីវ័យក្មេងរូបនេះ បានប្រាប់ដោយសុំលាក់អត្តសញ្ញាណ គូស្នេហ៍ចាស់ថា នាងសុំលាក់ឈ្មោះ និងមុខអតីតសង្សារ ដោយនាងគ្រាន់តែអាចបង្ហើបថា កំណើតស្នេហ៍នាងបាន ដុះដាលប្រមាណ ៤-៥ឆ្នាំ ទើបតែបែកគ្នាថ្មីៗនេះទេ ហើយសម្រាប់រូបថតនោះ នាងគិតថា វាមិនអាក្រាតឃើញរូបរាងកាយ នាងគ្រប់យ៉ាងឡើយ ព្រោះថា ពេលថតនោះ នាងក៏មានការបិទបាំងដែរ ម្យ៉ាងការថតនោះ គ្រាន់តែជាការថតលេងរួច ក៏លុបចោលវិញ មិនគិតថា វាអាចធ្វើឲ្យមានបញ្ហាដូចពេលនេះទេ៕</span></p>
<p><span style="color: #0000ff;"><em><a href="/News/Detail/82570/van-mornich" target="_blank"><span style="color: #0000ff;">- អាន ៖ កញ្ញា វ៉ាន់ ម៉ូនិច៖ អតីតសង្សាររបស់ខ្ញុំ ជាអ្នកទម្លាយរូបស្រាត</span></a></em></span></p>
<p><a class="thickbox" title="" href="/FileManager/Commons/2014/12/8/v0138-08-12-2014--09-48-42.jpg"><img src="/FileManager/Articles/mce/2014/12/8/v0138-08-12-2014--09-48-42.jpg" alt="" /></a></p>
<p><a class="thickbox" title="" href="/FileManager/Commons/2014/12/8/msp-268-08-12-2014--09-48-53.jpg"><img src="/FileManager/Articles/mce/2014/12/8/msp-268-08-12-2014--09-48-53.jpg" alt="" /></a></p>
<p><a class="thickbox" title="" href="/FileManager/Commons/2014/12/8/msp-260-08-12-2014--09-49-01.jpg"><img src="/FileManager/Articles/mce/2014/12/8/msp-260-08-12-2014--09-49-01.jpg" alt="" /></a></p>
<p><a class="thickbox" title="" href="/FileManager/Commons/2014/12/8/msp-261-08-12-2014--09-49-10.jpg"><img src="/FileManager/Articles/mce/2014/12/8/msp-261-08-12-2014--09-49-10.jpg" alt="" /></a></p>
<p><a class="thickbox" title="" href="/FileManager/Commons/2014/12/8/20-08-12-2014--09-49-19.jpg"><img src="/FileManager/Articles/mce/2014/12/8/20-08-12-2014--09-49-19.jpg" alt="" width="497" height="1506" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>