<p>តារាចម្រៀងប្រុស សាន រតបញ្ហាស័ក្ដ ដែលធ្លាប់បានចូលគាល់សម្ដេចឪ ញឹកញាប់ ថ្លែង<br />ពីអារម្មណ៍ក្ដុកក្ដួល ចំពោះការសោយទីវង្គត់របស់អតីតព្រះមហាក្សត្រខ្មែរ។</p>
<p>លោក សាន រតបញ្ញាស័ក្ដ បានប្រាប់អោយដឹងថា លោក មានការសោកស្ដាយណាស់ នៅ<br />ពេលបានទទួលដំណឹងថា សម្ដេចឪ បានយាងចូលទីវង្គត់។ តារាចម្រៀងប្រុស សម្លេងថ្នម<br /> រូបនេះ ថ្លែងថា ខ្លួនធ្លាប់បានចូលគាល់អតីតព្រះមហាក្សត្រខ្មែរ ជាញឹកញាប់ ដូច្នេះ រូបភាព<br />របស់ព្រះអង្គ ហាក់ដូចស្ថិតនៅចំពោះមុខគាត់ជានិច្ច។</p>
<p><a class="thickbox" title="" href="/FileManager/Commons/2012/10/16/sak1-16-10-2012--12-35-48.jpg"><img style="display: block; margin-left: auto; margin-right: auto;" src="/FileManager/Articles/mce/2012/10/16/sak1-16-10-2012--12-35-48.jpg" alt="" width="310" height="413" /></a></p>
<p>លោក ថ្លែងថា ៖ "កាលពីប៉ុន្មានឆ្នាំមុន ពេលដែលខ្ញុំទើបបានចូលប្រឡូកក្នុងវិស័យសិល្បៈ<br />ខ្ញុំធ្លាប់បានចូលវាំងជាញឹកញាប់ណាស់។ កាលណោះ ខ្ញុំគឺជាអ្នករៀបចំភ្លេង ម៉ិចស៊ើរ ថ្វាយ<br />អតីតព្រះមហាក្សត្រ នៅពេលមានកម្មវិធី លៀងសាយភោជន៍ ម្ដងៗ"។</p>
<p>តារាចម្រៀងប្រុស សាន រតបញ្ញាស័ក្ដ បន្ដថា ៖ "ខ្ញុំពិតជាមានសំណាងខ្លាំងណាស់ ដែលបាន<br />ចូលវាំង រៀបចំឧបករណ៍ភ្លេងថ្វាយសម្ដេចឪ ព្រមទាំងបានឃើញព្រះភក្រ្ដព្រះអង្គជាញឹកញាប់ និងរៀងរាល់ពេលមានកម្មវិធីលៀងសាយភោជន៍ ក្នុងព្រះបរមរាជវាំង។ ទ្រង់ហាក់ដូច កំពុង<br />គង់នៅចំពោះមុខខ្ញុំ ទ្រង់ហាក់ដូចមិនបានសោយទីវង្គត់នោះទេ"។</p>
<p><a class="thickbox" title="" href="/FileManager/Commons/2012/10/16/sak2-16-10-2012--12-36-24.jpg"><img style="display: block; margin-left: auto; margin-right: auto;" src="/FileManager/Articles/mce/2012/10/16/sak2-16-10-2012--12-36-24.jpg" alt="" width="314" height="422" /></a><br /><br />សូមរំលឹកថា អតីតព្រះមហាក្សត្រខ្មែរ ព្រះបាទ នរោត្តម សីហនុ បានយាងចូលទីវង្គត់ កាល<br />ពីវេលាម៉ោង១ និង២០នាទីរំលងអធ្រាត្រឈានចូលថ្ងៃទី១៥ ខែតុលា ឆ្នាំ២០១២ នាមន្ទីរពេទ្យ <br />នៃទីក្រុងប៉េកាំង ប្រទេសចិន ក្នុងព្រះជន្នាយុ៩០ព្រះវស្សា ដោយព្រះជរាពាធ។ បច្ចុប្បន្ន ព្រះ<br />សពរបស់ព្រះ កំពុងត្រូវបានរៀបចំដង្ហែ មកកាន់មាតុប្រទេស៕</p>
<p> </p>
<p style="text-align: right;">ដោយ ៖ សូរីយ៉ា<br /><br /></p>
<p> </p>