<p>ឈឺទ្រូងខាងឆ្វេង អាចជាសញ្ញាដំបូងនៃជម្ងឺបេះដូង សួត ក្រពះ។ល។ ហើយបើសិនមិនយក<br />ចិត្តទុកដាក់ ជម្ងឺទាំងនេះ អាចសម្លាប់អ្នកបាន ក្នុងរយៈពេលខ្លី ពិសេសគឺជម្ងឺបេះដូង។</p>
<p>ជម្ងឺបេះដូង គឺជាមូលហេតុសំខាន់មួយដែលបណ្ដាលឱ្យមានមនុស្សស្លាប់ច្រើនក្នុងពិភពលោក។ មិនត្រឹមតែមនុស្សដែលមានបញ្ហាបេះដូងពីកំណើត សូម្បីតែមនុស្សដែលមានកម្លាំងមាំមួន ក៏<br />អាចកើតជម្ងឺនេះ ហើយពេលខ្លះ អ្នកជម្ងឺបានមើលរំលងអាការៈដំបូងនេះ នាំឱ្យពួកគេមានការ<br />ប្រឈមនឹងជម្ងឺដ៏កាចសាហាវ។</p>
<p style="text-align: center;"><a class="thickbox" title="" href="/FileManager/Commons/2015/6/24/o-heart-attack-facebook-24-06-2015--11-22-49.jpg"><img src="/FileManager/Articles/mce/2015/6/24/o-heart-attack-facebook-24-06-2015--11-22-49.jpg" alt="" /></a></p>
<p>ការឈឺទ្រូង ជាអាការៈមួយដែលតែងត្រូវបានអ្នកជម្ងឺរអ៊ូរទាំប្រាប់គ្រូពេទ្យ នៅពេលពួកគេទៅ<br />ពិនិត្យបេះដូង ប៉ុន្តែ មិនមែនមានន័យថា រាល់អ្នកជម្ងឺឈឺទ្រូង គឺសុទ្ធតែមានបញ្ហាបេះដូងនោះ<br />ដែរ។</p>
<p><strong>ជម្ងឺបេះដូង</strong><br />-ការឈឺទ្រូង ដែលមានលក្ខណៈដូចជាត្រូវគេសង្កត់ច្របាច់នៅកណ្ដាល ឬងាកមកខាងឆ្វេងនៃ<br />ដើមទ្រូងបន្តិច និងមានរយៈពេលចាប់ពី ៣០នាទីឡើងទៅ ដោយមិនមានភាពធូរស្រាលពេល<br />ដេកសម្រាក ឬប្រើថ្នាំ Nitroglycerine នោះគេត្រូវគិតដល់បញ្ហាគាំងបេះដូង។</p>
<p>ការឈឺទ្រូងដែលកើតឡើងដោយសារខ្វះឈាមបេះដូង/ខ្លាញ់ក្នុងសរសៃឈាមបេះដូង (ischemic<br /> heart disease) តែងតែរាលដាលមកកាន់ដៃឆ្វេង តែវាក៏អាចរាលដាលដល់ដៃស្ដាំ ឬស្មារ ក ខ្នង<br /> និងចុងដង្ហើម។</p>
<p><strong>ជម្ងឺក្រពះ</strong><br />-បើសិនការឈឺចុក ក្រោយពីហូបអាហារ ផឹកទឹក ផឹកស្រា នោះភាគច្រើនគឺដោយសារជម្ងឺ<br />ក្រពះ។ ក៏ប៉ុន្តែ មានករណីមួយចំនួន ការឈឺបែបនេះ ក៏អាចបណ្ដាលមកពីបញ្ហាខ្វះឈាមបេះ<br />ដូងផងដែរ។</p>
<p>តាមធម្មតា អាការៈឈឺចុកដោយសារជម្ងឺខ្វះឈាមបេះដូង ឬខ្លាញក្នុងសរសៃឈាមបេះដូង វា<br />នឹងធូរស្រាលមកវិញ បន្ទាប់ពីបានលេបថ្នាំ Nitroglycerine ឬសម្រាកប៉ុន្មាននាទី (< ៣-៥នាទី)។<br /> ផ្ទុយទៅវិញ បើសិនឈឺក្រពះ ឬបំពង់អាហារ វានឹងមិនងាយធូរស្រាល ឬធូរស្រាលដែរ តែប្រើ<br />ពេលយូរ។</p>
<p><strong>ជម្ងឺសួត</strong><br />-ឈឺចាប់ភ្លាមៗដូចទៅនឹងត្រូវចុងកំបិត ហើយវានឹងឈឺខ្លាំងឡើងនៅពេលដកដង្ហើមចូល ឬ<br />ពេលដេកផ្ងារ នោះគឺអាចបណ្ដាលមកពីរលាកសួត។ ជាងនេះ អាការៈខាងលើក៏អាចបណ្ដាល<br />មកពីបញ្ហារលាកស្រោមបេះដូង (pericardium) ក៏ថាបាន។</p>
<p>នៅពេលមានអាការៈឈឺទ្រូងខាងឆ្វេង សូមកុំមើលស្រាល អ្នកគួរទៅពិនិត្យសុខភាពដើម្បីឱ្យ<br />ដឹងថា អ្នកមានជម្ងឺបេះដូងឬអត់ និងដើម្បីព្យាបាលឱ្យទាន់ពេលវេលា។ នៅកន្លែងពិនិត្យសុខភាព អ្នកអាចនឹងត្រូវបានពិនិត្យសួតដោយកាំរស្មីអិច ពិនិត្យបេះដូងដោយការវាស់ចង្វាក់បេះដូង <br />(ECG) និងអូកូបេះដូង និងសុងក្រពះដើម្បីឱ្យដឹងថា អ្នកមានជម្ងឺក្រពះឬអត់។ ក្រៅពីនេះ អ្នកក៏<br />នឹងត្រូវបានបូមឈាម យកទៅពិនិត្យរកជម្ងឺផ្សេងៗដែលពាក់ព័ន្ធផងដែរ៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ PNToday<br /><br /></p>