<div class="article-content">
<div id="content">
<div class="chat in">
<p class="msg 1st"><strong>ភ្នំពេញ៖</strong> ប្រមុខរាជរដ្ឋាភិបាលកម្ពុជា សម្តេចតេជោ ហ៊ុនសែន នាយករដ្ឋមន្រ្តី នៃព្រះរាជាណាចក្រ<br />កម្ពុជា បានសម្រេចប្រកាសដំឡើងប្រាក់បៀវត្សរ៍ ជូនដល់មន្រ្តីរាជការ ក្របខណ្ឌឃ,គដល់ ៣២ម៉ឺន<br />រៀល។</p>
<p class="msg 1st">យោងតាមតាមអនុក្រឹត្យ ដែលចុះហត្ថលេខាដោយ សម្តេចតេជោ ហ៊ុន សែន នាយករដ្ឋមន្រ្តីនៃ<br /> ព្រះរាជាណាចក្រកម្ពុជា ស្តីពីការបង្កើនបៀវត្សរ៍មូលដ្ឋាន របស់មន្រ្តីរាជការនៃក្របខ័ណ្ឌ ឃ,ក្រប<br /> ខណ្ឌ គ ឋានន្តរស័ក្តិ ទី៣ និងក្របខ័ណ្ឌ គ ឋានន្តរស័ក្តិទី២ ក្រោមច្បាប់ស្តីពីសហលក្ខន្តិកៈ មន្រ្តី <br />រាជការស៊ីវិល នៃព្រះរាជាណាចក្រកម្ពុជា ដែលបានចេញផ្សាយកាលពីថ្ងៃទី៦ ខែសីហា ឆ្នាំ២០១៣<br /> បានឲ្យដឹងថា រាជរដ្ឋាភិបាលកម្ពុជា បានសម្រេច តាមមាត្រ១ អនុក្រឹត្យនេះ មានគោលដៅបង្កើន <br />បៀវត្សរ៍មូលដ្ឋាន ប្រចាំកម្រិតទាបបំផុត របស់មន្រ្តីរាជការ ក្នុងក្របខ័ណ្ឌ ឃ, ក្របខ័ណ្ឌ គ ឋានន្តរ<br />សក្តិ ទី៣ ក្របខ័ណ្ឌ គ ឋានន្តរសក្តិទី ២ក្រោមច្បាប់ ស្តីពីសហលក្ខន្តិកៈ មន្រ្តីរាជការស៊ីវិល នៃព្រះ<br />រាជាណាចក្រកម្ពុជា ឲ្យឡើងដល់ ៣២ម៉ឺនរៀល ដោយត្រូវចាប់ផ្តើមអនុវត្តចាប់ពីថ្ងៃទី១ ខែកញ្ញាឆ្នាំ<br />២០១៣តទៅ។ ដោយឡែកប្រាក់បំណាច់មុខងារ និងប្រាក់បំណាច់ផ្សេងទៀត ដែល កំពុងស្ថិតនៅ<br />ជាធរមាន សម្រាប់មន្រ្តីរាជការនៃក្របខ័ណ្ឌ ឃ, ក្របខ័ណ្ឌ គ នឹងបន្តអនុវត្តតទៅ ទៀត។</p>
<p class="msg 1st">ក្នុងអនុក្រឹត្យនោះ ប្រមុខរាជរដ្ឋាភិបាលកម្ពុជា បានបញ្ជាឲ្យរដ្ឋមន្រ្តីទទួលបន្ទុក ទីស្តីការគណៈ រដ្ឋ<br />មន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ រដ្ឋលេខាធិការ នៃរដ្ឋលេខាធិការដ្ឋាន មុខងារសាធារណៈ <br />រដ្ឋមន្រ្តី រដ្ឋលេខាធិការគ្រប់ក្រសួងស្ថាប័ន ជាប់ពាក់ព័ន្ធត្រូវអនុវត្តអនុក្រឹត្យនេះ ឲ្យមាន ប្រសិទ្ធភាព<br />ចាប់ពីថ្ងៃចុះហត្ថលេខាតទៅ។</p>
<p class="msg 1st">ការសម្រេចដំឡើង ប្រាក់បៀវត្សរ៍មូលដ្ឋាននេះ នឹងបានជាប្រយោជន៍ ដល់មន្រ្តីរាជការស៊ីវិល ចំនួន<br /> ប្រមាណជាង៩ម៉ឺននាក់។ នៅថ្ងៃខាងមុខ ក្នុងនាមរាជរដ្ឋាភិបាលនីតិកាលទី៥ នៃរដ្ឋសភា រាជ រដ្ឋា<br />ភិបាល នឹងបន្តកិច្ចខិតខំប្រឹងប្រែង កាន់តែសកម្មក្លៀវក្លាឡើងថែមទៀត ដើម្បីបង្កើនប្រាក់ បៀវត្សរ៍<br />ជូនមន្រ្តីរាជការស៊ីវិល និងកម្លាំងប្រដាប់អាវុធគ្រប់ប្រភេទ ស្របតាមគោលនយោបាយ ដូចបាន<br />បញ្ជាក់ ទន្ទឹមនឹងការបន្តខិតខំប្រឹងប្រែង ជំរុញបង្កើនប្រាក់ឈ្នួល ពលកម្មអប្បបរមា ជូន ដល់កម្មករ<br />និយោជិតផងដែរ៕</p>
<p class="msg 1st"><a class="thickbox" title="" href="/FileManager/Commons/2013/8/7/s-01-07-08-2013--09-39-12.png"><img src="/FileManager/Articles/mce/2013/8/7/s-01-07-08-2013--09-39-12.png" alt="" /></a></p>
<p class="msg 1st"><a class="thickbox" title="" href="/FileManager/Commons/2013/8/7/s-02-07-08-2013--09-39-37.png"><img src="/FileManager/Articles/mce/2013/8/7/s-02-07-08-2013--09-39-37.png" alt="" /></a></p>
<p class="msg 1st" style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>
</div>
</div>