<p><span><strong>ភ្នំពេញ៖ </strong>តារាសម្ដែងវ័យជ្រេ តែសម្រស់ថេរ អ្នកនាង ចន ច័ន្ទលក្ខិណា ទើបតែដាក់ពាក្យប្ដឹង<br /> លែងប្ដី លោក យុត្ថា រ៉ាឆានី ដែលជាស្វាមី ធ្លាប់កម្សត់កម្រជាមួយ គ្នាច្រើនឆ្នាំ ធ្វើឲ្យដំណឹងនេះ<br /> ល្បីល្បាញខ្ទរខ្ទារ ពេញពិភពសិល្បៈ ដោយម្នាក់ យកដៃគួកទ្រូង ព្រោះមិននឹកស្មាន ដល់សោះ<br />ថា អ្នកនាង ចន ច័ន្ទលក្ខិណា ហ៊ានសម្រេចចិត្ត ធ្វើបែបនេះ។ </span></p>
<p><span>រឿងរ៉ាវនេះ បានរង្គោះរង្គើ ទៅដល់ផ្លូវចិត្ត មហាជណជាច្រើន ដែលតែងតែកោតសរសើរ ពី<br />សេចក្តីស្នេហា របស់អ្នកសិល្បៈមួយគូនេះ ព្រោះតារាសម្តែងទាំងពីរ ត្រូវបានស្ថាប័នជាតិ និង<br />អន្តរជាតិជាច្រើន តែងតាំងជាអគ្គរដ្ឋទូតសុឆន្ទៈ ក្នុងការផ្តល់ជាគំរូ និងការអប់រំផ្សេងៗ។<br /></span></p>
<p>តែពេលនេះ តំណែងជាអគ្គរដ្ឋទូតសុឆន្ទៈ ត្រូវបានរបូតបាត់ទៅហើយ ព្រោះតែការបែកបាក់គ្នា។<br /> ចំណែកអ្នកនាង ចន ច័ន្ទលក្ខិណា វិញ ត្រូវបានប្រភពច្បាស់ ការមួយបាន និយាយថា អ្នកនាង<br />បានរៀបបង្វេច ទៅដើរលេងនៅម៉ាឡេស៊ី បាត់ទៅហើយ បើទោះជាសំណុំរឿង កំពុងតម្កល់<br /> នៅសាលាដំបូង រួចហើយក៏ដោយ ។</p>
<p>ប៉ុន្តែប្រភពមួយផ្សេង ទម្លាយចេញ ពីក្រុមបង្ហាញម៉ូដ ខេមបូឌា សូភើម៉ូឌែល បាននិយាយថា អ្នក<br />នាង ចន ច័ន្ទលក្ខិណា មិនបានទៅដើរលេង ហោះហើរស្អីនោះទេ គឺទៅជាលក្ខណៈ ក្រុមការងារ<br />ដើរម៉ូដ ប្រហែល ជាបួនថ្ងៃទៀត នឹងត្រឡប់មកវិញហើយ ពោលគឺទៅចូលរួម ក្នុងកម្មវិធី ដំណើរ<br />កំសាន្ដអាស៊ាន ស្វែងរកនៅ ប្រទេសម៉ាឡេស៊ី២០១៣ (Asean Explore Quest Malaysia 2013) <br />ដែលទទួលបាន ការអញ្ជើញឲ្យចូលរួម ពីសំណាក់ ក្រុមប្រឹក្សាផ្សាព្វផ្សាយ ទេសចរណ៍ម៉ាឡេស៊ី <br />ដែលជាផ្នែកមួយ នៃក្រសួងទេសចរណ៍ ម៉ាឡេស៊ី រួមជាមួយស្ថានទូត ម៉ាឡេស៊ី និងទទួលបាន <br />ការឧបត្ថម្ភពីក្រុមហ៊ុន អាកាសចរណ៍ Malaysia Air Lines ។</p>
<p>ទោះបីជាបែបណា ការធ្វើដំណើរ ទៅចូលរួមកម្មវិធី ថ្នាក់អាស៊ាននេះ សម្រាប់តារាបង្ហាញម៉ូដ <br />តំណាងឲ្យប្រទេសកម្ពុជា គឺមានតែពីររូបប៉ុណ្ណោះ គឺអ្នកនាង ចន ច័ន្ទលក្ខិណ និងកញ្ញា ខេម៉ា <br />រីតា ហើយហាក់ មានសកម្មភាព លេចធ្លោរជាងគេ ទៀតផង ក្នុងរយៈពេលប៉ុន្មានថ្ងៃមកនេះ។</p>
<p>ងាកមកចាប់អារម្មណ៍ លើពាក្យបណ្ដឹង លែងលះស្វាមី ដ៏គួរឲ្យភ្ញាក់ផ្អើល សម្រាប់អ្នករស់នៅ ក្នុង<br />ពិភពសិល្បៈ ក៏ដូចជាមហាជនទូទៅឯណេះវិញ អ្នកនាង ចន ច័ន្ទលក្ខិណា និងមេធាវីបានបង្ហាញ<br />ខ្លួនរួចហើយ នៅឡើយតែលោក យុត្ថា រ៉ាឆានី ជាស្វាមី មិនទាន់បាន មកបង្ហាញវត្តមាន តាមការ<br />កោះអញ្ជើញ របស់ចៅក្រម អមសាលាដំបូង រាជធានីភ្នំពេញទេ ខណៈដែលពាក្យបណ្ដឹងនេះ មាន<br />តែភាគី អ្នកនាង ចន ច័ន្ទលក្ខិណា ទេ ដែលចង់ឲ្យតុលាការ លើកយកមកជំនុំជំរះ ឲ្យបានលឿន<br />បំផុត ជៀសវាង អូសបន្លាយយូរពេក នាំឲ្យខាតពេល ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0373.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0374.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0375.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/24531-2013-11-14-04-39-13.html">ដើមអំពិល</a></p>