<div class="article-content">
<p><strong>ភ្នំពេញ</strong> : អគ្គិភ័យមួយបង្កឲ្យ មានការភ័យស្លន់ស្លោ ដល់ អ្នកស្រុកទាំងព្រលឹមអុល ដោយខ្លះរត់<br />ទៅរក បំពង់បាញ់ ពន្លត់ ខ្លះទាញទុយោទឹក បាញ់ ពន្លត់ ខ្លះទូរស័ព្ទហៅរថយន្ត ពន្លត់អគ្គិភ័យ មក<br />ជួយអន្តរាគមន៍ ទើបអំណាចព្រះអាគី ថមថយនិងរលត់ទាំងស្រុង ទៅវិញ មិនបណ្តាលឲ្យរាល <br />ដាលដល់ផ្ទះអ្នកស្រុកក្បែរ ខាងផ្សេងទៀតនោះទេ។</p>
<p>ហេតុការណ៍គ្រោះ អគ្គិភ័យ បង្កឲ្យផ្អើលអស់មនុស្សម្នា នេះ កើតឡើងនៅវេលាម៉ោង ៥ និង៣០នាទី<br />ព្រលឹម ថ្ងៃទី២០ ខែមេសា ឆ្នាំ២០១៣ ស្ថិតនៅចំណុច ផ្ទះល្វែងភូមិសន្សំកុសលទី៥ ក្រុមទី៥ ផ្លូវ១២<br />បេតេ សង្កាត់បឹងទំពុន ខណ្ឌមានជ័យ រាជធានីភ្នំពេញ។</p>
<p>បើតាមសំដីលោក អ៊ឹម សុផាន់ ដែលជាម្ចាស់ផ្ទះ បានឲ្យដឹងថា ដើមហេតុដែល បង្កឲ្យកើតមានភ្លើង<br />ឆាបឆេះ នេះ បណ្តាលមកពីឆ្លងចរន្ត អគ្គិសនីកន្លែង សែនជំនាងផ្ទះ ឆេះរាលដាលដល់ទូតាំង អាសន:<br />កុងម៉ា កៅអីឈើ សាឡុង និយាយរួមគ្រឿងសង្ហារឹមជាច្រើន នៅក្នុងផ្ទះល្វែងជាន់ក្រោមមួយកំណាត់<br />មុខ ត្រូវភ្លើង ឆាបឆេះខូចខាត ស្ទើរទាំង ស្រុង។ ម្ចាស់ផ្ទះបន្តទៀតថា នេះដោយសារបានអ្នកស្រុក <br />ផ្ទះជិតខាងនាំគ្នាយកបំពង់ ឧស័ន្ម និងទាញទុយោទឹក មកជួយបាញ់ពន្លត់ទាន់ពេល វេលា ទើបមិន<br />បណ្តាលឲ្យ រាលដាលដល់ផ្ទះផ្សេងទៀត។</p>
<p>លោកឡូ ភិរម្យ មេនគរបាល បឹងទំពុន បានឲ្យដឹងថា ម្ចាស់ផ្ទរងគ្រោះ មានឈ្មោះ អ៊ឹម សុផាន់ ភេទ<br />ប្រុស អាយុ ៤៥ឆ្នាំ ជាមន្រ្តីអគ្គិសនី នៅអូបែកក្អម។ លោកបន្តថា ផ្ទះរបស់មានជាន់លើ និងជាន់ផ្ទាល់<br />ដី ហើយជារៀងរាល់ថ្ងៃ លោក សុផាន់ និងកូនចៅ តែងតែសម្រាកនៅជាន់លើ ជាហេតុមិនអាចដឹង <br />ពេលភ្លើងឆាបឆេះ កុំតែបានអ្នកជិតខាងឃើញ និងជួយវាយទម្លាយទ្វារកញ្ចក់បាញ់ពន្លត់ភ្លើងទាន់ <br />ទើបម្ចាស់ផ្ទះនិងកូនចៅ អាចចុះពីជាន់លើបាន។</p>
<p>សូមបញ្ជាក់ថា នៅក្នុងហេតុ ការណ៍សង្រ្គោះអគ្គិភ័យនេះ ប្រើប្រាស់បំពង់ពន្លត់ភ្លើង ជិត១០បំពង់ រួម<br />ទាំងរថយន្ត ពន្លត់អគ្គិភ័យ បាញ់អស់ទឹក ១គ្រឿងថែមទៀត ទើបអាច រលត់ភ្លើងបានទាន់ពេលវេលា<br />និងមិនបណ្តាលឲ្យរាលដាល ដល់លំនៅឋានប្រជាពលរដ្ឋជិតខាង៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0213.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0214.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0215.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0216.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0217.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>