<p><strong>កំពង់ស្ពឺៈ</strong> នៅវេលាម៉ោង៨ និង១០នាទីព្រឹកថ្ងៃ អង្គារ ទី០២ ខែមេសា ឆ្នាំ២០១៣ នេះ កងទ័ព<br />កម្ពុជាបានចាប់ផ្តើម ធ្វើលំហាត់សមយុទ្ធបាញ់ គ្រាប់ពិតកាំភ្លើងប្រតិកម្ម BM-21 និងកាំភ្លើងត្បាល់<br /> ១៣០មិល្លីម៉ែត្រ ជាលើកទី២ នៅតំបន់អាសេអូ ក្នុងភូមិ សាស្រ្ត ស្រុកភ្នំ ស្រួច។</p>
<p>នៅទីលានធ្វើសមយុទ្ធគេសង្កេតឃើញកាំភ្លើងធំប្រភេទ BM-21 និងកាំភ្លើងត្បាល់១៣០មិល្លីម៉ែត្រ<br /> ថ្មីៗជាច្រើន គ្រឿង ដែលមានចងភ្ជាប់ជាមួយមែកឈើ គ្របពីលើផងនោះ បានដាក់តម្រៀមគ្នា<br />នៅតាមគោលដៅរៀងៗខ្លួន រីឯកងកម្លាំងកាំភ្លើងធំ ក៏បានត្រៀមលក្ខណៈយ៉ាងអង់ អាច ក្លាហាន<br /> និងប្រកបដោយភាពប៉ិនប្រសប់។</p>
<p>ការបាញ់គ្រាប់ពិតនូវប្រភេទកាំភ្លើងធំនេះ បានធ្វើឡើងក្រោមអធិបតីភាព ឧបនាយករដ្ឋមន្រ្តី រដ្ឋ<br />មន្ត្រីក្រសួងការ ពារជាតិ នាយឧត្តមសេនីយ៍ ទៀ បាញ់ រួមនិងមន្រ្តីជាន់ខ្ពស់នៃកងយោធពល<br />ខេមរភូមិន្ទជាច្រើនរូបផ្សេងទៀត។</p>
<p>លោកឧត្តមសេនីយ៍ឯក ឥត សារ៉ាត់ អគ្គមេបញ្ជាការរង នៃទ័ពជើងគោក និងជាបញ្ជាការកងកាំ<br />ភ្លើងធំ បានប្រាប់ ក្រុមអ្នកសារព័ត៌មានមុនពេលធ្វើសមយុទ្ធ នាព្រឹកថ្ងៃទី០២ ខែមេសា ឆ្នាំ២០១៣<br /> ថាការធ្វើសមយុទ្ធនេះ ដើម្បី បង្ហាញកេត្យានុភាពជាតិ មិនមែនជាការគំរាមកំហែងដល់ប្រទេស<br />ណាមួយនោះទេ។ លោកបន្តថា ការបាញ់ចែកចេញជា២ដំណាក់កាល ដំណាក់កាលទី១ បាញ់<br />អាវុធធុនធ្ងន់ ១៣០មីល្លីម៉ែត្រ ១គ្រាប់ម្តង និងដំណាក់កាលទី២បាញ់អាវុធប្រតិកម្ម BM21 ក្នុង<br />រយៈចម្ងាយ ១៦គីឡូ ម៉ែត្រ ឆ្ពោះទៅកាន់គោលដៅភ្នំចង្អោធំ ជាប់ព្រំប្រទល់៣ស្រុក គឺស្រុកបរ<br />សេដ្ឋ ស្រុកសំរោងទង និងស្រុកភ្នំស្រួច ក្នុងខេត្តកំពង់ស្ពឺ។</p>
<p>លោកក៏បានឲ្យដឹងទៀតថា ការធ្វើសមយុទ្ធនេះ បានធ្វើឡើងបន្ទាប់ពីកងកម្លាំងកាំភ្លើងធំ បាន<br />ហ្វឹកហាត់អស់រយៈ ពេល៤ខែមកហើយ។</p>
<p>លោកឧត្តមសេនីយ៍បានបន្តថា អាវុធដែលបានយកមកសាកល្បង បាញ់នាពេលនេះ គឺជាអាវុធ<br />ថ្មី ដែលទើបនាំចូលពីបរទេស ដើម្បីបំពាក់ដល់ កងយោធពលខេមរភូមិន្ទ ក្នុងការការពារបូរណ<br />ភាពទឹកដី ខុសពីអាវុធ ដែលបានបាញ់សាកល្បង កាលពីឆ្នាំ២០១០កន្លងទៅ នៅឯស្រុកទឹកផុស<br /> ខេត្តកំពង់ឆ្នាំង ដែលជាអាវុធចាស់ៗសល់ពីសង្គ្រាម។</p>
<p>លោកនាយឧត្តមសេនីយ៍ ប៉ុល សារឿន បានវាយតម្លៃខ្ពស់ ចំពោះការខិតខំប្រឹង ប្រែងរវាងគណៈ<br />កម្មការហ្វឹកហ្វឺន អគ្គបញ្ជាការ បញ្ជាការដ្ឋានកង អង្គរក្ស កងទ័ពជើងទឹក និងក្រុមយោធាចារ្យរបស់<br />ជំនាញកាំភ្លើងធំ ដែលបាសហ ការគ្នាល្អ និងបានបំពេញតាមតួនាទី ប្រកបដោយការទទួលខុស<br />ត្រូវខ្ពស់។</p>
<p>លោកបានចាត់ទុកការបាញ់សាកល្បងនាពេលនេះថា ជាព្រឹត្តិការណ៍ដ៏មានអត្ថន័យក្នុងការបង្ហាញ<br />នូវសមត្ថភាពរបស់ កងយោធពលខេមរភូមិន្ទ អំពីបច្ចេកទេសប្រើប្រាស់អាវុធ ដើម្បីការពារបូរណ<br />ភាពទឹកដី ទប់ទល់រាល់មហិច្ឆ តារំលោភឈ្លានពាន របស់ខ្មាំងសត្រូវ។</p>
<p>នាយឧត្តមសេនីយ៍ ប៉ុល សារឿន ក៏បានណែនាំដល់កងកម្លាំងទាំងអស់ ត្រូវសហការគ្នាឲ្យបានល្អ<br /> ជាមួយអាជ្ញាធរដែនដី ដើម្បីការពារសន្តិសុខ តំបន់គ្រាប់ធ្លាក់ ធានាបានសុខសុវត្ថិភាពល្អជូនប្រ<br />ជាពលរដ្ឋ។</p>
<p>បើតាមមន្រ្តីយោធាកម្ពុជាបានឲ្យដឹងថា កាំភ្លើង BM-21 ជាប្រភេទកាំភ្លើងប្រតិកម្មមាន៤០កាណុង<br /> ដែលគេប្រើ សម្រាប់បាញ់គាំទ្រនៅក្នុងសមរភូមិប្រយុទ្ធ ហើយកាំភ្លើងដែលធ្វើសមយុទ្ធនាព្រឹកនេះ<br /> សុទ្ធតែកាំភ្លើងដែលទើបនាំ ចូលថ្មីទាំងអស់ មិនមែនជាប្រភេទកាំភ្លើងចាស់ៗ ដូចការធ្វើសមយុទ្ធ<br />នៅខេត្តកំពង់ឆ្នាំង កាលពីឆ្នាំ២០១០នោះ ទេ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-197.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>