<div class="article-content">
<p><strong>ភ្នំពេញ៖</strong> ឆ្លើយតបទៅនឹងក្តីបារម្ភរបស់វិនិយោគិន ជប៉ុន ពីបញ្ហាតម្លៃ និងសមត្ថភាព នៃការ<br />ផ្គត់ផ្គង់ថាមពលអគ្គិស នីនៅកម្ពុជានោះ រដ្ឋមន្រ្តីក្រសួងឧស្សាហកម្ម រ៉ែ និងថាមពល លោក<br /> ស៊ុយ សែម បានបញ្ជាក់ថា កម្ពុជាលែងមាន បញ្ហាកង្វះថាមពលអគ្គិសនីទៀតហើយ រហូត<br />ដល់ឆ្នាំ២០២០។</p>
<p>ការថ្លែងអះអាងរបស់លោករដ្ឋមន្រ្តី ស៊ុយ សែម បានធ្វើឡើងនាព្រឹកថ្ងៃទី២០ ខែមិថុនា ឆ្នាំ<br />២០១៣ ក្នុងជំនួប សំណេះសំណាល និងពិភាក្សាការងារជាមួយលោក Yuji KUMAMARU<br /> ឯកអគ្គរាជទូតជប៉ុនប្រចាំនៅកម្ពុជា។</p>
<p>ក្នុងជំនួបនេះ លោក Yuji KUMAMARU បានសំណូមពរ ដល់លោករដ្ឋមន្ត្រី ស៊ុយ សែម ជួយ<br />ផ្តល់ពត៌មានអំពី ការអភិវឌ្ឍវិស័យថាមពលអគ្គិសនី ព្រោះអ្នកវិនិយោគជប៉ុន មានការព្រួយ<br />បារម្ភអំពីតម្លៃ និងសមត្ថភាពផ្គត់ផ្គង់អគ្គិ សនីនៅកម្ពុជា។</p>
<p>ឯកអគ្គរាជទូតជប៉ុន ក៏បានស្នើសូមលោករដ្ឋមន្រ្តីក្រសួងឧស្សាហកម្ម ជួយសម្រួល និង គាំទ្រ<br />ដល់អ្នកវិនិយោគ ជ ប៉ុនដែលកំពុងនិងមានបំណងមកវិនិយោគបង្កើតរោងចក្រនៅកម្ពុជា និង<br />សូមជួយគាំទ្រក្រុមហ៊ុនជប៉ុន នីតឺស៊ុយ ម៉ាញនីង ដែលកំពុងរុករករ៉ែនៅកម្ពុជា។</p>
<p>លោករដ្ឋមន្ត្រី ស៊ុយ សែម បានឆ្លើយតបទៅឯកអគ្គរាជទូតជប៉ុនវិញថា ចាប់ពីពេលនេះរហូត<br />ដល់ឆ្នាំ២០២០ កម្ពុ ជាលែងមានបញ្ហាកង្វះថាមពលអគ្គិសនីទៀតហើយ ព្រោះកម្ពុជាមាន<br />កន្លែងផ្តល់នូវថាមពលជាច្រើនកន្លែង ដែល ទើបដាក់ឲ្យដំណើរការ។</p>
<p>លោកបានបញ្ជាក់ថា កាខ្វះខាតអគ្គីសនីកន្លងមក បណ្តាលមកពីកត្តាពីរយ៉ាង គឺការកើនឡើង<br />នូវការប្រើប្រាស់ ហួសពីការគ្រោងទុក និងកាផ្គត់ផ្គង់ពីប្រទេសជិតខាង ដែលបានចុះកិច្ចព្រម<br />ព្រៀងរួចហើយ មិនបានគ្រប់គា្រន់ តាមកិច្ចព្រមព្រៀង។ «ឥឡូវនេះយើងលែងជួបប្រទះការ<br />ខ្វះខាងអគ្គិសនីដូចមុនទៀតហើយ ដោយសារវារីអគ្គិសនី កំចាយ១៩៣,៨ មេហ្គាវ៉ាត់ ដើរបាន<br /> ១២០ មេហ្គាវ៉ាត់ រោងចក្រធ្យូងថ្មនៅព្រះសីហនុ ១០០មេហ្គាវ៉ាត់ ដើរបាន ៥០មេហ្គាវ៉ាត់ វារី<br />អគ្គីសនីអាតៃ ១២០មេហ្គាវ៉ាត់ ដើរបាន៣៥ មេហ្គាវ៉ាត់ ហើយបានបញ្ជូនភ្លើងតាមខ្សែបញ្ជូនមក<br /> ភ្នំពេញ និងតាមបណ្តាខេត្ត។»</p>
