<div class="article-content">
<p><strong>ភ្នំពេញ ៖</strong> គ្រូបង្រៀននៅវិទ្យាល័យឥន្ទ្រ ទេវីម្នាក់ ពេលត្រឡប់មកពីបង្រៀនវិញ ស្រាប់តែឃើញ<br />ជនសង្ស័យម្នាក់ ដែលធ្វើ សកម្មភាពគាស់ផ្ទះ យកទ្រព្យសម្បត្ដិនោះ ក៏ចាប់ខ្លួនប្រគល់ឱ្យទៅ<br />សមត្ថកិច្ចមូលដ្ឋាន កាលពីវេលាម៉ោង ៩ និង៤៥នាទីយប់ថ្ងៃទី ០៩ ខែកក្កដា ឆ្នាំ ២០១៣ ស្ថិត<br />នៅផ្ទះគ្មាន លេខ ផ្លូវលេខ ១០១៥ ភូមិពោងពាយ សង្កាត់ភ្នំពេញថ្មី ខណ្ឌសែនសុខ ព្រមទាំង <br />រឹបអូសបានវត្ថុតាងមួយចំនួន ដូចជា តួណឺ វីស និងដង្កាប់ជាដើម ។</p>
<p>យោងតាមរបាយការណ៍របស់នគរបាល ខណ្ឌសែនសុខ បានឱ្យដឹងថា ជនសង្ស័យរូប នេះ ឈ្មោះ<br /> អ៊ុន មិត្ដ ហៅ អាញ៉ាញ់ អាយុ ២៥ឆ្នាំ មុខរបរ ដើររើសអេតចាយ ស្នាក់ នៅក្នុងស្ដង់អេតចាយ តាម<br />បណ្ដោយផ្លូវ លេខ ២០១១ ភូមិគោកឃ្លាង សង្កាត់ភ្នំ ពេញថ្មី ខណ្ឌសែនសុខ រីឯជនរងគ្រោះ ឈ្មោះ<br /> ប៉ែន ចន្ថា អាយុ ៤៦ឆ្នាំ មុខរបរ ជា គ្រូបង្រៀន ស្នាក់នៅចំណុចកើតហេតុខាង លើ ។</p>
<p>របាយការណ៍របស់នគរបាល បានបន្ដថា មុនពេលកើតហេតុ ជនរងគ្រោះ និងក្រុម គ្រួសារ បាន<br />ចេញពីផ្ទះទៅធ្វើការដោយចាក់ សោរទ្វារផ្ទះជិត លុះដល់វេលាម៉ោង ៩យប់ ថ្ងៃទី០៩ ខែកក្កដា នៅ<br />ពេលដែលជនរងគ្រោះ ត្រឡប់មកពីបង្រៀនវិញ ស្រាប់តែ ឃើញជនសង្ស័យរូបនេះ កំពុងដើររើស <br />ក្រដាសនៅយ៉មុខផ្ទះ ហើយពេលនោះបាន ឃើញទ្វារផ្ទះខាងក្រោយរបើក ដោយមាន ស្នាមគាស់<br /> ក៏ទៅឃាត់ខ្លួនជននេះប្រគល់ឱ្យ សមត្ថកិច្ចតែម្ដង ។បច្ចុប្បន្នជនសង្ស័យរូប នេះ ត្រូវបានឃុំខ្លួនជា<br />បណ្ដោះអាសន្ននៅ អធិការនគរបាល ខណ្ឌសែនសុខ ដើម្បីកសាងសំណុំរឿងបញ្ជូនទៅតុលាការ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0417.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>