<p>សមរភូមិស្មាតហ្វូន ពីមួយថ្ងៃទៅមួយថ្ងៃ កាន់តែមានសភាពតឹងតែងទៅៗ នៅពេលដែលបណ្តា<br />ក្រុមហ៊ុន Hardware ធ្វើការប្រកួតប្រជែងគ្នា តាមគ្រប់វិធី ដើម្បីទទួលបានទីផ្សារភាគហ៊ុន ច្រើន<br />ជាងមុន។</p>
<p>ជាក់ស្តែងកាលពីពេលថ្មីៗនេះ Rockstar បានដាក់លិខិតប្តឹង Google, Samsung, HTC, Huawei<br />ក៏ដូចជាក្រុមហ៊ុនបច្ចេកវិទ្យា មួយចំនួនផ្សេងទៀត ទៅលើបញ្ហារំលោភ "Copyright"។ មុននេះ<br /> Rockstar បានចំណាយប្រាក់អស់ជាង ៤,៥ ពាន់លាន ដុល្លារ ដើម្បីធ្វើជាម្ចាស់គ្រប់គ្រងចំនួន<br />"Copyright" ទាំងនោះ។ អ្វីដែលគួរឲ្យចាប់អារម្មណ៍ខ្លាំងនោះគឺ Rockstar គឺជាអង្គការមួយដែល<br />ចូលរួមបង្កើតឡើងដោយ Apple, Microsoft, Blackberry, Ericsson និង Sony។</p>
<p><a class="thickbox" title="" href="/FileManager/Commons/2013/11/2/g2-02-11-2013--11-03-32.jpg"><img src="/FileManager/Articles/mce/2013/11/2/g2-02-11-2013--11-03-32.jpg" alt="" /></a></p>
<div>Google បានខិតខំប្រឹងប្រែងបង្កើននូវចំនួន ប័ណ្ណប៉ាតង់របស់ខ្លួន ក្នុងពេលដែលបានចំណាយ<br />អស់ប្រាក់ ៩០០ លានដុល្លារ ដើម្បីប្រមូលបានប័ណ្ណប៉ាតង់ កាន់តែច្រើន កាន់តែល្អ។ ចំនួនទឹក<br />ប្រាក់វិនិយោគរបស់ Google អាចឡើងដល់ចំនួន ៤,៤ ពាន់លាន ដុល្លារ។ ដូច្នេះចំនួនទឹកប្រាក់<br />នេះ វាមិនតិចអីប៉ុន្មាន ជាមួយនឹងអ្វី ដែលខាង Rockstar បានចំណាយនោះទេ។</div>
<div></div>
<div><a class="thickbox" title="" href="/FileManager/Commons/2013/11/2/g1-02-11-2013--11-03-54.jpg"><img src="/FileManager/Articles/mce/2013/11/2/g1-02-11-2013--11-03-54.jpg" alt="" /></a></div>
<div></div>
<div>នេះក៏ជាមូលហេតុមួយ ក្នុងចំណោមមូលហេតុមួយចំនួនទៀត ដែល Google ចាំបាច់ត្រូវទិញ<br />យក Motorola Mobility ក្នុងតំលៃ ១២,៥ ពាន់លាន ដុល្លារ ដែលជាក់ស្តែង ពួកគេមិនត្រូវការ<br />ក្រុមហ៊ុន Hardware ណាមួយទេ ប៉ុន្តែអ្វីដែល Google ចង់បាននោះ គឺចំនួនប័ណ្ណប៉ាតង់ ដែល<br />ក្រុមហ៊ុននោះកំពុងមាន នោះឯង។</div>
<div></div>
<div><a class="thickbox" title="" href="/FileManager/Commons/2013/11/2/g3-02-11-2013--11-04-52.jpg"><img src="/FileManager/Articles/mce/2013/11/2/g3-02-11-2013--11-04-52.jpg" alt="" /></a></div>
<div></div>
<div>
<div>នៅមិនទាន់ដឹងថា ការប្តឹងផ្តល់ នៃវិវាទទាំងនេះ នឹងអូសបន្លាយរហូតដល់ពេលណា ហើយមាន<br />ផលិតផលប៉ុន្មាន ដែលនឹងត្រូវហាមដាក់លក់នៅលើទីផ្សារ នោះទេ។ ប៉ុន្តែការប្រកួតប្រជែង ត<br />តាំងគ្នា លើកនេះ អាចនិយាយបានថា ជាវិវាទ តតាំងគ្នា ស្តីពីកម្មសិទ្ធិ Copyright បច្ចេកវិទ្យា ដ៏<br />ធំបំផុត នៅក្នុងឆ្នាំនេះ គឺធំជាងវិវាទ រវាង Apple - Samsung ទៅទៀត៕</div>
<div></div>
<div>
<p style="text-align: left;"><span style="color: #000000;">ព័ត៌មានគួរឲ្យចាប់អារម្មណ៍ផ្សេងទៀត៖</span></p>
<p style="text-align: left;"><a href="/News/Detail/61879/iphone-air-version-concept"><span style="color: #0000ff;">- Version Concept: iPhone Air អេក្រង់ 5 inch កម្រាស់ 4,5mm ស្អាតអស់ទាស់ (មានវីដេអូ)</span></a><a href="/News/Detail/62358/nokia-sales-lumia-1520-amount-750-dollars-in-vietnam"><span style="color: #0000ff;"><br />- Nokia លក់ Phablet Lumia 1520 ក្នុងតំលៃប្រហាក់ប្រហែល ៧៥០ ដុល្លារនៅវៀតណាម</span></a><a href="/News/Detail/89012/time-lapse-video-shows-the-radical-effect-of-photoshop-on-models-body"><span style="color: #0000ff;"><br />- វីដេអូ៖ ប្រយ័ត្នចាញ់បោករូបថតណា ប្រិយមិត្តទាំងអស់គ្នា</span></a><a href="/News/Detail/82670/female-nurse-apologized-for-shooting-photo-with-corpse"><span style="color: #0000ff;"><br />- គិលានុបដ្ឋានិកា ៣រូប សុំទោសជាសាធារណៈ ចំពោះទង្វើប្រាសចាកក្រមសីលធម៌ របស់ខ្លួន</span><br /><span style="color: #0000ff;">ក្នុងការថតរូបជាមួយសាកសព ក្នុងបន្ទប់សង្រ្គោះ</span></a><a href="/News/Detail/78341/iphone-6-screen-5-inchfullhd-will-launch-in-september-next-year"><span style="color: #0000ff;"><br />- iPhone 6 អេក្រង់ ៥អ៊ីន Full HD នឹងបង្ហាញខ្លួន នៅខែកញ្ញា ឆ្នាំក្រោយ</span></a><a href="/News/Detail/91436/official-google-nexus-5-full-screen-hd-495-"></a></p>
<p style="text-align: right;">ប្រែសម្រួល៖ សិលា<br />ប្រភព៖ kenh14</p>
</div>
</div>