<p>បើតាមលោករដ្ឋមន្រ្តី ផែនការពីឆ្នាំ២០១៣ ដល់ ២០៣០ រាជរដ្ឋាភិបាលបានអនុម័តឲ្យមានការ<br />វិនិយោគសាង សង់អគ្គិសនីធ្យូងថ្ម ជាង ១ពាន់មេហ្គាវ៉ាត់ និងវារីអគ្គិសនី ជាង១ពាន់មេហ្គាវ៉ាត់ <br />ដូច្នេះកម្ពុជាមិនមានឧបសគ្គផ្នែក វិស័យអគ្គិសនីទៀតទេ ពីឥឡូវដល់ ២០២០ ហើយកម្ពុជា<br />មានខ្សែបញ្ជូនអគ្គិសនី តាមជនបទនៅទូទាំងប្រទេស ជាង ៥០ភាគរយរួចហើយ នៅសល់ជិត<br />៥០ភាគរយទៀត នឹងបង្ហើយនៅមុនឆ្នាំ២០២០។</p>
<p>ចំពោះតម្លៃអគ្គិសនី លោករដ្ឋមន្រ្តី ស៊ុយ សែម ទទួលស្គាល់ថា មានតម្លៃខ្ពស់ជាងប្រទេសជិត<br />ខាងបន្តិច ដោយ សារនេះ ជាកាវិនិយោគដំបូង មិនទាន់បានរំលោះទុន ហើយរដ្ឋាភិបាលមិន<br />មាននយោបាយឧបត្ថម្ភទុនដូចប្រទេស ជិតខាងនេះទេ។</p>
<p>ចំពោះវិស័យឧស្សាហកម្មពីអ្នកវិនិយោគជប៉ុន លោករដ្ឋមន្រ្តីបានសម្តែងការស្វាគនម៍ និងរង់ចាំ<br />សហការជួយសម្រូល រាល់ក្រុមហ៊ុនជប៉ុន និងក្រុមហ៊ុនផ្សេងទៀត ដែលមានបំណងចង់មកវិនិ<br />យោគ ចំណែកក្រុមហ៊ុនរ៉ែជប៉ុន ដែល កំពុងធ្វើសកម្មភាពសិក្សារុករកនៅកម្ពុជា កំពុងតែសហ<br />ការយ៉ាងល្អជាមួយក្រសួង ដើម្បីអនុវត្តការងារទាំងឡាយ ។</p>
<p>ក្នុងឱកាសនេះដែរ លោករដ្ឋមន្ត្រី បានសំណូមពរឲ្យប្រទេសជប៉ុនជួយគម្រោងខ្សែបណ្តាញ<br />បញ្ជូនអគ្គិសនីតង់ស្យុង មធ្យម និងទាប ជាង ១ លានដុល្លានៅខេត្តមណ្ឌលគីរី ដែលឥឡូវ<br />កំពុងបំពេញបែបបទ ដើម្បីស្នើសុំ ហើយសូម ឲ្យមានអ្នកជំនាញការថាមពលមកប្រចាំការ<br />នៅអគ្គនាយកដ្ឋានថាមពល។</p>
<p>លោករដ្ឋមន្រ្តីក៏បានស្នើឲ្យលោកឯកអគ្គរាជទូតជួយអំពាវនាវ ដល់ក្រុមរ៉ែជប៉ុនផ្សេងទៀត មក<br />វិនិយោគវិស័យរ៉ែនៅ កម្ពុជា និងសូមអរគុណដល់ប្រទេសជប៉ុន ដែលបានជួយដល់វិស័យនានា<br /> របស់ក្រសួងឧស្សាហកម្ម រ៉ែ និងថាម ពល។</p>
<p>លោកឯកអគ្គរាជទូតក្នុងជំនួបពិភក្សាការងារនេះ ក៏បានបញ្ជាក់ផងដែរថា រយៈ៣ខែ ក្រោយការ<br />បំពេញបេសកកម្មនៅកម្ពុជា លោកបានធ្វើដំណើរទស្សនកិច្ចជួបមន្ត្រីរាជការតាមមន្ទីរ និងខេត្ត<br />នានា ហើយបានលើកពីកិច្ចសហប្រតិបត្តិការយ៉ាងល្អនា ពេលកន្លងមករវាងរាជរដ្ឋាភិបាល <br />និងប្រជាជន នៃប្រទេសទាំងពីរ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/ST-119.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/ST-120.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/ST-121.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>