<div class="article-content">
<p><strong>ភ្នំពេញៈ</strong> ក្នុងរដូវកាល មហារកក្រើក នៃសួនកម្សាន្ត ឌ្រីមលែនឌ៍ ដែលជាសួនកម្សាន្តទំនើប <br />ក្នុងប្រទេសកម្ពុជា នឹងរៀបចំការប្រគុំតន្ត្រីប្រចាំ ឆ្នាំ២០១៣ ដោយមានការចូលរួមពី សំណាក់<br />តារាល្បីៗ ក្នុងប្រទេសកម្ពុជា ជាច្រើនរូប ដូចជាកញ្ញា ឱក សុគុន្ធកញ្ញា លោក ឆាយ វីរៈយុទ្ធ<br /> លោក រ៉ូលីន អ្នកនាង កាតុ ក្រុមរាំ Tiny Toon ព្រមទាំងពិធីករ ពិធីការី ដែលមានសម្រស់ស្រស់<br />ស្អាត និងវោហារស័ព្ទ មិនចេះរីងស្ងួត ផ្សេងទៀតផងដែរ ។</p>
<p>ស្របពេលនឹង ផ្តល់ជូន ភាពរីករាយទ្វេដង ដោយអនុញ្ញាតឱ្យ ប្រជាពលរដ្ឋ ជិះឧបករណ៍កម្សាន្ត<br /> ដោយសេរី និងឥតគិតថ្លៃ ក្នុងថ្ងៃទី១១ ខែ មីនា តំណាងឌ្រីមលែនឌ៍ បាបឱ្យដឹងថា កម្មវិធីនេះ គឺ<br />ជាការប្រគុំតន្រ្តី ប្រចាំឆ្នាំដែល ឌ្រីមលែនឌ៍ តែងតែរៀបចំឡើង ដើម្បីផ្តល់ភាពសប្បាយរីករាយ <br />និងការកម្សាន្ត ដោយគ្មានដែនកំណត់ សម្រាប់អតិថិជន របស់ខ្លូន ដែលតែងតែគាំទ្រ និងចូល<br />កម្សាន្ត ជារាងរាល់ថ្ងៃ។ លោកបានបន្តទៀតថា កម្មវិធីទទួលបានការឧបត្ថមធំពី ក្រុមហ៊ុនធំៗ<br />ចំនួនពីរគឺ ស្រាបៀរ កម្ពុជា និង បណ្តាញទូរស័ព្ទចល័ត Smart Mobile ។</p>
<p>សួនកម្សាន្ត ឌ្រីមលែនឌ៍ ជាទីកម្សាន្តទំនើប ដ៏រីករាយមួយ នៅរាជធានីភ្នំពេញ សម្រាប់អតិថិជន<br />គ្រប់គ្នា ដែលបំពាក់ដោយឧបករណ៍កម្សាន្តប្លែកៗជាច្រើន នាំមកពីបរទេសដូចជា អាប៉ូឡូហោះ<br /> ទៅឋានព្រះចន្ទ្រ, ថាសហោះភពក្រៅ, សំបុកសួគ៌, រទេះភ្លើងហោះ, ម៉ូតូហោះ និងពែងវិល ជា<br />ដើម។ មិនតែប៉ុណ្ណោះ សួននេះ ក៏មាន យន្តហោះប្រដេញ (Astrojet) សម្រាប់មិត្តយុវវ័យ និង<br />ប្អូនៗកុមារ ជិះកម្សាន្ត ក៏ដូចជាមាន សួនច្បារ ស្រស់ស្អាត ចម្រុះពណ៌ជាច្រើន ថែមទៀត ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-037/S3334.jpg" alt="Photo by DAP-NEWS" width="450" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>